DANIL 9:26 - Tanou Moonsoi Timugon

²⁶ Pompor ru paat raginio, tingganai ondo' pinili' ri Aki Kapuuno' no potoyon kabalu' pana kolondo' sala nano. Bandar Jirusalim am Baloi ru Tuhan pusoon ru pulalai ru saujor ru sangulun raja' ondo' makakuasa'. Pupus ru ginio sumaboi koson ra liur ondo' magibit ra pampatayan am kapusaan ondo' inaru' noyo ri Aki Kapuuno'.

DANIL 9:26 ပူးပေါင်းရင်းမြစ်များ

2 SAMUIL 21:5

Taam ilo, “Masaga' Raja' Saul mamuso ramon ngaangai' maa' raginio maliom intor ra titikop ru Israil.

MAZMUR 22:15

Kolondo' boo lulu' kuno, natatak koson ra timug nasasar. Ngaangai' ru bungul kuno naukuk; guang kuno timinanu' koson ra dian.

JISAYA 28:2

Ilai' noyo, Tuhan nangator sangulun ondo' maikang am makakuasa', nakatampos mongoi pangayou risilo; sangulun matong koson ra bagiu' mabaya' ra rasam batu, koson ra rasam maawas, am koson ra liur ondo' siminakob ra tana'. Io mapaampas risilo ra tana'.

JISAYA 28:22

Guango' min pansawayan Kutu! Amon kalo guangon min, mapagon poyo akau lumabus. Norongog ku noyo namatasan ru Tuhan Raja' Ondo' Maayo Kaga' Kuasa' koson mamuso ra titikop pagun.

JISAYA 53:8

Rinakop io am inakim, am binuntayang am inukuman ra matoi. Kolondo' mampalio riso; io minatoi sabap ra tula ru bansa' takau.

JISAYA 8:7

Aku, Tuhan, mamparatong ra raja' ru Asyur am ngaangai' saujor nano koson mangayou ra Jiuda. Jumalai ilo koson ra liur intor ra Sungoi Iprat ondo' lumuab-luab am masakob tobo nano.

JIRIMIA 46:7

Osoi kia ondo' siminimpor koson ra timug ru Sungoi Nil, koson ra sungoi ondo' naliuran tobo no?

JIRIMIA 51:42

Raat liminuab ra Babil am nampasakob riso ra kinulun ondo' makanginoos.

DANIL 11:10

“Anak-anak ungkuyon ru raja' ru Siria tumampos koson mamulunsar am manirong ra pulalai ru saujor ondo' maayo. Sangulun intor risilo mampajunjung koson ra liur am mamulunsar ra pangampinan ru pantula'.

DANIL 11:17

“Raja' ru Siria manusub ra ngaangai' pulalai ru saujor nano koson mamulunsar ra pantula'. Koson manguasa' ra pamarintaan ru pantula' nano, raja' no mambaal ra pangiawan ra pantula' nano am paganduon anak ruandu' nano ra pantula', kaa' inatangan raginio kalo masugut.

DANIL 11:22

Saujor ondo' manggal riso, am poyo Tingganai Maayo Imam pana pusoon am luuson.

DANIL 11:36

“Raja' ru Siria mambaal maya' ra kasagaan ru guang. Nabaya' ra kalimbawan, karaan ru raja' ra maayo io poyo intor ra dewa ru ati pana, am poyo makakuasa' poyo intor ri Aki Kapuuno' Ondo' Masawat Kaga'. Nambaal raja' no raginio saboi ra paat ri Aki Kapuuno' mangukum riso. Baalon ri Aki Kapuuno' totopot koson ra inatangan Nano.

DANIL 9:27

Mambaal raja' no ra nabantuan ondo' mapiot ra masuang ulun buoi tulu' ngambilor. Malintanga' paat no, langgain ru raja' ngaangai' taak simbalui am pataakon. Rondo' ondo' sabiton ra ‘Karaat Ondo' Moporos’ pabantaan boo giu' ra Baloi ru Tuhan, am magulayun ra giu' no saboi ra ulun ondo' napabanta' no makatuum ra kapusaan ondo' inaru' noyo ri Aki Kapuuno' riso.”

