DANIL 9:24 - Tanou Moonsoi Timugon

²⁴ “Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

DANIL 9:24 ပူးပေါင်းရင်းမြစ်များ

2 TUNUNG RU BANSA' ISRAIL 29:24

Kopongo raginio, imam-imam nanimbalui ra kambing-kambing am pasasaro' raraa' ru kambing giu' ra rasawat ru altar, koson mamuso ra tula ru ngaangai' mamagun, sabap ra nanusub noyo raja' risilo mampataak ra taak simbalui koson mapabansuk ra guang ru Tuhan am taak simbalui koson mangampun ra tula ru ngaangai' mamagun ru Israil.

MAZMUR 2:6

Minindagu Io, “Giu' ra Sion, bulur Kuno ondo' matulai, pinasauk Ku noyo raja' Kuno.”

MAZMUR 45:7

Kuasa' pinataak rirun ri Aki Kapuuno' mantilayun ra sabuoi-buoi no. Namarintaan muno ra mamagun muno matimpok toojo.

JISAYA 42:4

Kalo maimamang kapoam lumuku saboi mapabigor io ra katimpakan ra tana'. Pagun-pagun ondo' maalur magiginaa ra pangilaan nano.”

JISAYA 51:6

Tingaano' noyo limbowon am indukui' noyo tana'; limbowon lumiot koson ra lisun am tana' maapu' koson ra bayang lairon, ngaangai' namagun no matoi koson ra namuk. Kaa' pamayagan ra pinataak Kuno mantilayun ra sabuoi-buoi no, am namanangan Kuno marayus-rayus.

JISAYA 51:8

Mapuso ilo am matatak, koson ra konoon inakan ru kilau am konoon bulu kambing inakan ru anai. Kaa' pamayagan ra pinataak Kuno mantilayun ra sabuoi-buoi no, namanangan Kuno saboi ra papag am papag.”

JISAYA 56:1

Mindagu Tuhan ra ulun Nano, “Baalo' min atan ondo' matimpok am maaya' ra ukuman Kuno. Sabap ra sangkinolor poyo matong Aku mamayag ramuyun am katimpakan Kuno pabalaan.

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

SULABOI 4:22

Inukum noyo Sion sabap ra tula nano; raino Tuhan kalo boo mompoloso ramon mayan giu' ra intok pamatiran. Kaa' okou, Idom, ukumin ru Tuhan; tula-tula muno patalangon.

YEHEZKIEL 28:12

“Okou ulun mapandai matoi, panulaboi no ra tayar ru raja' Tirus. Posoboyo' atan ondo' paraguon Kuno, Tuhan Raja' riso, ‘Igondo' kou nasauk ra tiluan moonsoi kaga'. Ragili totopot kou mapintar am maindon!

YEHEZKIEL 4:6

Kopongo raginio pataigingo' inan muno am luya' ra tampilon pamiris muno. Mili' no ra ukuman koson kasalaan ru mamagun ru Jiuda buoi apat ngoopor ngoorou, songorou tatandu' ru sambilor ra ukuman risilo.

IMAMAT 25:8

Untobo' intulu' tulu' ngambilor, iono apat ngoopor am siam ngambilor.

IMAMAT 8:15

Simbaluyo' boo ri Musa sapi' no am alapo' sanganu raraa' no. Ra bubua' ru kalindu', pakupilo' boo ri Musa raraa' no ra sangau ru altar koson patimpokon no. Pasasaro' no suwo ru raraa' no ra tampilon ragana' ru altar. Ginio noyo ralan ri Musa napakapasau ra altar no am patimpokon no ra Tuhan.

JAKARIA 4:14

Kopongo raginio indagu io, “Raan no tatandu' ru ruo ngaulun ondo' pinili' am sinauk ri Aki Kapuuno' koson mangandoi ayuk Riso, Tuhan ondo' namingkal ra tana' ti am limbowon.”

UNTABAN 14:34

Mansaan kau ra kinibit ru tula mino buoi apat ngoopor ngambilor, sambilor koson moonong orou intor ra apat ngoopor ngoorou ondo' pinakai min lumiput ra tana' no. Mapandayan min boo ra ati kulaan kalimanan no paat ra Aku manggal ramuyun.

MATIUS 1:21

Ginio ra maganak i Maria ti sangulun anak ungkuyon am inggalanin mu Io no i Jisus, sabap Io ti mamayag ra ulun Nano intor ra tula nilono.”

MATIUS 11:13

Ngaangai' ru nabi am i Musa ralalom ru Ukum nali suku' rinatangan ri Juanis, nambala' pagulu ra sauk raginio.

MATIUS 4:5

Tingganai ru riwato no pana nagibit boo ri Jisus giu' ra bandar Jirusalim, suku' ra tampak ru Baloi Tuhan,

MARKUS 1:24

Kono, “Atan kia kitaakon Muno ramon, O Jisus, ulun ru Nasarit? Masaga' Kou kia mamuso ramon? Nakapandai aku osoi Kou: Okou noyo ulun sinusub ondo' binantu' ri Aki Kapuuno'!”

