DANIL 9:20 - Tanou Moonsoi Timugon

²⁰ Rinayus ku nakiasi', am nangiou ra tula kuno am niayuk tula ru bansa' kuno Israil. Aku niayuk nakitaak ra Tuhan, i Aki Kapuuno' kuno koson mapatapuli' ra Baloi Nano ondo' matulai.

DANIL 9:20 ပူးပေါင်းရင်းမြစ်များ

IJRA 10:1

Liliwa' nantangi' igulatur i Ijra koson makiasi' am mangiou ra saang ru Baloi ru Tuhan. Liliwa' raginio masuang ulun ru Israil – ungkuyon, ruandu' am lalaing – minatong timinimung limpu riso; ilo niayuk sasisikok nantangi'.

NIGIMIA 1:6

Ilai' aku, iou Tuhan, am rongogo' pakiasian kutu, tatanga' aku makiasi' orou am rondom koson ra bala ru ulipon-ulipon muno, ulun ru Israil. Mangiou aku ra akai ti, ulun ru Israil, makatula noyo. Kinamatuaan kuli am aku makatula noyo.

MAZMUR 145:18

Minggaar Io ra ulun ondo' mampiau Riso, am ondo' makiasi' toojo Riso.

MAZMUR 32:5

Iowon ku boo tula kuno Rirun; kalo alion ku nasalaan ondo' binaal kuli. Nalantas noyo guang kuno koson mangiou ra tula kuli Rirun, am ampunon Mu ngaangai' nasalaan kuno.

MAMPATANOU 7:20

Ra tana' ti kolondo' sangulun pana ondo' masalok mambaal ra moonsoi am kalo igondo' nambaal ra kalaatan.

JISAYA 56:7

“Ibiton Takamin ra Sion, bulur Kuno ondo' matulai, am bansukon Ku baloi sambayangan Kuno. Taak-taak simbalui ondo' pataakon min ra altar Kuno apuon Ku. Baloi Kuno sabiton ra baloi pakiasian ru nansalinut bansa'.”

JISAYA 58:9

Bulintok ra akau makiasi', iowon Ku. Bulintok ra akau mampiau, tumaam Aku. Pai' boo pangimpai ra akau ngai', langgai' noyo pantutulaan am manimbaal ra ragu.

JISAYA 6:5

Indagu aku boo, “Aibui boo raki'! Kolondo' boo kalansanan kuno, sabap moonong raguon kuno makatula, am nakalatok aku ra ulun koson niayuk raginio. Kabalu' pana raginio, mato am ulu kutu galama' nakakito ra Raja', Tuhan Ondo' Maayo Kaga' Kuasa'!”

JISAYA 65:24

Ra kalo poyo mopongo ilo makiasi', iniou Ku noyo pakiasian nilono.

DANIL 10:12

Kono poyo, “Okou Danil, pai' kalaa'. Norongog noyo ri Aki Kapuuno' pakiasian muno intor ra orou kasaa' muno namatas koson minggana' inan koson mokoowot ra pangaratian. Minatong aku koson ra taam ru pakiasian muno.

DANIL 10:2

Bulintok raginio tatanga' aku mangulir buoi talu ngaminggu'.

DANIL 11:45

Raja' ru Siria mambaal ra kim ru raja' ondo' maayo giu' ra lolot ru raat am gunung intok ru Baloi ru Tuhan. Kaa' raja' ru Siria matoi, am kolondo' sangulun pana mangindangan riso.”

DANIL 9:16

Sinaung Mu akai ragili. Ginio ra pai' noyo boo sangit ra Jirusalim. Bandar ti bandar Muno, bulur Muno ondo' matulai. Ngaangai' ulun intor ra pagun-pagun paginggaar nagasab ra Jirusalim am ulun Muno, sabap ra tula mai am kalaatan ondo' binaal ru kinamatuaan mai.

JAKARIA 8:3

Sumaguli' Aku ra Jirusalim, bandar Kuno ondo' matulai am lumayun ra giu' no. Jirusalim mauligan ra bandar ondo' gumagaya', am bulur ru Tuhan Ondo' Maayo Kaga' Kuasa' am sabiton ra bulur matulai.

RINALATAN 4:31

Kopongo ilo makiasi', intok tinimungan nilai nauyog. Kinuasa' ilo ngaangai' ru Ambiluo ri Aki Kapuuno', am tumalimpuun ilo mampabala' ra tanou intor ri Aki Kapuuno' ra kalo malaa'.

ROMA 3:23

Ngaangai' ulun makatula noyo am maalur intor ri Aki Kapuuno' ondo' mamayag risilo.

JAKUBUS 3:2

Itakau ngai' kalo noyo makapagiru' intor ra mansalinut kasalaan. Kaa' ulun ondo' kalo igondo' pakasala sabap ra kinibit ru raguon nano, io sangulun matanda' am makapagalung io ra ngaangai' sauk ru kaayagan nano.

PINAINTALANG 21:10

Ambiluo ri Aki Kapuuno' nanguasa' raki' am inibit aku ru malaikat no tumampak ra rondo' gunung masawat kaga'. Nanulu' io raki' ra bandar Jirusalim, Bandar Matulai no. Bandar no tumuun intor ra suruga', intor ri Aki Kapuuno'.

PINAINTALANG 21:2

Kakito ku niayuk Bandar Matulai no, ioginio bandar Jirusalim bagu, tumuun intor ra suruga' intor ri Aki Kapuuno'. Bandar no pinatampos noyo koson ra ruandu' uoton nakatampos noyo mongoi uma' ra ralaki nano.