ESTER 8:13 - Tanou Moonsoi Timugon

¹³ Surat susuban no musiti' paugaron koson ra undang-undang, am potonowon ra ngaangai' ulun giu' ra moonong wilayah, maa' raginio bansa' ru Jaudi makatampos manggal ra pantula' paat orou raginio masaboi.

ESTER 8:13 ပူးပေါင်းရင်းမြစ်များ

ESTER 3:14

Susuban no musiti' potonowon giu' ra moonong wilayah maa' raginio ngaangai' ulun tumampos ra paat nano masaboi.

ESTER 8:14

Kopongo raginio mabaya' ra susuban ru raja', ulun-ulun sinusub no minugar ra nangura' ra kuda longgom ru raja' am minongoi ra naringkaagou. Susuban no pinatanou niayuk giu' ra Susan, pusor bandar ru pamarintaan.

MAZMUR 68:23

Mindagu Tuhan, “Ibiton Ku pantula' mino saguli' intor ra Basan, ibiton Ku ilo saguli' intor ra raat ondo' malandom,

LUKAS 18:7

Amon ru kon poyo raginio, mulu' poyo i Aki Kapuuno' manalasai ra kapaganan ru ulun mangintopot riso sabap ra makiasi' ilo Riso orou-rondom. Mangindangan Io kia ra mataki'?

PINAINTALANG 6:10

Giminolok ilo ra mapuor, “O Tuhan Maayo Kaga' Kuasa', mapasau am motopot! Kula' poyo buoi no bagu akimin Mu ulun ru tana' ti am mangukum risilo sabap ra namatoi ramon?”

TINGGANAI RU BANSA' 16:28

Pakiasi' boo i Simson, “Iou Tuhan Raja', pakakara' noyo raki'. Indangano' aku ra raino ti ayuk, iou Aki Kapuuno'. Anii' aku ra kaikangan kuli saguli' maa' raginio ra timbalos ti makapansuli' aku ra bansa' ru Palistin ondo' nanguol ra karuruo unor ru mato kuno.”