GALATIA 2:2 - Tanou Moonsoi Timugon

² Minongoi aku ra Jirusalim maya' ra nanusuban ondo' pinatalang ri Aki Kapuuno' no raki'. Ralalom pagugumaan mai ra tingganai ru Kristian ayuk, pinabala' ku toojo risilo Tanou Moonsoi ondo' pinasaboi kuno ra ulun sala' ka Jaudi. Marara' aku ra ondo' pinasaboi ku noyo kapoam ondo' posoboyon kutu malubat ayuk.

GALATIA 2:2 ပူးပေါင်းရင်းမြစ်များ

GALATIA 2:6

Kaa' koson ilo ondo' karaan tingganai ru Kristian, kalo nangulau ilo ra pangilaan kutu. Sotopot no kalo pana nakiiou aku risilo sabap ra itakau ulun ti mogondo' ayuk ra pagilangan ri Aki Kapuuno'.

PILIPI 2:16

ra akau mampasaboi ra Tanou Moonsoi risilo. Amon ru koson raginio kaayagan min, tauli no, paat ra ratangan saguli' ri Jisus mokoondo' paringkuanangan kuno, sabap raginio mampakito ra kinandoi kuli kalo malubat am sala' ka kolondo' ampos.

1 TISALONIKA 3:5

Ginio ra nompoongoi aku ri Timotius sabap ra kalo boo moorot guang kuli am masaga' aku mintutun ra ati kulaan ru pangintapatan min. Maimamang aku ra maampon lair rinukuan kau ru pangkinaman ru Tingganai ru riwato, suku' kolondo' boo ampos ru kandoi maili ramuyun.

GALATIA 2:9

I Jakubus, Pitrus am i Juanis ondo' karaan ra tingganai, nangiou ilo ra aku sinusub ri Aki Kapuuno' mambaal ra kandoi maatang ti. Ginio ra sikin ilo raki' am niayuk i Barnabas. Ginio tatandu' ra rondo' guang mai mangandoi, aku am i Barnabas mampatanou ra ulun sala' ka Jaudi, liliwa' ilo mampatanou ra ulun ru Jaudi.

1 KORINTUS 9:26

Ginio nai ra mangandoi aku ayuk ri Aki Kapuuno', mogondo' ra sangulun masimbul gumogot ra kamanangan kapoam mogondo' ra sangulun peninju mompokono' ra gonggom nano ra pantula' nano.

1 KORINTUS 1:23

Kaa' itakau ti mampatanou ayuk ra tanou ri Kristus ondo' minatoi ra sinalip. Tanou raginio mampakaruol ra guang ru ulun ru Jaudi am poyo karaan ru ulun sala' ka Jaudi ragu sasambungon.

1 KORINTUS 9:24

Pabukat kau, maaru' nakapandai kano ra ralalom pagugulaan masimbul, moonong ulun ondo' maya' raginio masimbul, kaa' sangulun ayuk mokoowot ra taak kamanangan. Pasimbul kano koson riso, saboi mokoowot kau ra taak raginio.

1 KORINTUS 2:2

Sabap ra buoi ku soroi ramuyun, kolondo' rinagu ku ra bokon, ondo' ak am tanou ri Jisus Kristus am sauk ru pinatayan Nano ra salip.

RINALATAN 15:12

Nongkoror ayuk ngaangai' ulun ondo' timinimung ra giu' i liliwa' i Barnabas am i Paulus nantunung ra tatandu' am kaimuagan ondo' sinauk ri Aki Kapuuno' ra ulun sala' ka Jaudi mansail risilo.

RINALATAN 15:4

Pakasaboi ilo ra Jirusalim, inuma' ilo ru ulun Kristian, rasul-rasul am niayuk tingganai ru pasimpungan ulun Kristian. Ginio ra tunungo' nilo boo ngaangai' ondo' sinauk ri Aki Kapuuno' risilo.

