ESTER 5:14 - Tanou Moonsoi Timugon

¹⁴ Pokorongog ra baal raginio, andu' nano am ngaangai' rangan nano mindagu, “Tirongo' rondo' lugu' panairan ra sawat no 22 ngamito, am rumondom ra susuab no kitaakon maa' raginio mangukum raja' ra tairon i Mordikai. Akau pana makasaang boo ra bunsag no ra guang maansukan.” Nampaguang i Gaman ra inatangan no moonsoi. Ginio ra nanusub io ra ulun mambaal ra lugu' pampatairan no.

ESTER 5:14 ပူးပေါင်းရင်းမြစ်များ

2 SAMUIL 16:21

Taam i Agitopil, “Ongoi no rulug ra ruandu' parulug ru ama' muno, ondo' tinatang koson mayan ra istana. Koon ra baal raginio, ngaangai' ulun ru Israil makapandai ra okou kinara' noyo ra pantula' ru ama' muno, am ngaangai' ru minaya' rirun no lumanja' baani.”

1 RAJA'-RAJA' 21:25

Kolondo' osoi pana ondo' igondo' nambaal ra malaat ra pagilangan ru Tuhan nakasail intor ra Raja' Agab – ngaangai' ru kalaatan no binaal sabap ra nasusuk ru andu' nano i Ijibil.

1 RAJA'-RAJA' 21:7

Kon ri Ijibil, “Sala' ka kia raja' kou? Sukal no, bansuko' guang muno am akan no. Alapon ku rirun umo ri Nabot no!”

ESTER 6:4

Kopongo raginio pangkuot raja', “Osoi kia ra gino ngai' pagawai kuno ondo' soroi ra istana raino ti?” Nakainamot ra i Gaman bagu ayuk minumpos ra liliut ru istana. Minatong io koson makitaak ra raja' koson manair ri Mordikai ra lugu' panairan ondo' tinirong noyo.

MAZMUR 37:14

Ulun malaat mamutus ra ilang am palaguron no tanggayan ru panah koson mamatoi ra ulun musikin am naimbolo', am manginggulu' ra ulun moonsoi;

MAZMUR 37:32

Ulun malaat mongoror ra ulun moonsoi am maguyum ilo ra kaayatan koson mamatoi risilo;

MAZMUR 9:15

maa' raginio mokopongompor aku Rirun ra saang ru mamagun ru Jirusalim. Magilakup am maansukan aku ra Okou namayag raki'.

AMSAL 1:18

kaa' ulun malaat mapataan ra landak ondo' masulungan nilo galama' – landak ra makapatoi risilo galama'.

AMSAL 4:16

Ulun malaat kalo mokororot amon ru kalo poyo makapambaal ilo ra malaat. Kalo matikoolong ilo amon ru kalo poyo maninduol ilo ra ulun bokon.

ROMA 1:32

Nakapandai ilo ra maya' ra ukum ri Aki Kapuuno' ulun ondo' nambaal koson raginio ukumin ra potoyon. Iou pana koson raginio, rayuson nilo ginio am maansayan ilo poyo ra ulun bokon ondo' mambaal koson niayuk raginio.

ROMA 3:15

Malingas ilo mangimbolo' am mamatoi.

PINAINTALANG 11:10

Ngaangai' ilo no maansukan ra pinatayan ru ruo ngaulun sasi' no. Munsag ilo am magagator ilo ra tangguang ra rondo' am bokon, sabap ra ruo ngaulun nabi no nangimbolo' toojo ra ulun ru tana' ti.