ESTER 3:15 - Tanou Moonsoi Timugon

¹⁵ Ulun-ulun sinusub mataki' minintor koson mangator ra surat-surat no ra ngaangai' wilayah. Mabaya' ra susuban ru raja', ragu no pinatanou niayuk giu' ra pusor bandar Susan. Raja' am i Gaman nantuturung liliwa' manginum ra wain, kaa' bandar Susan najajou sabap ra tanou raginio.

ESTER 3:15 ပူးပေါင်းရင်းမြစ်များ

KASAUKAN 37:25

Liliwa' ilo magakan, kakito nilo sampulalayan ulun ru Ismail ondo' mangkiralan intor ra Giliad mongoi ra pagun ru Misir. Unta nilono pinagaut ra apa' pampagamis ra akanon am salong.

1 RAJA'-RAJA' 14:27

Koson ra palit ru perisai-perisai mas no, nambaal Raja' Rigabiam ra perisai-perisai gangsa'. Pinalansan ru raja' no ngaangai' raginio ra pagawai-pagawai ondo' magalung ra kulobon-kulobon garabang ru istana.

ESTER 1:10

Paat ra orou katulu' ru bunsag no, nanginum raja' saboi naansukan kaga'. Raja' pana nampiau boo ra tulu' ngaulun ungkuyon sida-sida ondo' nasauk ra kambo nano galama': I Miguman, Bijta, Arbona, Bigta, Abagta, Jitar am i Karkas.

ESTER 4:16

“Susubo' ngaangai' ulun ru Jaudi giti ra Susan ti tumimung. Susubo' ilo mampali am makiasi' ilo ra tayar raki'. Pai' pangakan kapoam panginum ra atan-atan pana buoi talu ngoorou am talu ngorondom. Aku galama' am ralaa-ralaa magayam kuno pana mambaal raginio. Mopongo raginio muma' aku ra raja', kabalu' pana binaal raginio manggal ra undang-undang. Amon ru musiti' aku matoi sabap ra baal raginio, polosoon aku no matoi!”

ESTER 8:15

Kopongo raginio nangiruan i Mordikai ra istana, liliwa' nambayang ra bayang ru raja' makabatik motomou am mapulak, sukub matanggilung intor ra konoon linon ondo' malumis, am karaun mas ondo' moonsoi kaga'. Ulun giu' ra ralan-ralan maayo ru bandar Susan nagilakup sabap ra naansukan.

MAZMUR 37:7

Pai' kalingas maginaa ra Tuhan, inaani' noyo am oroto' guang suku' ra Io mingkuor. Pai' kalasu' guang sabap ra ulun langkaya', kapoam sabap ra ilo ondo' masaga' mamparuung.

AMSAL 1:16

Kalo moorot nilo guang mambaal ra kalaatan, gogolong ka mampatoi ilo mataki'.

AMSAL 29:2

Amon ru ulun matimpok no mamarinta, mamagun maansukan. Amon ru ulun malaat no mamarinta, mamagun maimbolo'.

AMSAL 31:4

Rongogo' noyo, alii ri Limuil. Raja' sotopot no kalo manginum ra wain, kapoam masuolok ra inumon mampagauk.

AMSAL 4:16

Ulun malaat kalo mokororot amon ru kalo poyo makapambaal ilo ra malaat. Kalo matikoolong ilo amon ru kalo poyo maninduol ilo ra ulun bokon.

GOSIA 7:5

Paat ra bunsag maayo ru raja', binaal nilo raja' am niayuk pagawai-pagawai nano nanginum ra wain saboi nagauk am nambaal ra baal-baal sasambungon.

AMOS 6:6

Manginum kau ra wain intor ra mangkuk ondo' tinotop suangi', am nagumau kau ra umau maamis owou ondo' moonsoi kaga', kaa' kalo nanulaboi kau ra naratuan ru Israil.

JUANIS 16:20

Balain takamin toojo: Mantangi' am manulaboi kau, kaa' ulun ru tana' ti maansukan. Mangiluk guang mino, kaa' guang min ra mangiluk no makulau boo ra maansukan.

PINAINTALANG 11:10

Ngaangai' ilo no maansukan ra pinatayan ru ruo ngaulun sasi' no. Munsag ilo am magagator ilo ra tangguang ra rondo' am bokon, sabap ra ruo ngaulun nabi no nangimbolo' toojo ra ulun ru tana' ti.