GOSIA 1:9

Indagu boo Tuhan ri Gosia, “Inggalani' io ri ‘Sala' ka Ulun Kuno’, sabap ra ulun ru Israil sala' ka ulun Kuno, am Aku sala' ka i Aki Kapuuno' nilo.”

AMOS 8:8

Ginio ra tana' ti mogonggon am ngaangai' ulun giu' ra pagun no magalabo. Titikop ru pagun mauyog; tana' ti magaloi tumuun koson ra Sungoi Nil.

AMOS 9:5

Paat ra Tuhan Raja' Ondo' Maayo Kaga' Kuasa' makakambong ra tana' ti, mogonggon boo tana', am ngaangai' ru mamagun nano manulaboi. Titikop ru tana' magaloi tumuun koson ra Sungoi Nil.

NAGUM 1:8

Pusoon No ngaangai' pantula' Nano, Io koson ra liur maayo ondo' nakalumpa' risilo. Binutus No painawo ru ulun ondo' manggal ra kasagaan Nano.

MATIUS 22:2

Indagu Io, “Paat ri Aki Kapuuno' mamarinta, baal no koson ra sangulun raja' mampatampos ra bunsag paguatan ra anak ungkuyon nano.

MATIUS 22:7

Paat ra raja' ti nokorongog ra baal raginio, siminangit io kaga'. Panusub io ra saujor-saujor nano mongoi pamatoi risilo am ponolob ra bandar nilono.

MATIUS 23:38

Sabap raginio, Baloi Tuhan min iruanin ri Aki Kapuuno', am masiluk boo.

MATIUS 24:2

“Iou,” ragu ri Jisus, “Ilai' noyo ngaangai' ti! Balain takamin: Kolondo' rondo' batu pana intor ragitio soroi ra intok nano; ngaangai' ti lunsayon.”

MARKUS 13:2

I Jisus timinaam, “Baloi-baloi ra mangasawat am mangaayo no kia nakito muno? Kolondo' rondo' batu pana intor ra baloi raginio soroi ra intok nano. Ngaangai' no lunsayon.”

MARKUS 13:7

Amon ru maining min bubuor kapoam tanou ru pampatayan, pai' kau kalaa'. Baal ragitio musiti' masauk, kaa' sala' ka nasuku' noyo kiamat.

MARKUS 9:12

Taam i Jisus, “Topot, i Ilia matong pagulu koson momongo ra ngaangai' no, kaa' ati kulaan ra Anak ru Ulun? Nogondo' ra tinulisan ralalom ru Buuk Kitab ra Io imboloon am anggalon ru ulun.

LUKAS 21:24

Mokoondo' ulun potoyon ra ilang, am mokoondo' poyo ibiton am uliponon ra ati ayuk pagun ra bokon; am bandar Jirusalim kikinjangin ru bansa' ondo' kalo makaulig ri Aki Kapuuno' saboi paat ra inaru' no risilo maukop.”

LUKAS 21:6

“Masuku' paat no, ngaangai' makito min ti lunsayon, kolondo' rondo' batu pana soroi ra intok nano.”

LUKAS 24:26

Sala' ka kia Mamamayag ondo' sinusub ri Aki Kapuuno' i maaru' maimbolo' galing ra Io kalo poyo katulayon?”

LUKAS 24:46

indagu Io, “Natulisan noyo ra Buuk Kitab ra Mamamayag ondo' sinusub ri Aki Kapuuno' i musiti' maimbolo' galing am bagu maayag saguli' malupus kataluan.

JUANIS 14:30

Kalo boo masuang raguon Kutu ramuyun, sabap ra nasuku' noyo paat ra io ondo' manguasa' ra tana' ti matong. Kaa' kalo makapanguasa' io Raki'.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”

1 PITRUS 2:21

Nampiau i Aki Kapuuno' ramuyun pantataan ra akau imboloon sabap ra mambaal ra moonsoi. I Kristus galama' inimbolo' ra bala min, am raginio nakapangani' Io ramuyun ra tiluan ondo' moonsoi suguton min.

1 PITRUS 2:24

I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.