ESTER 9:30 - Tanou Moonsoi Timugon

³⁰ Surat no inataran ra ngaangai' ulun ru Jaudi, am ralin nano inataran ra 127 wilayah giu' ra pamarintaan ru Pirsia. Surat no binaya' ra pakiasian maa' raginio bansa' ru Jaudi masalok ralalom ru kaansayan am mamimio.

ESTER 9:30 ပူးပေါင်းရင်းမြစ်များ

KASAUKAN 23:1

I Sara naayag buoi 127 ngambilor.

ESTER 1:1

Giu' ra Susan, pusor bandar ru Pirsia, Raja' Agaswiros namarinta ra 127 wilayah, intor ra India polos ra Itiopia.

ESTER 8:9

Baal raginio nasauk paat ra orou karuo ngoopor am talu ra sila' katalu, iono sila' Siwan. Piniau ri Mordikai ngaangai' mamamatik ru raja' am nanusub risilo manulis ra surat ra ulun ru Jaudi, gabenor-gabenor, pagawai ru pamarintaan am tingganai giu' ra titikop ru 127 wilayah ru pamarintaan no, intor ra India saboi ra Itiopia. Surat-surat no tinulisan posoboyon ra moonong wilayah ralalom ragu am tulisan ru sigagama'. Io niayuk nangator ra surat ra ulun ru Jaudi ralalom ragu am tulisan ru Jaudi.

MAZMUR 73:27

Ulun ondo' manatang Rirun maaru' io no mapuso, pusoon Mu ilo ondo' kalo gumagaya' Rirun.

JISAYA 32:17

Pagun raginio kalinuos ayuk am kolondo' sasou ra sabuoi-buoi no sabap ra moonong ulun mambaal ra atan ayuk motopot.

JISAYA 39:8

Raja' Gijkia mangkara' ra buoi ru bayag nano, pamarintaan nano kalinuos ayuk am moonsoi ayuk. Ginio ra taam raja', “Ragu ru Tuhan ondo' posoboyon muno moonsoi.”

JAKARIA 8:19

“Mampali ondo' binaal ra sila' kaapat, kalimo, katulu' am koopor masauk ra pangiantakan ondo' natikop ra kaansukan am kasagaan ru mamagun Jiuda. Tagami' noyo katapatan am kaansayan!”