ESTER 2:21 - Tanou Moonsoi Timugon

²¹ Paat ra sangarawan, paat ra i Mordikai nangandoi giu' ra istana, i Bigtan am i Tiris, iono ruo ngaulun sida-sida ondo' magalung ra kulobon mongoi ra lamin-lamin ru raja', maruol guang ra raja'. Ginio ra nangatang ilo koson mamatoi ra raja'.

ESTER 2:21 ပူးပေါင်းရင်းမြစ်များ

ESTER 6:2

Tayar ondo' binasa' nakaaya' tinulisan ra i Mordikai nambala' noyo ra inatangan mamatoi ra raja', ondo' inatang ri Bigtan am i Tiris, ruo ngaulun sida-sida ondo' magalung ra lamin-lamin ru raja'.

MAZMUR 144:10

Pinamanang Mu raja'-raja' no, am namayag ra ulipon Muno, i Daut.

2 RAJA'-RAJA' 21:23

Pagawai-pagawai ru Raja' Amon naguguum minanggal riso, am namatoi riso giu' ra istana.

2 RAJA'-RAJA' 12:20

Pagawai-pagawai ru Raja' Joas naguguum manggal riso. Ruo ngaulun intor risilo, iono i Jojakar anak ri Simiat am i anak ri Somir, namatoi ra Raja' Joas giu' ra baloi ondo' binaal ra rasawat ru namumpunan ra tana' giu' ra tampilon sirangon ru Jirusalim, iono giu' ra ralan mongoi ra bandar Sila. Raja' Joas linobong giu' ra kalabangan ru raja' giu' ra Bandar Daut, am i Amajia, anak ungkuyon nano minalit riso koson raja'.

1 RAJA'-RAJA' 16:9

I Jimri, sangulun ra pagawai ru raja' ondo' naningganai ra sampiruo intor ra pulalai mangkurita' kuda ru raja', nakimaguum io gumula' ra Raja' Ila. Paat ra sangarawan no, nanginum Raja' Ila saboi nagauk giu' ra baloi ri Arja, maningganai ra istana giu' ra Tirja.

2 SAMUIL 16:11

Kon ru Raja' Daut ri Abisai am ra ngaangai' ru pagawai nano, “Anak kuno galama' mirot mamatoi raki'; kua piboo pangimuag kou magilong ra paliso ru ulun ru Binjamin ti? Tuhan no nanusub riso magulas raki', sabap raginio pai' jajajou pamakuan riso, am polosoon ayuk io magulas raki'.

IJRA 4:6

Paat ra talimpuun ru pamarintaan ru Raja' Agaswiros, pantula' ru mamagun ru Jiuda am Jirusalim nanulis ra surat panguwan.

ESTER 2:19

Liliwa' raginio i Mordikai linantik ru raja' nasauk ra sangulun pagawai ru pagun.

DANIL 2:49

Kaa' ra kitaak ri Danil, nampataak raja' ra kandoi tadbir ru wilayah Babil ri Sadrak, i Misak am i Abidnigo. Kaa' i Danil minayan giu' ra istana raja' am nangandoi ra giu' no.

ESTER 6:1

Paat rondom raginio niayuk raja' kalo mokororot. Ginio ra, kitaako' ru raja' maa' raginio tinulisan rasmi ru pamarintaan alapon am nanusub raja' ra ulun mambasa' raginio.