GALATIA 2:9 - Tanou Moonsoi Timugon

⁹ I Jakubus, Pitrus am i Juanis ondo' karaan ra tingganai, nangiou ilo ra aku sinusub ri Aki Kapuuno' mambaal ra kandoi maatang ti. Ginio ra sikin ilo raki' am niayuk i Barnabas. Ginio tatandu' ra rondo' guang mai mangandoi, aku am i Barnabas mampatanou ra ulun sala' ka Jaudi, liliwa' ilo mampatanou ra ulun ru Jaudi.

GALATIA 2:9 ပူးပေါင်းရင်းမြစ်များ

2 RAJA'-RAJA' 10:15

Namparayus poyo Raja' Jigu ra pangkiralanan nano. Giu' ra tanga' ralan, tinuum io ri Jonadab anak ri Rikab. Liliwa' nanabi' riso, kono, “Sala' ka kia ito ti rondo' guang? Masaga' kou kia manungka' raki'?” Taam i Jonadab, “Masaga' aku.” Kon ru Raja' Jigu, “Amon ru koon poyo raginio, pansikin to.” Pansikin ilo, am pangindangan Raja' Jigu ri Jonadab sumakoi ra kurita' kuda nano.

MATIUS 16:18

Ginio ra balain Tokou: okou no i Pitrus, koson ra batu maikang, am tampak ru batu ti mampabigor Aku ra pasimpungan Kuno. Kuasa' ru kapatayan pana kalo makagula' raginio.

LUKAS 22:8

Panusub i Jisus ri Pitrus am i Juanis, indagu Io, “Ongoyo' min pongoono' kalalair intok pagakanan takau ra Paska.”

JUANIS 1:42

Ibito' no boo i Simon ri Jisus. Tantangi' ri Jisus i Simon, am indagu, “Inggalan muno i Simon anak ri Juanis, kaa' piawon kou poyo ri Kaipas.” (Kaipas nogondo' ra Pitrus, arati' nano ‘bulur batu’.)

RINALATAN 12:17

Nangani' i Pitrus risilo ra pulanu koson mongkoror am tunungo' no ati kulaan Tuhan nagibit riso miningkual ra lamin pangaputan. Kono poyo, “Balai' min i Jakubus am ulun Kristian ra bokon ra atan ondo' nasauk raki' ti.” Kopongo ragili, iruani' boo ri Pitrus intok raginio am ongoi ra intok ra bokon.

RINALATAN 15:13

Kopongo ilo nantunung, indagu i Jakubus, kono, “Pabukat kau ngaangai', rongogo' min gitio!

RINALATAN 15:7

Nabuoi ilo toojo nagindagu, bigor boo i Pitrus am indagu, “Pabukat kau ngaangai'! Akau galama' nakapandai ra aku inaru' ri Aki Kapuuno' intor ramuyun koson mampasaboi ra Tanou Moonsoi ra ulun sala' ka Jaudi, koson ilo ti niayuk makaining ragitio am mangintopot.

RINALATAN 4:36

Koson niayuk ri Jusup. Io ti am sangulun papag ru Liwi am inanak Io giu' ra pulu' Siprus. Sabiton io ru rasul ri Barnabas (arati' nano ‘Mampapirot ra guang’).

ROMA 1:5

Ralalom ru inggalan Nano noyo tinimpok taaki' ri Aki Kapuuno' raki' kandoi masauk ra rasul, koson mangandoi aku ri Kristus am magibit ra ngaangai' ulun mangintopot am gumagaya' Riso.

ROMA 12:3

Sabap ra asi' ri Aki Kapuuno' raki', mindagu aku ra moonong ramuyun: Pai' kano minsawat guang, ioginio majanjayan intor ra ondo' sotopot no. Kaa' moonsoi ra akau minggana' guang am karaa' kaayagan mino maya' ra kapandayan ondo' tinaakan ri Aki Kapuuno' ramuyun sigagama' sabap ra mangintopot akau ri Jisus.

ROMA 15:15

Kaa' ralalom surat kutu ragitio makakau' aku mampakara' ramuyun ra kukula' baal, sabap ri Aki Kapuuno' noyo nangani' raki' ra kandoi raginio.

