ESTER 9:27 - Tanou Moonsoi Timugon

²⁷ nambaal ilo ra aturan risilo am papag nilo, am osoi ayuk ondo' nasauk ra ulun ru bansa' ru Jaudi musiti' mangiantak ruo ngoorou no ra moonong bilor, koson ra ondo' inaru' noyo ri Mordikai.

ESTER 9:27 ပူးပေါင်းရင်းမြစ်များ

ESTER 8:17

Giu' ra moonong bandar am wilayah, ati ayuk ragu ru raja' no basaan, ulun ru Jaudi maansayan, naansukan am nambaal ra bunsag. Inambai poyo ra masuang ulun nasauk ra ulun ru bansa' ru Jaudi sabap ra malaa' ilo ra bansa' raginio.

ESTER 9:20

Kopongo raginio tinulisan ri Mordikai kasaukan raginio. Nangator io ra surat ra ngaangai' ulun ru Jaudi, ondo' mamaar am poyo ondo' maalur, giu' ra titikop pamarintaan ru Pirsia.

ESTER 9:21

Nanusub io risilo mangiantak ra orou koopor am apat am orou koopor am limo ra sila' Adar paat ra moonong bilor.

ESTER 9:28

Nambaal ilo ra rondo' aturan, ra moonong sasambaloi ru Jaudi intor ra ngaangai' ru sukor ra matong, giu' ra ngaangai' wilayah am bandar, musiti' mangkara' koson mangiantak ra pangiantakan Purim ra sabubuoi no.

MAZMUR 78:7

Koson raginio malansan ilo ri Aki Kapuuno', am kalo mampalilian ra binaal Nali, kaa' masalok gumagaya' ra panusuban Nano.

JISAYA 2:3

am mindagu ilo, “Ongoi takano ra bulur ru Tuhan, ra baloi ri Aki Kapuuno' ru Israil. Mangila' Io ritakau ra atan kasagaan Nano; am maya' takau ra ralan ondo' pinili' Nano, sabap pangilaan ru Tuhan intor ra Jirusalim; intor ra Sion Io mindagu ra ulun Nano.”

JISAYA 56:3

Ulun bansa' ru bokon ondo' sumimpung ra ulun ru Tuhan kalo makaindagu, “Tuhan kalo masaga' ra aku sumamba Riso mababaya' ra ulun Nano.” Ulun ra kinambiri' kalo mangkara' “Kalo masauk aku ra ulun ru Tuhan, sabap ra kolondo' papag Kutu.”

JISAYA 56:6

Tuhan mindagu ra ulun-ulun bansa' ru bokon ondo' siminubol ra ulun ru Tuhan, ondo' monogom ra Tuhan am mangandoi Riso ayuk, ondo' mangurumat ra orou Sabat am gumagaya' ra nabantuan Nano,

YEHEZKIEL 16:61

Makara' mu boo binaal muno, am mauyu' paat ra pabukat-pabukat muno muli' rirun. Iowon Ku ilo masauk koson ra anak-anak muno kabalu' pana baal raginio kalo nakaaya' ralalom ru nabantuan Kuno rirun.

JAKARIA 2:11

Paat raginio masuang bansa' matong ra Tuhan koson masauk ra ulun Nano. Mayan io ra tatanga' min, am makapandai kau boo ra Tuhan nanusub noyo raki' mongoi ramuyun.

JAKARIA 8:23

Paat raginio mopor ngaulun bansa' ra bokon matong ra sangulun ru Jaudi am mindagu, ‘Akai niayuk masaga' barakaton koson ramuyun sabap nokorongog akai ri Aki Kapuuno' mabaya' ramuyun.’ ”

UNTABAN 15:15

Koson ra paat kolondo' pupus, aturan ra mogondo' masauk ramuyun am ra ulun bansa' ra bokon ondo' minayan ramuyun. Akau am ilo nogondo' ayuk ra saang ru Tuhan;

SAGULION 5:3

Nambaal Io ra nabantuan no sala' ka ayuk ra kinamatuaan takali kaa' ritakau niayuk, itakau ngaangai' ondo' naayag ra orou raiti'.

JOSUA 9:15

Nakimabantu' i Josua ra nabantuan pabansayan ra ngaangai' ulun ru Gibion no am nambantu' ra kalo mamatoi risilo. Nagibot ulun ru Israil koson mampaguut ra nabantuan no.

TINGGANAI RU BANSA' 11:40

anak-anak ralaa mugar buoi apat ngoorou ra moonong bilor koson mangiluk guang mangkara' ra anak ruandu' ri Jipta intor ra Giliad.

1 SAMUIL 30:25

Sinauk ri Daut nangaruan raginio koson ra rondo' aturan, am intor raginio aturan raginio ginagaya' ru ulun ru Israil saboi raino.