DANIL 8:9 - Tanou Moonsoi Timugon

⁹ Rondo' intor ra apat sangau no pulali' nampatuu' rondo' sangau ondo' boborok, am kuasa' ru sangau boborok no liminangka' minongoi ra tampilon rabugus, sirangon am tampilon ra tana' ondo' moonsoi.

DANIL 8:9 ပူးပေါင်းရင်းမြစ်များ

MAZMUR 105:24

Sinauk ru Tuhan ulun Nano riminuang-ruang, saboi ilo maikang poyo ka pantula'.

MAZMUR 48:2

Matulai toojo Tuhan am omporon giu' ra bandar ri Aki Kapuuno' takau, ra tampak ru bulur Nano ondo' matulai.

JIRIMIA 3:19

Indagu Tuhan, “Israil, moogot Aku mangapu rirun koson ra anak Kuno, am mangani' rirun ra pagun ondo' makabansuk ra guang, pagun ondo' moonsoi kaga' ra titikop ru tana'. Moogot Aku rirun mampiau Raki' ‘Ama' kuno’, am kalo noyo boo tumalikur intor Raki'.

YEHEZKIEL 20:15

Ginio ra giu' ra tana' kaagisan no binantu' Ku kalo mangiou risilo mongoi ra tana' ondo' tinaakan Ku noyo risilo, tana' ondo' langkaya' am malabung am moonsoi kaga'.

YEHEZKIEL 20:6

Paat raginio noyo binantu' Ku magibit risilo mingkual intor ra Misir, am maningganai risilo mongoi ra tana' ondo' pinili' Ku noyo ra tayar nilo, tana' ondo' langkaya' am malabung am moonsoi kaga'.

DANIL 11:16

Pamakuan ru panguasa' ru Siria risilo maya' ra kasagaan ru guang ra kolondo' manggal. Mayan io ra tana' ondo' moonsoi am manguasa' ra ngaangai' no.

DANIL 11:21

Rayuso' ru malaikat no nambala', “Raja' ru Siria ondo' sumunu' no iono ulun ondo' malaat. Kalo maaya' masauk ra raja', kaa' matong io ra mamulali' am mampagaau ra kuasa' ra namparuung.

DANIL 7:8

Liliwa' ra aku magilong ra sangau-sangau no, nakito ku poyo rondo' sangau ondo' boborok siminalula' ra gino ngai' no. Sangau no nanginggi' ra talu sangau ondo' soroi ra giu' no. Sangau boborok no mokoondo' ra mato koson ra mato ru ulun, am kabang ondo' mindagu ra lumimbau.

JAKARIA 7:14

Koson ra bagiu' mapuor, kinuliagai Ku ilo saboi ilo minayan kalalaat giu' ra pagun ra bokon. Tana' ondo' malabung ti nasauk ra mapua', masiluk kaga', am kolondo' ulun minayan.”