1 KORINTUS 15:10

Kaa' kataawan ri Aki Kapuuno' niayuk ondo' nampasauk raki' ra osoi aku raino ti. Am kataawan Nano kalo niayuk nalubat. Kaa' sotopot no aku ondo' nangandoi toojo ka ngaangai' rasul ra bokon. Kaa' ginio noyo sala' ka aku galama', kaa' kataawan ri Aki Kapuuno' ondo' nangandoi nabaya' raki'.

2 KORINTUS 11:5

Kaa' guang ku kalo niayuk nakatauli aku intor ra “rasul” ondo' kinaatang mino.

2 KORINTUS 12:11

Akau no nangkinibit raki' mindagu koson ra sasambungon. Akau ondo' sotopot no musiti' mongompor raki'. Kabalu' pana aku ti kolondo' kon onong, kaa' kalo noyo nakatauli aku intor ra “rasul-rasul” ondo' kinaatang mino.

2 KORINTUS 8:4

nangitaak ilo toojo ramon, koson iowon ilo boo mangindangan ra ulun ri Aki Kapuuno' ra Jirusalim.

GALATIA 1:16

Paat ri Aki Kapuuno' nampaintalang ra Anak Nano raki', koson potonowon ku Tanou Moonsoi ra ulun sala' ka Jaudi, kalo nakitulu' aku ra osoi ayuk pana.

GALATIA 1:18

Pakasail talu ngambilor bagu no minongoi aku tuum ri Pitrus giu' ra Jirusalim. Siminimpung aku riso buoi mopor am limo ngoorou.

GALATIA 2:1

Kopongo mopor am apat ngambilor, siminaguli' aku poyo ra Jirusalim nabaya' ri Barnabas am pinaaya' niayuk i Titus.

GALATIA 2:2

Minongoi aku ra Jirusalim maya' ra nanusuban ondo' pinatalang ri Aki Kapuuno' no raki'. Ralalom pagugumaan mai ra tingganai ru Kristian ayuk, pinabala' ku toojo risilo Tanou Moonsoi ondo' pinasaboi kuno ra ulun sala' ka Jaudi. Marara' aku ra ondo' pinasaboi ku noyo kapoam ondo' posoboyon kutu malubat ayuk.

GALATIA 6:3

Amon ru sasangulun mangkara' ra io no maatang, am sotopot no kalo, io galama' ayuk miruruung.

IPISUS 2:20

Koson ra baloi inimpuun ru batu, pangintapatan min inimpuun ra pangilaan ru rasul-rasul am nabi-nabi, Mabaya' i Kristus Jisus noyo galama' koson ra batu maatang ru baloi no.

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

KOLOSI 1:29

Koson mampasingkot ra kandoi raginio, sumingkotog aku toojo. Maayo toojo kuasa' ri Kristus ondo' mabaya' ra kandoi kutu.

1 TIMOTIUS 3:15

Kaa' amon ru kalo makaratong aku ra mataki', okou mokoondo' noyo ra kaintutunan ra ati kulaan musiti' takau maayag koson ra anak ri Aki Kapuuno', ioginio pasimpungan ru ulun ondo' mangintopot ri Aki Kapuuno' ondo' maayag. Itakau noyo ondo' mampabala' am manungka' ra katapatan.

1 JUANIS 1:3

Atan ondo' nakito am norongog mai, ginio niayuk pabalaan mai ramuyun. Maa' raginio makaaya' kau ramon ra kaayagan moonsoi, masisimpung ri Ama' am Anak Nano, i Jisus Kristus.

PINAINTALANG 3:12

Osoi ayuk mangala ra kuasa' ru kalaatan, baalon Ku io ra lugu' ralalom Baloi ri Aki Kapuuno' Kuno, am mantilayun io ra giu'. Patulison Ku riso inggalan ri Aki Kapuuno' am inggalan ru bandar ri Aki Kapuuno', ioginio bandar Jirusalim bagu ondo' tumuun intor ra suruga', intor ri Aki Kapuuno' Kuno. Am inggalan ra nakabagu Kuno niayuk patulison Ku riso.