DANIL 9:7 - Tanou Moonsoi Timugon

⁷ Okou, iou Tuhan masalok mambaal ra motopot, liliwa' akai masalok manuyu' ramon galama'. Koon raginio niayuk ra ngaangai' ru bansa' mai ondo' minayan ra Jiuda, Jirusalim, am ngaangai' ulun ru Israil ondo' pinantutuliar Mu giu' ra pagun-pagun mamaar am maalur sabap ra kalo gumagaya' ilo Rirun.

DANIL 9:7 ပူးပေါင်းရင်းမြစ်များ

DANIL 9:14

Nakatampos Kono mangukum ramon, iou Tuhan, i Aki Kapuuno' mai, am nakapangukum Kono ramon. Atan ondo' baalon Muno totopot matimpok sabap ra kalo rumongog akai Rirun.

DANIL 9:8

Raja'-raja' mai, panguasa'-panguasa' mai am kinamatuaan mai nambaal noyo ra baal ondo' makauyuyu' am niayuk makatula Rirun, iou Tuhan.

JIRIMIA 3:25

Ginio ra, polosoon akai mansaan ra uyu' am polosoon akai asasabin. Akai am kinamatuaan maili masalok makatula ra Tuhan, i Aki Kapuuno' mai; kalo igondo' akai gagaya' ra susuban Nano.”

MAZMUR 44:15

Sinauk Mu akai ra asasabin ru ngaangai' bansa'; sapisik-pisik ilo ayuk am mangalimut ramon.

SAGULION 4:27

Mapatuliar Tuhan ramuyun ra popolos ru bansa'-bansa' ra bokon, am sanganu ayuk ra gino ngai' min maayag.

ROMA 6:21

Ragili kolondo' onong no ra akau nampaugar ra baal-baal ondo' raino mampakauyu' ramuyun. Baal-baal raginio mangkinibit ra kapatayan.

AMOS 9:9

Manusub Aku, am atapin Ku ulun ru Israil koson ra ulun mangatap ra gandum ra atapan. Atapin Ku ilo ra gino ngai' ru bansa' koson mamatir ra ngaangai' ondo' kolondo' onong.

YEHEZKIEL 36:31

Makara' min paliso malaat am kasalaan ondo' binaal mino, am majamalan kau boo ra inan galama' sabap ra tula am binaal malaat mino.

YEHEZKIEL 16:63

Ampunon Ku ngaangai' kasalaan muno, kaa' karaan mu boo ginio am totopot mauyu' saboi kalo baani kou mangukab ra kabang.” Tuhan Raja' nakaindagu noyo.

JIRIMIA 24:9

Mamparatong Aku ra karaat risilo saboi ngaangai' bansa' ra titikop ru tana' ti malaa'. Iison ilo, pasaukon ra kukuritin am tauyuon. Ati ayuk pantutuliaron Ku ilo, inggalan nilo alapon ra pagulasan.

JIRIMIA 12:1

“Iou Tuhan, amon ru pabalaan ku baal kutu Rirun, maaru' matutunan toojo ra Okou noyo ondo' motopot. Kaa' musiti' aku mangkuot Rirun intor ra katimpakan. Kua kia ra ulun malaat langkaya'? Kua kia ra ulun ondo' kalo mabanis guang makabanang?

JISAYA 45:16

Ngaangai' ulun ondo' nambaal ra sinungkalalaing ra sambaan tauyuon am asabin.

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

MAZMUR 119:137

Matimpok Kou, iou Tuhan, am matimpok ukum Muno.

MAZMUR 51:14

Bansuko' aku poyo sabap ra pamayagan Muli, am anii' aku ra guang koson gumagaya' Rirun.

MAZMUR 51:4

Bagui' aku no intor ra ngaangai' kalaatan kuno, am liungi' aku no intor ra tula kuno.

NIGIMIA 9:33

Timbalos Muno matimpok koson mangukum ramon ondo' najamaran; Gumagaya' Kou, kabalu' pana makatula akai.

IJRA 9:13

Raino nangukum Kou ramon sabap ra ngaangai' tula am inanggalan mai ra ukum Muno. Kaa' nakapandai akai iou Aki Kapuuno' mai, ra ukuman Muno mamaan poyo kaga' intor ra ondo' binaal mai; am Okou pana namayag ramon.

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

IJRA 9:15

Iou Tuhan, i Aki Kapuuno' ru Israil, matimpok Kou kaga'. Kabalu' pana koon raginio, nangiou Kou ramon maayag. Mangiou akai ra tula mai. Kalo maaya' akai matong ra saang Muno.”

JIRIMIA 23:6

Paat ra io masauk ra raja', ulun ru Jiuda maayag, am ulun ru Israil maayag ra moonsoi. Raja' no sabiton ra ‘Tuhan Mamamayag Ritakau’.

JIRIMIA 33:16

Mamagun ru Jiuda am Jirusalim bayagon, am maayag ilo ra mamimio. Bandar no inggalanin ra ‘Tuhan Mamamayag Ritakau’.

YEHEZKIEL 6:12

Ilo ondo' maalur matiu' ru maruol am matoi; ilo ondo' mamaar matoi ralalom pangayawan; osoi ayuk ondo' lakat poyo maayag am mamimio matoi ra bitilan. Makaliman ilo ra ruol ru sangit Kuno.

DANIL 9:18

Rongogo' akai no, iou Aki Kapuuno'; tantangi' akai no, am ilai' kapaganan mai. Ilai' kaimbalaan ru bandar ondo' sabiton ra inggalan Muno. Makiasi' akai Rirun sabap ra maayo guang Muno makaasi' am sala' ka sabap ra binaal moonsoi mai.

JIRIMIA 4:17

am magawang ra Jirusalim koson ra ulun magalung ra umo. Ngaangai' baal raginio masauk sabap ra mamagun ru Jiuda giminuor noyo ra Tuhan. Nakaindagu noyo Tuhan.

JIRIMIA 7:19

Kaa' sotopot no, pai' ru Aku rinuol nilo, kaa' inan nilo galama' saboi ra tinauyu' ilo.

JIRIMIA 32:32

sabap ra ngaangai' kalaatan ondo' binaal ru ulun ru Jiuda am ulun ru Jirusalim, nababaya' ra raja'-raja' am tingganai-tingganai, imam-imam am nabi-nabi nilo.

YEHEZKIEL 5:10

Kinibit nano, giu' ra Jirusalim, matuo mangakan ra anak nilo, am anak mangakan ra matuo nilo. Mangukum Aku rirun am mampatutuliar ra osoi ayuk ondo' lakat poyo maayag ra ngaangai' intok.