ESTER 8:17 - Tanou Moonsoi Timugon

¹⁷ Giu' ra moonong bandar am wilayah, ati ayuk ragu ru raja' no basaan, ulun ru Jaudi maansayan, naansukan am nambaal ra bunsag. Inambai poyo ra masuang ulun nasauk ra ulun ru bansa' ru Jaudi sabap ra malaa' ilo ra bansa' raginio.

ESTER 8:17 ပူးပေါင်းရင်းမြစ်များ

KASAUKAN 35:5

Paat ri Jakub am ngaangai' ulun nano mangiruan ra intok no, mamagun ru bandar-bandar ra paginggaar no ngaangai' kinuasa' ru kalaanan, am kalo baani ilo mangilou ri Jakub am ulun nano.

NIGIMIA 8:10

Uli' kano am pambaal kano ra bunsag. Pantayar kano ra akanon am wain min risilo ondo' natutusan. Orou raiti' orou patimpokon ra Tuhan takau. Ginio ra pai' kano pangiluk guang. Kaansukan ondo' tinaakan ru Tuhan ramuyun mangikang ramuyun.”

ESTER 9:17

Kasaukan raginio nasauk paat ra orou koopor am talu ra sila' Adar. Suabon no, paat ra orou koopor am apat, kolondo' boo pamatayan. Nangiantak ilo ra orou raginio ra minunsag.

ESTER 9:19

Ginio sabap ra ulun ru Jaudi ondo' minayan giu' ra bandar mongoborok mangiantak ra orou koopor am apat ra sila' Adar ra munsag. Paat orou raginio mantataak ilo ra akanon ra rondo' am bokon.

ESTER 9:2

Giu' ra intok ru ulun ru Jaudi ra moonong bandar, timinimung ilo am namulunsar ra osoi ayuk ondo' kuminam mampajamar risilo. Bansa'-bansa' ra ati ayuk malaa' risilo saboi kolondo' sangulun pana baani mampagabu' risilo.

ESTER 9:22

Koon raginio baal no sabap ra paat orou raginio noyo ilo nangala ra pantula', saboi kangilukan am kasilukan nilo nakulau nasauk ra kaansayan am kaansukan. Ginio ra musiti' ilo mangiantak ra orou-orou raginio ra bunsag am pagakanan am niayuk mantataak ra akanon ra rondo' am bokon, mangayup ra ulun musikin.

ESTER 9:27

nambaal ilo ra aturan risilo am papag nilo, am osoi ayuk ondo' nasauk ra ulun ru bansa' ru Jaudi musiti' mangiantak ruo ngoorou no ra moonong bilor, koson ra ondo' inaru' noyo ri Mordikai.

ESTER 9:3

Ngaangai' tingganai ru wilayah pana – gabenor, ulun ru kaupisan am uakil ru raja' – nanungka' ra ulun ru Jaudi sabap ra malaa' ilo ri Mordikai.

MAZMUR 105:38

Bansa' ru Misir malaa' ra ulun ru Israil, ginio ra ilo maansukan bulintok ra ulun ru Israil mugar.

MAZMUR 18:43

Tutukon ku ilo saboi ilo masauk ra kaau ondo' makasiab masampui ru angin; kikinjangin ku ilo koson ra losok giu' ra ralan.

KAINGKUALAN 15:16

Talou am laa' lumumpa' risilo. Nakito nilo ikang Muno, iou Tuhan, kalo makalulu' ilo sabap ra matalou, saboi ulun Muno nansail ra saang nilo – ulun ondo' pinalabus Muno intor ra pangulipanan.

SAGULION 11:25

Ati ayuk angayan min giu' ra tana' no, Tuhan i Aki Kapuuno' min mangkinibit ra ulun malaa' ramuyun koson ra binantu' Nano; kolondo' sangulun pana makapanginga' ramuyun.

SAGULION 2:25

Intor orou raiti' mangkinibit Aku ra bansa'-bansa' ra ati ayuk, malaa' ramuyun. Moonong ulun monontol sabap malaa' paat mokorongog ra inggalan min sabiton.’ ”

JOSUA 2:11

Nangalaa' akai paat akai nokorongog ra baal raginio. Kalio boo kabaanian mai sabap ra akau. Tuhan i Aki Kapuuno' min sotopot no i Aki Kapuuno' ondo' makakuasa' giu' ra limbowon no am ra tana' ti.

JOSUA 2:9

am indagu risilo, “Nakapandai aku ra nanaak noyo Tuhan ramuyun ra tana' ragitio. Ngaangai' ulun ra pagun ti malaa' ramuyun.

1 SAMUIL 25:8

Kinami' noyo kuati' ilo ra baal raginio. Maaru' iowon nilo ginio. Ginio sabap ra malansan i Daut maa' raginio akai ti ulun nano apuon ra matanda' ra baloi muno, sabap ra minatong akai ra orou maayo ti. Pataaki' noyo atan ayuk maya' ra kasagaan muno ra ulipon-ulipon muti am niayuk ri Daut, rangan moonsoi muno.”