LUKAS 1:35

Taam malaikat no, “Matong Ambiluo ri Aki Kapuuno' rirun am kuasa' ri Aki Kapuuno' sumoroi rirun. Ginio sabap ra anak ondo' anakon muno sabiton Anak ri Aki Kapuuno' ondo' matulai.

LUKAS 21:22

Sabap ra ginio noyo ‘Orou Pangukuman’, koson ra masauk ngaangai' ondo' tinulisan ra Buuk Kitab.

JUANIS 1:41

Ginio ra ongoi i Andrias tuum ri Simon ra mataki' am indagu io riso, “Natuum mai noyo Misias.” (Arati' no ‘Mamamayag ondo' sinusub ri Aki Kapuuno'’.)

JUANIS 3:34

Io ondo' sinusub ri Aki Kapuuno' mampasaboi ra ragu Nano, sabap ra kalo palasin i Aki Kapuuno' mangani' Riso ra Ambiluo Nano.

RINALATAN 3:14

I Jisus noyo matulai am moonsoi, kaa' kalo inapu min Io, am kinitaak min i Pilatus nampalabus ra sangulun mamamatoi.

RINALATAN 3:22

Nakaindagu i Musa, ‘Tuhan, i Aki Kapuuno' mino manusub sangulun nabi intor ra bansa' mino, koson ra Io nanusub raki'. Akau musiti' mangkirongog ra ngaangai' ondo' raguon no ramuyun.

RINALATAN 4:26

Raja' ru tana' rati nakatampos noyo mongoi ra pangayawan, am mangunguasa' no nakatimung noyo gumula' ra Tuhan am Mamamayag ondo' sinusub ri Aki Kapuuno'.’

ROMA 5:10

Galing i mantutula' takau ri Aki Kapuuno', kaa' itakau pinobonsoi saguli' Riso mansail ra pinatayan ru Anak Nano. Raino, ra itakau rangan ri Aki Kapuuno', maaru' bayagon takau sabap ri Kristus maayag.

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

PILIPI 3:9

Am ginio sala' ka boo intor ra katapatan kuno galama' koson gumagaya' ra Ukum ri Musa, kaa' intor ra katapatan ri Aki Kapuuno' ondo' pinataak no raki' sabap ra pangintapatan ku ri Kristus.

KOLOSI 1:20

Ralalom ru inggalan ru Anak niayuk, i Aki Kapuuno' nangaru' ra ngaangai' mobonsoi saguli' Riso, ioginio atan ayuk suang ru tana' ti kapoam atan mokoondo' giu' ra suruga'. Gitio sinauk Nano ralalom pinatayan ru Anak Nano ra salip.

KOLOSI 2:14

Ginio nai ra linulu' ri Aki Kapuuno' ukum ru ngaangai' tula min i ra Io napapaku' risilo ra salip ri Kristus.

IBRANI 10:14

Sabap ra Io nampataak ra painawo Nano ra igondo' ayuk, tandaan No ra mantilayun ulun ondo' kinapasau noyo intor ra tula.

IBRANI 2:17

Ginio noyo sabap ra musiti' Io masauk ra ulun koson ra pabukat Nano ralalom ngaangai' baal. Maa' boo raginio nasauk Io ra Tingganai Maayo Imam ondo' makaasi' toojo ritakau am masalok gumagaya' ra susuban ri Aki Kapuuno'. Intor ra kandoi Nano raginio tula ru ulun ampunon boo ri Aki Kapuuno'.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.

IBRANI 9:26

Sabap ra amon ru koson poyo raginio misasaguli' Io potoyon intor ra tana' ti biningkal. Kaa' sotopot no, raino mamaar noyo ra pamupusan, riminatong noyo i Kristus igondo' ayuk koson mampataak ra painawo Nano mamuso ra tula ru ulun am ginio sama' ra sabuoi-buoi no.

2 PITRUS 1:1

Surat ti intor raki', i Simon Pitrus, sangulun ulipon am rasul ri Jisus Kristus. Gitio posoboyon ku ramuyun, pabukat kau sabap ra mansail ra katapatan ri Jisus Kristus io no i Aki Kapuuno', Mamamayag takau, mangintopot kau toojo mogondo' ramon.

1 JUANIS 3:8

Kaa' osoi ayuk marayus mambaal ra tula, io no anak ru Tingganai ru riwato. Sabap ra naintaran noyo ra talimpuun i, Tingganai ru riwato no makatula. Ginio ra Anak ri Aki Kapuuno' riminatong, mongoi pamuso ra kandoi ru Tingganai ru riwato no.

PINAINTALANG 14:6

Kakito ku boo rondo' malaikat ra bokon mansiab ra masawat. Malaikat no nagibit ra Tanou Moonsoi ondo' mantilayun koson pabalaan ra ulun ru tana' ti, ioginio ra moonong papag, ragu, bansa' am pagun.

PINAINTALANG 3:7

“Tulisi' koson ragitio ra malaikat ru pasimpungan ulun Kristian giu' ra bandar Piladilpia: “Gitio noyo bilin intor Riso ondo' matulai am motopot, am kunsi' ru raja' Daut soroi Riso; paat ra ukabin No kulobon no, angabin ru osoi ayuk pana kalo maangaban, am paat ra angabin No, ukabin ru osoi ayuk pana kalo maukaban.