PILIPI 2:29

Apuo' min noyo io mabaya' ra kaansayan koson sangulun pabukat min ra Kristian am urumato' noyo ngaangai' ulun mogondo' riso ti.

GALATIA 1:16

Paat ri Aki Kapuuno' nampaintalang ra Anak Nano raki', koson potonowon ku Tanou Moonsoi ra ulun sala' ka Jaudi, kalo nakitulu' aku ra osoi ayuk pana.

RINALATAN 23:11

Iorondom ragili, bigor Tuhan ra sapapa' ri Paulus am indagu, “Kaikango' ayuk guang muno! Nampaintutun kou ra ulun intor Raki' giti ra Jirusalim ti, am musiti' kou mampaintutun poyo koson ragitio giu' ra Roma niayuk.”

RINALATAN 18:9

Sarandaman ragili, ralalom pagilangan minindagu Tuhan ri Paulus, kono, “Pai' kalaa'! Pai' langgai' pangilaan muno,

RINALATAN 5:34

Kaa' ralalom Majlis Ugama no mokoondo' sangulun ru Parisi makainggalan ri Gamalil. Io sangulun mangingila' ra Ukum ri Musa ondo' urumaton toojo ru ngaangai' ulun. Bigor io am panusub ra rasul-rasul no paingkualon sangkinolor.

MATIUS 10:16

“Karaa' min! Susubon takamin koson ra domba giu' ra tatanga' ru taani. Akau musiti' no mapintar koson ra kukuo am moonsoi guang koson ra susuit asang.

MAMPATANOU 10:1

Baangkai ru bulongor nampalaat ra sambutul umau maamis owou, koson raginio niayuk ra kalo matanda' koborok ondo' makairu' ra kapintaran masawat kaga'.

RINALATAN 15:2

Kaa' minansang toojo i Paulus am i Barnabas ra pangilaan ru ulun rati. Pupus i, i Paulus, i Barnabas am poyo kukula' ngaulun Kristian intor ra Antiokia pinoongoi ra Jirusalim koson mongoi uma' ra rasul am tingganai ru Kristian ra manalasai ra kapaganan ragitio.

ROMA 9:16

Baal raginio kalo maya' ra kasagaan kapoam kapiratan ru ulun, kaa' maya' ra kataawan ri Aki Kapuuno'.

2 KORINTUS 12:1

Kabalu' pana gitio kolondo' onong, kaa' lumimbau aku niayuk koson masaga' aku mambala' ra papaintalangan am papakitanan ondo' pinakito raki' ru Tuhan.

GALATIA 1:6

Mangimuag aku toojo ramuyun. Mataki' kau niayuk tumalikur intor ri Aki Kapuuno' ondo' ralalom asi' ri Kristus nampiau ramuyun, am maya' kapo ra tanou moonsoi ra bokon.

GALATIA 1:12

Kalo inapu ku ginio intor ra ulun. Kolondo' sangulun pana nangila' raki' ra Tanou Moonsoi no, kaa' i Jisus Kristus galama' ondo' nampaintalang raki' raginio.

GALATIA 5:7

Ragili matanda' toojo binaal mini! Kaa' raino osoi nangkinibit ramuyun kalo boo mampagagaya' ra pangilaan motopot intor ri Aki Kapuuno'? Ati guat kulaan kau nakimaitan poyo?

2 TIMOTIUS 4:7

Siminingkotog aku no koson sangulun masisimbul am nakasuku' aku no ra pamupusan, am pinongo ku ngaangai' kandoi ondo' pinalansan raki'.

IBRANI 12:1

Ngaangai' sasi' ra raitii' ni makakito ritakau; intor raginio tatango' takano ngaangai' ondo' mongompong ritakau am niayuk tula ondo' masalok mumbir ritakau, am pirot takano baya' ra pasimbulan ondo' inaru' ri Aki Kapuuno' ritakau.