GALATIA 4:4 - Tanou Moonsoi Timugon

⁴ Kaa' paat ra nasuku' nangaruan Nali, nangator i Aki Kapuuno' ra Anak Nano galama'. Io ti inanak ru sangulun ruandu' am giminagaya' Io niayuk ra Ukum ri Musa,

GALATIA 4:4 ပူးပေါင်းရင်းမြစ်များ

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

JISAYA 48:16

Ratong inggaar no Raki' am rongogo' ragu Kuno. Intor ra galing i kalo opoton ku ragu Kuno, am moonong ragu Kuno motopot.” Ragino Tuhan Raja' manusub raki' am manaak raki' ra kuasa' Nano.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JIRIMIA 31:22

Saboi sanggilan kau pagantangan, bansa' kau ondo' kalo gumagaya' Raki'? Nambaal Aku kia ra rorondo' ondo' bagu am makaimuag, makaimuag koson ra ruandu' manindung ra ungkuyon.”

JAKARIA 6:12

Balai' io ra Aku, Tuhan Ondo' Maayo Kaga' Kuasa' mindagu, ‘Ulun ondo' sabiton ri Talantar nakasugut giu' ra intok sinarayan nano, am mambaal io saguli' ra Baloi ru Tuhan.

MALIAKI 3:1

Tumaam Tuhan Ondo' Maayo Kaga' Kuasa', “Atarin Ku ulun sinusub Kuno koson manampos ra ralan Kuno. Pulusat ru Tuhan ondo' uyumon min, matong ra Baloi ru Tuhan. Ulun sinusub Kuno ondo' inaanin min matong am mampatanou ra nabantuan Kuno.”

UNTABAN 28:22

Papataak niayuk sanginan kambing gawayan ra tayar ru taak simbalui koson mangampun ra tula. Koon raginio noyo akau mambaal ra upacara pamasawan ra tayar ru ulun raginio.

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

MATIUS 3:15

Kaa' taam i Jisus, “Polosoon ayuk ra raino ti, sabap ra koson ragitio ito sumugut ra kasagaan ri Aki Kapuuno'.” I Juanis pana nangiou.

MATIUS 5:17

“Pai' kau pangkara' ra Aku matong mamuso ra Ukum ri Musa am pangilaan ru nabi-nabi. Aku matong sala' ka mamuso kaa' maa' raginio ngaangai' pangilaan no masauk.

MARKUS 1:15

Ragu Nano, “Paat nano naukop noyo; i Aki Kapuuno' tumalimpuun mamarinta. Talikur kano intor ra tula mino am pangintopot kano ra Tanou Moonsoi ti!”

LUKAS 1:31

Maapang kou am maganak kou ra sangulun anak ungkuyon. Inggalani' anak no i Jisus.

LUKAS 1:35

Taam malaikat no, “Matong Ambiluo ri Aki Kapuuno' rirun am kuasa' ri Aki Kapuuno' sumoroi rirun. Ginio sabap ra anak ondo' anakon muno sabiton Anak ri Aki Kapuuno' ondo' matulai.

LUKAS 2:7

Naganak io ra sangulun lalagang ungkuyon. Gitio anak nano ra katuaan. Kusibi' no lalagang no ra konoon am palangano' ralalom rondo' papaakanan ra bibiag sabap ra kolondo' intok pambalangan natuum nilo ra giu'.

LUKAS 20:44

Amon ru sabiton Io ri Daut ra ‘Tuhan’, ati kulaan Mamamayag ondo' sinusub ri Aki Kapuuno' masauk ra papag ri Daut?”

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

JUANIS 10:36

Aku pinili' am sinusub ri Ama' matong ra tana' ti. Kua indagu kau ra magasab Aku ri Aki Kapuuno' ra ragu Kuli, ‘Aku ti Anak ri Aki Kapuuno'’?

JUANIS 3:16

Sabap ra maayo kaga' guang ri Aki Kapuuno' ra ulun ru tana' ti, saboi nanaak Io ra Anak Langkuir Nano, maa' raginio moonong ulun ondo' mangintopot Riso kalo mapuso, kaa' mokoowot ra kaayagan mantilayun.

