ESTER 9:18 - Tanou Moonsoi Timugon

¹⁸ Kaa' ulun ru Jaudi giu' ra Susan nangiantak ra pangiantakan paat ra orou koopor am limo, sabap ra paat ra orou koopor am talu am koopor am apat ilo namatoi ra pantula', am paat ra koopor am limo bagu no liminonggo' ilo namatoi ra pantula'.

ESTER 9:18 ပူးပေါင်းရင်းမြစ်များ

ESTER 8:11

Surat-surat no mangiou ra ulun ru Jaudi giu' ra moonong bandar koson magisaung ra inan. Amon ru ilo, andu' am anak nilo bulunsaron giu' ra wilayah ra ati pana ru ulun makakinandoi intor ra bansa' ru atan pana, iniou ilo manggal am mamuso ra pantula' no. Iniou ilo mamatoi ra pantula' saboi makai' am niayuk mampagaau ra rapu' ru pantula' no.

ESTER 9:1

Kasaboi boo orou ra koopor am talu ru sila' Adar, iono orou ondo' inaru' koson papaugaran ra ragu ru raja' no. Ginio noyo orou ondo' inaanin ru pantula' ru ulun ru Jaudi koson manguasa' ra bansa' raginio. Kaa' sala' boo, ulun ru Jaudi no boo ondo' nangala risilo.

ESTER 9:11

Paat ra orou raginio niayuk, suang ru ulun ondo' pinatoi giu' ra Susan pinabala' ra raja'.

ESTER 9:13

Indagu i Ester, “Amon mangiou kou raja', iowo' ulun ru Jaudi giti ra Susan mambaal poyo ra susuab no atan ondo' binaal nilo orou raiti'. Baangkai ru anak-anak ungkuyon ri Gaman no musiti' tairon ra lugu' pampatairan.”

ESTER 9:15

Paat ra orou koopor am apat ru sila' Adar, ulun ru Jaudi giu' ra Susan timinimung saguli' am namatoi ra suang 300 ngaulun poyo giu' ra bandar no. Ragino ti niayuk kalo nampagaau ilo ra rapu' ru ulun.

ESTER 9:2

Giu' ra intok ru ulun ru Jaudi ra moonong bandar, timinimung ilo am namulunsar ra osoi ayuk ondo' kuminam mampajamar risilo. Bansa'-bansa' ra ati ayuk malaa' risilo saboi kolondo' sangulun pana baani mampagabu' risilo.

ESTER 9:21

Nanusub io risilo mangiantak ra orou koopor am apat am orou koopor am limo ra sila' Adar paat ra moonong bilor.