ESTER 9:16 - Tanou Moonsoi Timugon

¹⁶ Ulun-ulun ru Jaudi giu' ra wilayah-wilayah niayuk timinimung am nagisaung ra inan. Kinala nilo pantula' am namatoi ra suang 75,000 ngaulun ondo' masisang risilo, kaa' kalo ginaau nilo rapu' ru ulun.

ESTER 9:16 ပူးပေါင်းရင်းမြစ်များ

KASAUKAN 34:27

Kopongo namatayan no, ratong poyo anak-anak ungkuyon ri Jakub ra bokon am ingkauto' ondo' soroi ra bandar koson nansuli' ilo ra nanauyuan ra boborok nilono.

ESTER 8:11

Surat-surat no mangiou ra ulun ru Jaudi giu' ra moonong bandar koson magisaung ra inan. Amon ru ilo, andu' am anak nilo bulunsaron giu' ra wilayah ra ati pana ru ulun makakinandoi intor ra bansa' ru atan pana, iniou ilo manggal am mamuso ra pantula' no. Iniou ilo mamatoi ra pantula' saboi makai' am niayuk mampagaau ra rapu' ru pantula' no.

ESTER 9:2

Giu' ra intok ru ulun ru Jaudi ra moonong bandar, timinimung ilo am namulunsar ra osoi ayuk ondo' kuminam mampajamar risilo. Bansa'-bansa' ra ati ayuk malaa' risilo saboi kolondo' sangulun pana baani mampagabu' risilo.

MAZMUR 149:7

koson mampaala ilo ra ngaangai' bansa', am mangukum ra ulun nilono;

MAZMUR 37:15

kaa' ilang tumobok ra inan nilo galama', am tanggayan ru panah nilono pandakon.