JUANIS 6:38

Sabap ra Aku ti timinuun intor ra suruga' sala' ka mambaal ra kasagaan Kuno galama', kaa' mambaal ra kasagaan ru Io ondo' nanusub Raki'.

JUANIS 8:42

Kon ri Jisus risilo, “Amon ru totopot i Aki Kapuuno' no Ama' min, tagamin min Aku, sabap ra minatong Aku intor ri Aki Kapuuno' am raino soroi Aku. Kalo minatong Aku maya' ra kasagaan Kuno galama', kaa' sinusub No Aku.

RINALATAN 1:7

Taam i Jisus, “Ama' Kuno galama' mangaru' ra orou am paat nano. Ginio kalo pana makapandai kau, sabap ra baal raginio i Ama' ra kuasa'.

ROMA 1:3

Tanou Moonsoi no mantunung ra baal ru Anak ri Aki Kapuuno', ioginio Tuhan takau i Jisus Kristus. Maya' ra papag Nano ra tana' ti, Io no sangulun anak ru raja' Daut;

ROMA 15:8

Ginio ra balain takamin, i Kristus siminauk ra mangingindangan ra ulun ru Jaudi koson manulu' risilo ra suguton ri Aki Kapuuno' atan ondo' binantu' Nali ra kinamatuaan nilai.

ROMA 5:6

Gili poyo, paat ra itakau kolondo' kaindanganan, nakaintuma' ra inaru' ri Aki Kapuuno', minatoi i Kristus koson mamayag ra ulun makatula.

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

ROMA 9:5

Ilo ti papag ru kinamatuaan takali ra nauligan, am intor ra papag ri Kristus ra ulun no, inanak Io sangulun Israil. Gama' ru i Aki Kapuuno' ondo' manguasa' ra ngaangai', omporon ra sabuoi-buoi no. Amin.

IPISUS 1:10

Gitio noyo inatang ri Aki Kapuuno' am pongoonon nano paat ra inaru' Nano, koson ralalom ri Kristus ngaangai' simpungon No rondo', ioginio giu' ra suruga' kapoam giti ra tana' ti, am i Kristus noyo masauk ra tingganai no.

KOLOSI 2:14

Ginio nai ra linulu' ri Aki Kapuuno' ukum ru ngaangai' tula min i ra Io napapaku' risilo ra salip ri Kristus.

1 TIMOTIUS 2:6

Io nampataak ra painawo Nano koson mampalabus ra ngaangai' ulun ondo' makatula ra paat inaru' ri Aki Kapuuno'. Gitio noyo tatandu' ra i Aki Kapuuno' masaga' ra ngaangai' ulun bayagon.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

IBRANI 2:14

Sabap ra ilo ondo' sabiton ra pabukat, ioginio ulun, ilo mapandai matoi, ginio ra i Jisus pana nasauk ra ulun toojo mogondo' risilo. Binaal No ginio, maa' raginio mansail ra pinatayan Nano mamuso Io ra kuasa' ru Tingganai ru riwato ondo' makapampatoi ra ulun.

IBRANI 9:10

Sabap ra atan ondo' sinugut nilo intor ra akanon, inumon am nansalinut pambaguan ginio kaulayan ayuk. Ngaangai' ti sumugut ayuk ra kaulayan ru ulun am paugaron ra buoi ti saboi ngaangai' no talimbaguin ri Aki Kapuuno'.

1 JUANIS 4:14

Akai galama' nakakito ra Anak ri Aki Kapuuno'. Am pinatanou mai ra ulun bokon ra sinusub Io ru Ama' no masauk ra Mamamayag ra ulun ru tana' ti.

1 JUANIS 4:2

Gitio ralan min koson mangulig ra Ambiluo ri Aki Kapuuno': Ulun ondo' mindagu ra i Jisus Kristus minatong intor ri Aki Kapuuno' am siminauk ra ulun, ulun no mokoondo' ra Ambiluo ri Aki Kapuuno'.