ESTER 9:20 - Tanou Moonsoi Timugon

²⁰ Kopongo raginio tinulisan ri Mordikai kasaukan raginio. Nangator io ra surat ra ngaangai' ulun ru Jaudi, ondo' mamaar am poyo ondo' maalur, giu' ra titikop pamarintaan ru Pirsia.

ESTER 9:20 ပူးပေါင်းရင်းမြစ်များ

1 TUNUNG RU BANSA' ISRAIL 16:12

Akau papag ri Jakub, ulipon ri Aki Kapuuno', akau papag ru Israil, ulun pinili' ri Aki Kapuuno', karaa' noyo kaimuagan ondo' binaal ri Aki Kapuuno', pai' liliani' kapatasan ondo' tinaakan Nano.

ESTER 1:1

Giu' ra Susan, pusor bandar ru Pirsia, Raja' Agaswiros namarinta ra 127 wilayah, intor ra India polos ra Itiopia.

ESTER 1:22

Nangator raja' ra surat susuban ra ngaangai' wilayah giu' ra ralalom ru pamarintaan nano, ralalom ru moonong ragu am tulisan giu' ra wilayah raginio. Susuban no mindagu ra ralalom ru moonong sambaloi, ralaki noyo ondo' musiti' masauk ra tingganai, am ondo' iowon mangani' ra pamatasan.

ESTER 3:12

Ginio ra paat ra orou koopor am talu ru sila' kasaa', nampiau i Gaman ra ngaangai' mamamatik ru raja'. Nanusub i Gaman risilo manulis ra surat sumugut ra ngaangai' ondo' sinusub nano. Surat no pana pinaalig boo ra ralalom ru ngaangai' ragu, am pinaralin ra ralalom ru ngaangai' tulisan ondo' pinakai ra ralalom ru pamarintaan. Surat no tinulisan ralalom inggalan ru Raja' Agaswiros am sinaapan ra saap nano. Kopongo raginio surat no inataran ra ngaangai' panguasa', gabenor am pagawai.

ESTER 8:9

Baal raginio nasauk paat ra orou karuo ngoopor am talu ra sila' katalu, iono sila' Siwan. Piniau ri Mordikai ngaangai' mamamatik ru raja' am nanusub risilo manulis ra surat ra ulun ru Jaudi, gabenor-gabenor, pagawai ru pamarintaan am tingganai giu' ra titikop ru 127 wilayah ru pamarintaan no, intor ra India saboi ra Itiopia. Surat-surat no tinulisan posoboyon ra moonong wilayah ralalom ragu am tulisan ru sigagama'. Io niayuk nangator ra surat ra ulun ru Jaudi ralalom ragu am tulisan ru Jaudi.

ESTER 9:19

Ginio sabap ra ulun ru Jaudi ondo' minayan giu' ra bandar mongoborok mangiantak ra orou koopor am apat ra sila' Adar ra munsag. Paat orou raginio mantataak ilo ra akanon ra rondo' am bokon.

ESTER 9:21

Nanusub io risilo mangiantak ra orou koopor am apat am orou koopor am limo ra sila' Adar paat ra moonong bilor.

ESTER 9:26

Ginio sabap ra pangiantakan no ininggalanan ra Purim. Ginio sabap ra surat ri Mordikai am ngaangai' ondo' nailian ru ulun ru Jaudi,

ESTER 9:27

nambaal ilo ra aturan risilo am papag nilo, am osoi ayuk ondo' nasauk ra ulun ru bansa' ru Jaudi musiti' mangiantak ruo ngoorou no ra moonong bilor, koson ra ondo' inaru' noyo ri Mordikai.

ESTER 9:29

Liliwa' raginio, nabaya' ra surat ri Mordikai, Andu' raja' Ester anak ri Abiail nanulis ra surat karuo, ondo' mampakuasa' toojo ra suang ru surat ri Mordikai intor ru Purim.

KAINGKUALAN 17:14

Indagu boo Tuhan ri Musa, “Tulisi' sauk ragitio maa' raginio makara'. Balai' i Josua ra pusoon Ku lingono' ulun ru Amalik.”

JIRIMIA 29:1

Nanulis aku ra surat posoboyon ra imam-imam, nabi-nabi, tingganai-tingganai ru bansa', am ra ngaangai' ulun bokon giu' ra Jirusalim ondo' rinakop ru Raja' Nibukadnijar am inibit ra Babilonia.