ESTER 6:9 - Tanou Moonsoi Timugon

⁹ Susubon boo maa' raginio sangulun tingganai ru pasimpungan pagun intor ra ulun bangsawan mampabayang ra bayang no ra ulun raginio, am magibit ra ulun no mangura' ra kuda muno raja' mansail ra babayaan ru bandar. Tingganai no musiti' mugar ra saang nano liliwa' gumolok, ‘Ilai', koon ragitio noyo raja' mangani' ra pangurumatan ra ulun ondo' kaansayin nano!’ ”

ESTER 6:9 ပူးပေါင်းရင်းမြစ်များ

KASAUKAN 41:43

Anii' no i Jusup ra kurita' kuda ondo' karuo ru raja' ru Misir, am magagalung ayuk ra raja' no siminigulu ugar ra kurita' no liliwa' mompogolok, “Ingkiing kau! Ingkiing kau!” Koson raginio noyo sinauk i Jusup ra gabenor ra titikop pagun ru Misir.

ESTER 6:10

Kopongo raginio indagu raja' ri Gaman, “Ribaki' noyo! Alapo' bayang am kuda kuno, am anii' ngaangai' pangurumatan no ri Mordikai ulun ru Jaudi no. Baalo' noyo riso ngaangai' ondo' inatang muno, ra kalo mangiruru' rondo' pana. Tatanga' io manturung giu' ra saang ru kulobon garabang istana.”

ESTER 6:6

Ratong i Gaman ra muma', am indagu raja' riso, “Mokoondo' sangulun ondo' masaga' aku mangani' ra pangurumatan. Atan kia ondo' musiti' kuno baalon riso?” Nangkara' i Gaman, “Maaru' aku noyo ondo' aniin ra pangurumatan ru raja'. Kolondo' noyo lair ra bokon.”

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.