GALATIA 1:9 - Tanou Moonsoi Timugon

⁹ Ondo' naragu mai noyo ragili, raguon ku poyo raino: Mausung toojo sasangulun no amon ru mampasaboi io ramuyun ra tanou moonsoi sala' intor ra ondo' naapu min i.

GALATIA 1:9 ပူးပေါင်းရင်းမြစ်များ

ROMA 16:17

Pabukat kau ngaangai', kitaakon takamin toojo, pagilalai' noyo ilo ondo' mampatuliar am mampalingou ra pangintapatan ru ulun Kristian. Pangilaan nilo kalo mogondo' ra nangilaan ramuyun i. Ginio ra inggalur kano risilo!

AMSAL 30:6

Amon ru ruangin min atan rinagu Nano, mansawai Io ramuyun am pabalaan No ra akau no magabau.”

SAGULION 4:2

Pai' ruangi' sanganu pana am pai' irurui' sanganu pana ra atan ondo' nanusuban kuno. Gagayaa' noyo susuban ru Tuhan i Aki Kapuuno' min ondo' pinasaboi ku noyo ramuyun.

SAGULION 12:32

Baalo' noyo ngaangai' ondo' nanusuban ku noyo ramuyun; pai' ruangi' kapoam irurui' atan-atan ra susuban raginio.

2 KORINTUS 1:17

Kabalu' pana kinulau ku noyo ratangan kuno ramuyun, pai' ru koson ra mataki' makulau guang kuno. Paat ra aku mampaguang ra ondo' atangon kuno, mangkara' aku ayuk kia ra kaatangan kuno galama', koson ra sangkinolor mindagu ra “Iou”, am sangkinolor poyo am “Kalo”? Maaru' kalo!

PILIPI 3:1

Pabukat kau, koson ra mamupus; pakaansuk kano sabap ra nakasimpung kau noyo ra Tuhan. Kalo niayuk mantipagon raki' amon ru sagulion ku poyo atan ondo' tinulisan ku noyo ramuyun i, sabap raginio mapasingkot poyo ramuyun.

PILIPI 4:4

Gama' ru masalok kau makaansuk sumimpung ra Tuhan. Sagulion ku poyo; pakaansuk kano!

JIRIMIA 23:16

Indagu Tuhan Ondo' Maayo Kaga' Kuasa' ra mamagun ru Jirusalim, “Pai' rongogo' nabi-nabi ondo' magail mangani' ra kalansanan ondo' abau ayuk. Mampasaboi ilo ayuk ra pangkaraan galama' am sala' ka tanou intor Raki'.

RINALATAN 18:23

Kopongo ra kukula' buoi io minayan ra Antiokia, ongoi io boo ra pamagunan Galatia am Prigia, koson mampaikang poyo ra pangintapatan ru ulun Kristian ra giu' i.

ROMA 9:3

mangkara' ra pabukat-pabukat kuno, ioginio bansa' kuno galama'. Gama' ru makapangindangan aku risilo, amon ru kitaakon tumampos aku ukumin ri Aki Kapuuno' am patuliaron intor ri Kristus.