ESTER 9:15 - Tanou Moonsoi Timugon

¹⁵ Paat ra orou koopor am apat ru sila' Adar, ulun ru Jaudi giu' ra Susan timinimung saguli' am namatoi ra suang 300 ngaulun poyo giu' ra bandar no. Ragino ti niayuk kalo nampagaau ilo ra rapu' ru ulun.

ESTER 9:15 ပူးပေါင်းရင်းမြစ်များ

ESTER 8:11

Surat-surat no mangiou ra ulun ru Jaudi giu' ra moonong bandar koson magisaung ra inan. Amon ru ilo, andu' am anak nilo bulunsaron giu' ra wilayah ra ati pana ru ulun makakinandoi intor ra bansa' ru atan pana, iniou ilo manggal am mamuso ra pantula' no. Iniou ilo mamatoi ra pantula' saboi makai' am niayuk mampagaau ra rapu' ru pantula' no.

ESTER 9:12

Nambala' raja' ra Andu' raja' Ester, “Giu' ra Susan ayuk 500 ngaulun noyo pinatoi ru ulun ru Jaudi, nakaaya' mopor ngaulun anak ungkuyon ri Gaman. Mapara' boo poros poyo ru pampatayan ondo' maaru' lair masauk giu' ra wilayah-wilayah! Raino atan poyo gogoton muno? Raguo' noyo, aniin tokou.”

ESTER 9:13

Indagu i Ester, “Amon mangiou kou raja', iowo' ulun ru Jaudi giti ra Susan mambaal poyo ra susuab no atan ondo' binaal nilo orou raiti'. Baangkai ru anak-anak ungkuyon ri Gaman no musiti' tairon ra lugu' pampatairan.”

ESTER 9:14

Nangani' raja' ra susuban koson manugut ra kitaakon ri Ester. Surat susuban no iningkual giu' ra Susan am baangkai ru ngaangai' anak ungkuyon ri Gaman tinair.

ESTER 9:16

Ulun-ulun ru Jaudi giu' ra wilayah-wilayah niayuk timinimung am nagisaung ra inan. Kinala nilo pantula' am namatoi ra suang 75,000 ngaulun ondo' masisang risilo, kaa' kalo ginaau nilo rapu' ru ulun.

ESTER 9:2

Giu' ra intok ru ulun ru Jaudi ra moonong bandar, timinimung ilo am namulunsar ra osoi ayuk ondo' kuminam mampajamar risilo. Bansa'-bansa' ra ati ayuk malaa' risilo saboi kolondo' sangulun pana baani mampagabu' risilo.

1 TISALONIKA 5:22

Inggalur kano ra atan ayuk baal malaat.

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”