GALATIA 4:3 - Tanou Moonsoi Timugon

³ Koson niayuk ritakau ra galing i, buoi itakau kalo poyo nasukor, inulipon takau ru riwato ondo' nanguasa' ra tana' ti.

GALATIA 4:3 ပူးပေါင်းရင်းမြစ်များ

MATIUS 11:28

“Ratong kano Raki' akau ngaangai' ondo' naagui sabap ra naagatan; patanguson takamin.

JUANIS 8:31

Kopongo ragili indagu boo i Jisus ra ulun ru Jaudi ondo' nangintopot Riso, “Amon ru gumagaya' kau toojo ra pangilaan Kuno, totopot akau no maamaya' Kuno.

RINALATAN 15:10

Ginio ra, kua guat pangkinam kau ri Aki Kapuuno' koson mantipagon ra ulun Kristian ti ondo' kalo noyo nasugut ru kinamatuaan takali am mulu' poyo itakau galama'?

ROMA 7:14

Makapandai takau noyo ra Ukum ri Musa no intor ra Ambiluo ri Aki Kapuuno', kaa' aku ti ulun ayuk ondo' inulipon ru tula.

ROMA 8:15

Sabap ra Ambiluo ondo' pinataak ri Aki Kapuuno' ramuyun, kalo mangulipon am mambaal ramuyun malaa'. Kaa' sotopot no Ambiluo no mampasauk ramuyun ra anak ri Aki Kapuuno', am ralalom indangan ru Ambiluo no, iowon takau mampiau ri Aki Kapuuno', “Ama', i Ama' kuno!”

2 KORINTUS 11:20

Polosoon min ilo mangulipon, mangingkaut, mamparuung, magasab am mampakauyu' ramuyun.

GALATIA 2:4

kabalu' pana ginio gogoton ru ulun migiangku ra Kristian ondo' liminatok ramon. Giminogot ilo pangimumui ra kalabusan ondo' noowot mai intor ri Jisus Kristus. Nangkinam ilo mangulipon poyo saguli' ramon,

GALATIA 3:19

Amon ru ginio poyo, atan pakuan ru Ukum ri Musa no? Io pinaruang koson mampakito ra kaanggalan takati. Ukum ri Musa ti mokoonong polos ayuk ra ratangan ru sangulun papag ri Abragam, io no ondo' napataakan ra nabantuan raginio. Ukum ti pinasaboi ru malaikat-malaikat ru Tuhan mumbaya' ra sangulun papabilinan.

GALATIA 4:2

Kaa' paat ra io mamulok, am saboi nasuku' nangaruan ru ama' nano, anak raginio alungin am indanganon ayuk poyo ru ulun ra bokon mampaugar ra ngaangai' kondoyon intor ra tungkuson nano.

GALATIA 4:24

Gitio koson ra rondo' pagabigan. Ruo ngaulun ruandu' no popogondoon koson ra ruo nabantuan. Rondo' no am i Agar. Io ti koson ra nabantuan ondo' binaal giu' ra Gunung Sinai am ondo' papag nano ulipon ayuk.

GALATIA 4:25

Ginio boo ri Agar ti noyo nogondo' ra Gunung Sinai giu' ra pagun ru Arab am mogondo' io niayuk ra bandar Jirusalim ra raino ti ondo' ngaangai' mamagun nano nasauk ra ulipon ilo ngai'.

GALATIA 4:31

Ginio boo pabukat kau ngaangai', itakau ti sala' ka koson ra anak ru ruandu' inulipon, kaa' anak takau ru ruandu' ondo' kalo inulipon no.

GALATIA 4:8

Ra galing i, paat ra akau kalo poyo nakaulig ri Aki Kapuuno', akau inulipon ru riwato ondo' karaan ra tuhan, ondo' kuasa' nilo sala' ka intor ri Aki Kapuuno'.

GALATIA 4:9

Kaa' raino nakaulig kano ri Aki Kapuuno', kapoam matanda' poyo raguon ra i Aki Kapuuno' nakaulig ramuyun. Kua saguli' kau poyo ra tuhan-tuhan ondo' kalo maikang am niayuk kolondo' onong? Kua guat kasaga' kau makiulipon poyo risilo?

KOLOSI 2:20

Minatoi kano tupo mabaya' ri Kristus am pinalabus kano intor ra kalaatan ru tana' ti ondo' mangunguasa' ra ulun. Ginio nai ra pai' kano kaayag koson ayuk ra ulun ondo' lakat ayuk poyo kinuasa' ru gitio.

KOLOSI 2:8

Ginio nga ra ilalai' min, maa' raginio kolondo' sangulun pana mamparuung ramuyun ra pangilaan ru ulun ondo' abau no ayuk am kolondo' onong, sabap ra mampakalayau ayuk ginio. Sala' ka i Jisus Kristus intor ru gitio, kaa' binaal ayuk ru ulun kapoam rondo' pangilaan ru kaulayan ayuk.

IBRANI 5:12

Sotopot no raino mangila' kano raan ra ulun bokon, kaa' kalo poyo makapandai kau. Lakat kau ayuk poyo musiti' ilaan ra puun ru pangilaan intor ri Aki Kapuuno'. Lakat kau ayuk poyo manginum ra susu' sabap ra kalo poyo maangkan.

IBRANI 7:16

Nasaukan no ra sangulun imam, sala' ka sumugut ra kaulayan ru ulun kaa' sumugut ra kaayagan nano ondo' makakuasa' am mantilayun.