ESTER 1:3 - Tanou Moonsoi Timugon

³ Paat ra bilor katalu ru pamarintaan nano, nambaal Raja' Agaswiros ra bunsag maayo koson ra ngaangai' ru tingganai am pagawai nano. Panglima-panglima ru Pirsia am Midia, am niayuk gabenor-gabenor am pagawai mangaatang intor ra wilayah-wilayah minaya' saang ra bunsag no.

ESTER 1:3 ပူးပေါင်းရင်းမြစ်များ

KASAUKAN 40:20

Pakatalu ngoorou raginio, napaat ra orou naganakan ru raja' no, bunsagi' ru raja' no ngaangai' tingganai nano. Palabuso' no intor ra pangaputan tingganai mansulung ra inumon nano am tingganai mansulung ra akanon nano, am ibito' ra saang ru ngaangai' tingganai ru istana.

1 RAJA'-RAJA' 3:15

Paat ra Raja' Salomo nakarat, nakaliman io ra minindagu i Aki Kapuuno' riso ralalom ru inupi. Kopongo raginio minongoi Raja' Salomo ra Jirusalim am minigor ra saang ru Kaban Nabantuan ru Tuhan. Nampataak Raja' Salomo ra taak simbalui koson mapabansuk ra guang ru Tuhan am taak simbalui koson makibarakat ra Tuhan. Kopongo raginio nambaal Raja' Salomo ra bunsag koson ra ngaangai' ru pagawai nano.

IJRA 1:2

“Koon ragitio susuban ru Raja' Koris, raja' ru Pirsia: Tuhan, i Aki Kapuuno' panguasa' giu' ra suruga', nampasauk noyo raki' ra raja' ru titikop ru tana' ti. Nangani' Io raki' ra kandoi koson mambaal ra Baloi tayar Nano giu' ra Jirusalim, giu' ra pagun ru Jiuda.

ESTER 1:14

Ulun-ulun maminson ra raja' ondo' masalok piawon iono i Karsina, Sitar, Admata, Tarsis, Miris, Marsina am i Mimukan. Ilo pagawai ru Pirsia am Midia ondo' masawat kaga' kandoi ralalom ru pamarintaan raginio.

ESTER 1:4

Buoi onom ngansila' raja' no nampatalang ra kalangkayaan ru istana nano, am kinoonsoi am kinaayo ru pamarintaan nano.

ESTER 2:18

Kopongo raginio, nambaal raja' ra bunsag maayo koson mangurumat ri Ester am nampiau ra ngaangai' tingganai am pagawai nano. Pinatanou ru raja' orou tumangus ra titikop ru pamarintaan am nantatayar ra masuang kaga' tangguang.

ESTER 3:7

Paat ra bilor koopor am ruo ra pamarintaan ru Raja' Agaswiros, paat ra sila' kasaa', iono sila' Nisan, nanusub i Gaman maa' raginio ulun magugundi' (ondo' sabiton ra “purim”) koson mangaru' ra orou am sila' ondo' maaya' koson manugut ra inatangan malaat no. Pupus no, ondo' inaru' iono orou koopor am talu ra sila' koopor am ruo, iono sila' Adar.

JISAYA 21:2

Nakaapu aku ra pinaintalang intor ra kasaukan ondo' malaat kaga', intor ra kalaatan am pamusaan. Loyog kano alii ra saujor ru Ilam, pamulunsar no! Awangi' bandar-bandar no, alii ra saujor Madai! Pupusin ri Aki Kapuuno' kaimbalaan ondo' makinibitan ru Babil.

JIRIMIA 51:11

Namuir Tuhan ra guang ru raja'-raja' Midia sabap ra masaga' Io mamuso ra Babilonia. Koon raginio noyo ralan Nano mansuli' sabap ra Baloi Nano pinuso. Nanusub Tuhan, “Koloromo' noyo panah! Tomposo' noyo perisai!

DANIL 5:1

Paat ra sangarawan, nampiau Raja' Bilsyajar ra saribu ngaulun ulun mangaatang nano mongoi ra bunsag ondo' maayo am nagiginum ilo wain.

DANIL 5:28

Tayaron arati' no pamarintaan muno matatayar am pataakin ra ulun ru Midia am Pirsia.”

DANIL 6:1

Kopongo Raja' Bilsyajar pinatoi, Raja' Darius ulun ru Midia, ondo' bulintok raginio umur no onom ngoopor am ruo ngambilor, nampagaau ra kurisi' pamarintaan ru Babilonia.

DANIL 8:20

Domba gawayan ondo' mokoondo' ruo sangau, ondo' nakito muno tatandu' ru pamarintaan Midia am Pirsia.

MARKUS 6:21

Pupus nali nakaalap niayuk i Irodias ra kaluagan. Paat ragili, piawo' ru raja' Irodis ngaangai' tingganai ru parinta, tingganai ru saujor am tingganai ru libung ru Galilia mongoi pangiantak ra orou naganakan nano.