DANIL 9:18 - Tanou Moonsoi Timugon

¹⁸ Rongogo' akai no, iou Aki Kapuuno'; tantangi' akai no, am ilai' kapaganan mai. Ilai' kaimbalaan ru bandar ondo' sabiton ra inggalan Muno. Makiasi' akai Rirun sabap ra maayo guang Muno makaasi' am sala' ka sabap ra binaal moonsoi mai.

DANIL 9:18 ပူးပေါင်းရင်းမြစ်များ

1 RAJA'-RAJA' 8:29

Sindungi' noyo Baloi ti orou am rondom, intok ondo' pinili' Muno koson ra intok sambayangan Rirun. Rongogo' noyo aku paat ra aku tumingkuang ra intok ti am makiasi' Rirun.

2 RAJA'-RAJA' 19:16

Tuhan, raino ilai' noyo baal ondo' nasauk ramon. Rongogo' noyo ngaangai' pagasaban ondo' rinagu ru Raja' Sanirib Rirun, iou i Aki Kapuuno' ondo' maayag.

MAZMUR 116:1

Tumogom aku ra Tuhan, sabap ra mangkirongog Io ra piau kuno; mangkirongog Io ra kitaakon kuno.

MAZMUR 25:6

Iou Tuhan, karaa' noyo kaansayan am togom Muno, ondo' nanuluan Muli intor ra galing i.

KAINGKUALAN 3:7

Indagu boo Tuhan, “Nakito Ku noyo kaimbalaan ru bansa' Kuno giu' ra Misir. Naining Ku noyo ilo naguros makilabus intor ra ulun-ulun nangulipon no. Sotopot no nakatutun Aku noyo ra ngaangai' kaimbalaan nilo.

JISAYA 37:17

Ragino ilai' nga ondo' nasauk ramon ti. Rongogo' noyo nansalinut pagasaban ondo' pinaragu ru Raja' Sanirib no Rirun, iou Aki Kapuuno' ondo' maayag.

JISAYA 43:7

Ilo noyo ulun Kuno, binangun Ku ilo koson mampatulai Raki'.”

JISAYA 64:12

Iou Tuhan, kalo kia nangimuag Kou ra kasaukan koson raginio? Mongkoror Kou ayuk kia? Polosoon Mu kia akai maimbolo' kaga'?

JISAYA 64:6

Akai ngaangai' makatula, baalon mai ra moonsoi no pana majamol kaga'. Sabap ra tula mai, akai mapuso ra tana' ti koson ra saap masiob ru angin.

JIRIMIA 14:7

Mompogolok ulun Kuno Raki', ‘Kabalu' pana tula mai mononsol ramon, iou Tuhan, indangano' akai sumugut ra bantu' Muno. Ruruli' akai no nangiruan Rirun; makatula akai Rirun.

JIRIMIA 14:9

Kua kia koson Okou ra ulun naubong, koson ra ulun tutumula' ondo' kalo makatanggang mangindangan? Maaru' maya' Kou ramon, iou Tuhan! Akai ulun Muno, pai' pangiruan ramon!’ ”

JIRIMIA 15:16

Minindagu Kou raki', am norongog ku moonong ragu Muno. Aku longgom Muno, iou Tuhan i Aki Kapuuno' Ondo' Maayo Kaga' Kuasa'; ginio ra ragu Muno nangani' ra kaansukan am kaansayan raki'.

JIRIMIA 25:29

Talimpuunin Ku mamuso no giu' ra bandar Kuno galama'. Indoson nilo kia ra kalo ukumin ilo? Maaru' ukumin ilo sabap ra porotongon Ku pangayawan ra ngaangai' bansa' ra titikop ru tana' ti. Aku, Tuhan Ondo' Maayo Kaga' Kuasa' nakaindagu noyo.

JIRIMIA 36:7

Maaru' lair makiasi' ilo ra Tuhan am timinalikur intor ra kalaatan nilo, sabap ra nompololob Tuhan risilo ra sangit am lasu' ru guang Nano.”

JIRIMIA 37:20

Raino, kasaga' no rumongog raki' am mangiou ra kitaakon kuno. Pai' aku no boo pasubolo' ra baloi ri Jonatan, sabap ra matoi aku ra giu' no.”

YEHEZKIEL 36:22

“Ginio ra posoboyo' tanou intor Raki', Tuhan Raja' ra ulun ru Israil: Atan ondo' baalon Kuno sala' ka sabap no kaatangan min ulun ru Israil, kaa' sabap no kaatangan ru inggalan Kuno ondo' matulai, ondo' jinamol min giu' ra moonong pagun inangayan min.

YEHEZKIEL 36:32

Kaala' kano Israil, kalo binaal Ku ngaangai' no koson ra kaatangan min. Kaa' masaga' Aku ra akau mauyu' am asabin sabap ra binaal min. Aku Tuhan Raja' nakaindagu noyo.”

DANIL 9:7

Okou, iou Tuhan masalok mambaal ra motopot, liliwa' akai masalok manuyu' ramon galama'. Koon raginio niayuk ra ngaangai' ru bansa' mai ondo' minayan ra Jiuda, Jirusalim, am ngaangai' ulun ru Israil ondo' pinantutuliar Mu giu' ra pagun-pagun mamaar am maalur sabap ra kalo gumagaya' ilo Rirun.

UNTABAN 6:27

Indagu Tuhan, “Amon ru mindagu ilo ra inggalan Kuno koson ra barakat ra ulun ru Israil, barakaton Ku ulun ru Israil.”