DANIL 9:25 - Tanou Moonsoi Timugon

²⁵ Guango' am aratio' baal ragitio: Intor ra jam ru susuban pinaingkual koson mambaal saguli' ra Jirusalim, saboi ra ratangan ru tingganai ondo' pinili' ri Aki Kapuuno', buoi nano iono intulu' tulu' ngambilor. Jirusalim baalon saguli' ra ralan-ralan maayo am pangampinan ondo' maikang, am tumaan buoi intulu' onom ngoopor am ruo ngambilor, kaa' paat raginio nososok ra kapaganan.

DANIL 9:25 ပူးပေါင်းရင်းမြစ်များ

2 SAMUIL 15:25

Kopongo raginio kon ru raja' no ri Jadok, “Pasagulio' Kaban Nabantuan no ra bandar. Amon ru maansayan Tuhan no raki', maaru' mangiou io raki' saguli' am makakito ra Kaban Nabantuan no poyo, am niayuk intok ru Kaban Nabantuan no binulian.

IJRA 4:24

Pambaalan ra Baloi ru Tuhan naputatan saboi ra bilor karuo ra pamarintaan ru Raja' Darius, raja' ru Pirsia.

IJRA 7:1

Bibilor boo buoi raiti, paat ra Raja' Artasasta nasauk ra raja' ru Pirsia, mokoondo' sangulun ungkuyon inggalan no i Ijra. Io sangulun intor ra papag ri Arun, Tingganai Maayo Imam no, am inggalan ru papag nano koson ragitilo: Ijra anak ri Siraya, anak ri Ajaria, anak ri Ilkia,

IJRA 7:8

Nangiruan ilo ra pagun ru Babilonia paat ra orou kasaa' ra sila' kasaa', am nabaya' ra indangan ri Aki Kapuuno', nakasaboi ilo giu' ra Jirusalim paat ra orou kasaa' ra sila' kalimo.

NIGIMIA 3:1

Gitio noyo ralan ra timbok ru bandar Jirusalim pinuna'. Tingganai Maayo Imam Ilyasib am imam-imam ra bokon nambaal saguli' ra Kulobon Garabang Domba, napatapuli' ra angob-angob ru kulobon no am patimpokon ngaangai' no. Patimpokon nilo timbok saboi ra Manara Maatus am Manara Gananil.

NIGIMIA 4:2

Giu' ra saang ru rangan-rangan nano am pulalai ru saujor Samaria, indagu io, “Atan kia ondo' tatanga' baalon ru ulun ru Jaudi ra nausung ti? Makaguang ilo kia koson mambaal saguli' ra bandar ti? Nangkara' ilo kia ra ilo mampataak ra taak simbalui, maalap nilo kopongo kandoi no ralalom songorou? Makasauk ilo kia ra batu panambaloi intor ra tuntur ru ginsamol ondo' naumpo noyo?”

NIGIMIA 4:8

Ginio ra naguguum ilo ngaangai' moogot mamulunsar ra Jirusalim am mambaal ra kajajawan.

NIGIMIA 6:15

Kopongo nangandoi buoi 52 ngoorou, ngaangai' timbok no nopongo pinuna' paat ra orou karuo ngoopor am limo ra sila' Ilul.

MAZMUR 71:10

Pantula' kuno mampatoi raki'; maguguum ilo am mampapakat gumula' raki'.

MAMPATANOU 3:3

paat ra mamatoi am paat ra mamabas, paat ra mamunsag am paat ra mambaal.

JISAYA 55:4

Sotopot no, sinauk Ku io ra tingganai am panglima, sasi' intor ra kuasa' Kuno ra bansa'-bansa'.

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

DANIL 8:11

Sangau boborok no baani kaga' manggal ra Panglima ru saujor-saujor ru suruga', nopolonggo' ra taak simbalui orou-orou ondo' pataakon ra Panglima no, am nampajamol ra Baloi ru Tuhan.

DANIL 8:25

Sabap ra ruung nano, makasugut io ralalom ru pamparuungan nano. Lumimbau io ra inan nano, am mamuso ra masuang ulun ra kalo mangani' ra pampakaraan. Io no poyo ondo' baani manggal ra Raja' Ondo' Maayo Kaga'. Kaa' pusoon io ra sala' ka ra kuasa' ru ulun.

DANIL 9:23

Paat ra okou timinalimpuun nakitaak ri Aki Kapuuno', tinaam No kinitaak muno. Minatong aku nampasaboi ra taaman no sabap ra motogom Io kaga' rirun. Ginio ra rongogo' toojo liliwa' ra aku mambala' toojo ra arati' ru pinaintalang no.

MIKA 5:1

Indagu Tuhan, “Okou Bitligim Iprata, okou rorondo' bandar ondo' boborok kaga' giu' ra pagun ru Jiuda, kaa' intor rirun aniin Ku Israil ra sangulun panguasa'; intor ru kinamatuaan nano timinalimpuun intor ra galing i ayuk poyo.”

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

MATIUS 13:23

Sampug ondo' nakatias ra tana' malabung no koson ra ulun ondo' mangkirongog ra tanou no am makarati' ilo. Mangkakawa' ilo, mokoondo' mangkawa' ra maatus ruli' no, mokoondo' onom ngoopor am bokon no talu ngoopor.”

MATIUS 24:15

“Makakito kau ra Karaat Makalalaa', ondo' rinagu ri nabi Danil, migor ra Baloi Tuhan. (Pangkaraan ra mambabasa': Aratio' min atan pambalaan ragitio!)

MARKUS 13:14

Tungguli' poyo ri Jisus ragu Nali, “Makakito kau ra ‘Sauk Malaat’ migor ra intok panginggalaran no. (Ngaangai' mambabasa' pakarati' kano ragitio!) Paat raginio, ulun ondo' soroi ra Judia musiti' magiru' ra kabuluran.

JUANIS 1:41

Ginio ra ongoi i Andrias tuum ri Simon ra mataki' am indagu io riso, “Natuum mai noyo Misias.” (Arati' no ‘Mamamayag ondo' sinusub ri Aki Kapuuno'’.)

JUANIS 4:25

Indagu ruandu' i ri Jisus, “Napandayan ku noyo matong Mamamayag ondo' sinusub ri Aki Kapuuno', ondo' niayuk sabiton ri Kristus. Paat ra Io matong, mambala' Io ritakau ra ngaangai' no.”

RINALATAN 3:15

Akau namatoi Riso, Io ondo' manaak ra kaayagan motopot ra ngaangai' ulun. Kaa' binayag Io saguli' ri Aki Kapuuno' intor ra kapatayan am akai noyo sasi' ra baal raginio.

RINALATAN 5:31

Pinainsawat Io ri Aki Kapuuno' ra tampilon pamiris Nano, ioginio intok makakuasa', koson masauk ra Tingganai am Mamamayag, maa' raginio bansa' ru Israil ti makatalikur intor ra tula nilo am maampun ilo.

RINALATAN 8:30

Pasimbul i Pilipus am inggaari' no sinakayan i am korongog no ulun no nambasa' ra kitab Nabi Jisaya. Pangkuot i Pilipus riso, “Mangarati' kou kia ra binasa' muno?”

IPISUS 5:16

Moonong kaluagan ondo' mokoondo' ramuyun, alapo' min ginio koson mambaal ra moonsoi, sabap ra raino ti masuang kapaganan takau.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.

PINAINTALANG 19:16

Sukub Nano am ra paa Nano tinulisan ra inggalan koson ragitio, “Raja' ru ngaangai' raja' am Tuhan ru ngaangai' tuan”.