ESTER 1:19 - Tanou Moonsoi Timugon

¹⁹ Ginio ra amon ru mangiou kou raja', ingkualo' rondo' susuban ra Andu' raja' Wasti kalo boo iowon muma' ra raja'. Susuban raginio musiti' saukon ra undang-undang ru Pirsia am Midia maa' raginio kalo lair boo masulang. Mopongo raginio, pataako' intok ru Andu' raja' Wasti ra ruandu' bokon ondo' moonsoi poyo.

ESTER 1:19 ပူးပေါင်းရင်းမြစ်များ

1 RAJA'-RAJA' 3:28

Paat ra ulun ru Israil nokorongog ra namatasan ru Raja' Salomo, mangurumat ilo kaga' riso sabap ra nakapandai ilo ra nangani' i Aki Kapuuno' riso ra kapintaran koson mampaugar ra katimpakan.

ESTER 1:18

Paat ra andu'-andu' ru pagawai ru raja' Pirsia am Midia nokorongog intor ra paliso ru andu' raja' no, maaru' ilo pana mataki' mambala' ra baal raginio ra ralaki nilo. Kinibit ru ginio, andu' manggal ra susuban ru ralaki am ralaki sumangit ra andu'.

ESTER 1:21

Raja' am pagawai-pagawai nano nangiou ra inatang ri Mimukan no, am raja' pana mataki' nambaal raginio.

ESTER 2:1

Kopongo kukula' buoi, kabalu' pana raja' kalo boo siminangit, lakat poyo makara' ru raja' binaal ru Andu' raja' Wasti am ondo' binaal nano riso.

ESTER 3:9

Amon ru mangiou kou, moonsoi ingkualon surat susuban koson mamuso risilo. Amon apuon mu inatangan ragitio, mangintopot aku ra makasubol masailan intor ra 340,000 ngakilogram pirok ra ralalom ru intok pambulian ra rapu' ru raja' ra tayar ru pentadbiran ru pamarintaan.”

ESTER 8:5

“Amon ru mangiou kou raja', am amon ru motogom kou raki', musiti' kou mapaingkual ra surat susuban koson mopolonggo' ra surat susuban ri Gaman anak ri Gamidata papag ri Agag, ondo' makasuang ra susuban koson mamuso ra ngaangai' ulun ru Jaudi giu' ra titikop ru pamarintaan.

ESTER 8:8

Kaa' kalo malanggaan ku susuban ondo' binaal ralalom ru inggalan kuno galama', am ondo' sinaapan ra saap ru raja'. Kaa' mangiou aku ramuyun manulis ra surat ra ulun ru Jaudi, atan ayuk ondo' kasagaan min. Iowon kau manulis ra surat no ralalom ru inggalan kuno am saapin ginio ra saap ru raja'.”

DANIL 6:17

Raja' pana nanusub maa' raginio i Danil rokopon am patirin ra ralalom ru luang batu ru singa'. Indagu raja' ri Danil, “Gama' ru i Aki Kapuuno' ondo' sambaan muno toojo no mamayag rirun.”

1 SAMUIL 15:28

Ginio ra kon ri Samuil ra Raja' Saul, “Paat ra orou raiti' niayuk rinilak noyo ru Tuhan no pamarintaan ru Israil intor rirun am pinataak ginio ra ulun ra bokon ondo' moonsoi poyo intor rirun.