ESTER 2:17 - Tanou Moonsoi Timugon

¹⁷ Napabansuk i Ester ra guang am napakaansuk ra raja' nasailan intor ra ngaangai' ralaa ra bokon. Ginio ra io noyo ondo' kalaayan toojo ru raja'. Pinakaraun ru raja' karaun ru pamarintaan ra ulu ri Ester am nampasauk riso ra andu' raja' koson namalit ri Wasti.

ESTER 2:17 ပူးပေါင်းရင်းမြစ်များ

ESTER 1:11

Nanusub raja' risilo nagibit ra Andu' raja' Wasti riso am nangkaraun ra pamarintaan. Andu' raja' no mantalur kaga' am makaguang raja' mampakito ra kinantalur nano ra tingganai-tingganai am tambului-tambului nano.

ESTER 2:16

Koon raginio noyo paat ra bilor katulu' ra pamarintaan ru Raja' Agaswiros, ginio ra sila' koopor, iono sila' Tibit, inibit i Ester paumaan ra Raja' Agaswiros giu' ra istana.

ESTER 4:14

Amon ru mongkoror kou ayuk ra koon ragitio baal ti, maaru' ulun ru Jaudi makaapu ra indangan intor ra suruga' am bayagon ilo, kaa' okou galama' matoi am sasambaloi ru ama' muno maluus. Osoi makapandai, maaru' lair koson ra bulintok ragitio noyo okou pinili' masauk ra andu' ru raja'!”

AMSAL 21:1

Pangkaraan ru raja' Tuhan noyo manguasa' koson ra Io nangaru' ra tulukan ru sungoi.

YEHEZKIEL 17:24

Ngaangai' puun tataun giu' ralalom ru pagun makapandai ra Aku noyo Tuhan. Tagaron Ku puun tataun ondo' masawat, am mambaal ra puun tataun ondo' magana' sumawat. Polonoton Ku puun tataun ondo' masansam, am mambaal ra puun tataun ondo' mapua' sumansam. Aku, Tuhan nakaindagu noyo. Suguton Ku ngaangai' ondo' rinagu Kuno.”

1 SAMUIL 2:8

Io mangkayang ra ulun musikin intor ra kaimbalaan, am Io mapalabus ra ulun asabin intor ra kaimbalaan. Ilo pasaukon ra rangan ru ulun mangaatang ondo' makapangkat, am aniin ra intok maatang kaga'. Lonor ru tana' ti longgom ru Tuhan, giu' ra ralimbou ru lonor no, tinirong no tana' ti.