DANIL 9:11 - Tanou Moonsoi Timugon

¹¹ Ngaangai' ulun ru Israil minanggal ra ukum Muno am marara' rumongog Rirun. Makatula akai noyo Rirun, ginio ra nangukum Kou ramon ra pagulasan ondo' tinulisan ralalom ru Ukum ri Musa, ulipon Muno.

DANIL 9:11 ပူးပေါင်းရင်းမြစ်များ

2 RAJA'-RAJA' 18:12

Samaria naratu' sabap ra ulun ru Israil kalo giminagaya' ra Tuhan, i Aki Kapuuno' nilo. Liminungkang ilo ra nabantuan ondo' binaal ru Tuhan risilo, am inanggal nilo ngaangai' ukum ondo' tinaakan ri Musa, ulipon ru Tuhan. Marara' ilo rumongog kapoam gumagaya'.

2 RAJA'-RAJA' 22:16

ragu ru Tuhan koon raginio, “Mangukum Aku ra Jirusalim am niayuk ngaangai' ru mamagun nano koson ra ondo' tinulisan ralalom ru kitab ondo' binasa' ru raja'.

JISAYA 1:3

Sapi' makaulig ra nomolonggom riso no, am kaladai pana makatanda' ra intok papaakanan riso ru nomolonggom riso no, kaa' ulun Kuno Israil kalo makatutun. Totopot kalo makarati' ilo.”

JISAYA 43:28

am imam-imam mino mapajamol ra intok ayanan Kuno. Ginio sabap ra namuso Aku ra Israil, Polosoon Ku ulun Kuno asabin.”

JIRIMIA 16:11

Balai' ilo ra koon raginio noyo ragu ru Tuhan, ‘Kinamatuaan min nangiruan Raki' am siminamba am nangandoi ayuk ra tuhan-tuhan ra bokon. Nangiruan ilo Raki' am marara' gumagaya' ra pangilaan Kuno.

JIRIMIA 2:29

Atan kia butokon min? Kua kia anggal kau Raki'?

JIRIMIA 30:14

Ngaangai' ambai min nakalilian noyo ramuyun; kalo boo mampalio ilo ramuyun. Koson ra pantula', mamulunsar Aku ramuyun, ukuman ondo' maagat nakalumpa' ramuyun sabap ra tula min masuang kaga' am kalaatan min najanjayan kaga'.

JIRIMIA 32:23

Kaa' paat ra ilo minatong ra pagun ti am minayan, kalo giminagaya' ilo ra susuban Muno, am kalo naayag siminugut ra pangilaan Muno. Kalo siminugut ilo ra rondo' pana intor ra susuban Muno. Ginio ra namparatong Kou ra ngaangai' karaat ti risilo.

JIRIMIA 40:3

Raino sinugut no ragu Nano. Ngaangai' no nasauk sabap ra bansa' muno makatula ra Tuhan am kalo giminagaya' Riso.

JIRIMIA 44:22

Saboi orou raiti' pagun min nalunsai am kolondo' osoi pana minayan ra giu' no. Baal nano makalalaa'. Inambai poyo ra pinakai ru ulun inggalan nano koson ra pagulasan. Ngaangai' baal raginio nasauk sabap ra Tuhan kalo boo mokoorot ra kinalaat am binaal makauyuyu' min.

JIRIMIA 44:23

Karaat ondo' nakalumpa' ramuyun ra raino ti matong sabap ra nampataak kau ra taak simbalui ra tuhan-tuhan ra bokon, am sabap ra tula min ra Tuhan am kalo giminagaya' ra susuban Nano.”

JIRIMIA 6:19

Rongog no, okou tana' ti! Ulun Kuno marara' mangapu ra pangilaan Kuno am kalo gumagaya' Raki'. Ginio ra porotongon Ku karaat risilo koson ra ukuman ra ngaangai' inatangan nilo.

DANIL 9:13

Nangukum Kou ramon siminugut ra ngaangai' ondo' natulisan ralalom ru Ukum ri Musa. Raino pana, iou Tuhan, i Aki Kapuuno' mai, kalo minirot akai koson mapabansuk ra guang Muno. Kalo timinalikur akai intor ra tula mai kapoam siminugut ra pangilaan Muno ondo' motopot.

DANIL 9:5

“Makatula akai noyo. Nambaal akai noyo ra kalaatan. Nambaal akai noyo ra kasalaan. Minanggal akai noyo ra susuban Muno, am siminiang intor ra aturan Muno.

JAKARIA 1:6

Pinabala' galing ra nabi-nabi, ulipon Kuno, nampasaboi Aku ra susuban am pampakaraan Kuno ra kinamatuaan min. Kaa' kalo nampalio ilo raginio saboi musiti' mansaan ra kinibit nano. Kopongo raginio timinalikur ilo intor ra tula am nangiou ra Aku, Tuhan Ondo' Maayo Kaga' Kuasa', nangukum noyo risilo nontopot ra kasalaan nilo am nontopot ra nangaruan Kuno.”

JAKARIA 7:12

Kinokotog nilo guang saboi kalo siminugut ra pangilaan ondo' tinaakan Kuno risilo ondo' pinabala' galing ra nabi-nabi ra galing i. Ginio ra siminangit Aku kaga' risilo.

JAKARIA 8:13

Akau mamagun ru Jiuda am Israil! Paat ragili, bulintok ru ulun bansa' ra bokon magulas ra rondo' am bokon, mindagu ilo, ‘Gama' ru karaat ondo' nakalumpa' ra Jiuda am Israil makalumpa' niayuk ramuyun!’ Kaa' bayagon Takamin, saboi ulun bansa' ra bokon no mindagu ra ilo po ngai', ‘Gama' ru barakat ondo' pinataak ra Jiuda am Israil pataakin niayuk ramuyun!’ Ginio ra kaikango' guang mino am pai' kalaa'!”

SAGULION 8:20

Amon kalo gumagaya' kau ra Tuhan, am pusoon kau koson ra bansa'-bansa' ondo' pinuso Nano paat akau jiminalai.”