DANIL 8:8 - Tanou Moonsoi Timugon

⁸ Kambing gawayan no giminaai limbau, kaa' pakasaboi kambing gawayan no ra rasawat toojo ru kakuasaan nano, sangau nano napandak. Koson ra palit nano, salula' poyo apat sangau ondo' nakaujak am manulu' ra intok ondo' nansasala'.

DANIL 8:8 ပူးပေါင်းရင်းမြစ်များ

2 TUNUNG RU BANSA' ISRAIL 26:16

Kopongo Raja' Ujia nasauk ra maikang, nasauk io ra malilimbau; limbau nano nangkinibit ra naratuan nano. Inanggal ru Raja' Ujia susuban ru Tuhan, i Aki Kapuuno' nano sabap ra sinolob no kaminyan giu' ra rasawat ru altar kaminyan giu' ra Baloi ru Tuhan.

ESTER 9:4

Giu' ra titikop ru pamarintaan no, nakapandai ulun ra i Mordikai sangulun ondo' makakuasa' ra istana, am ra kuasa' nano giminaai kaga'.

JIRIMIA 49:36

Mangkinibit Aku ra angin intor ra ngaangai' intok magangin ra Ilam, am pantutuliaron Ku mamagun nano saboi kolondo' rondo' pagun pana ondo' kalo rinatangan ru ulun nagigiru' intor ra Ilam.

JIRIMIA 5:27

Koson ilo ra ulun mamparakop ra susuit ondo' nanuang ra bulansat no ra susuit, sabap ra nanuang ilo ra baloi no ra kuliamos ondo' noowot ra namparuung. Koon raginio noyo nasauk ra ilo makakuasa' am liminangkaya',

YEHEZKIEL 16:7

Inalungan Tokou saboi kou nasukor koson ra tinanom ondo' malabung. Moonsoi tuu' muno am masawat, am nasauk ra ruandu' mamulok. Titi' muno moonsoi am abuk muno timinuu' noyo, kaa' okou lakat poyo nagibabaang.

YEHEZKIEL 28:9

Paat raginio, lakat kou kia poyo mindagu ra dewa kou? Paat ra okou muma' ra ulun mamatoi rirun, makito ra ulun kou ayuk ondo' mapandai matoi am sala' ka dewa.

DANIL 11:4

Kaa' paat ra rasawat ru kuasa' nano, pamarintaan nano maabak am matayar masauk apat. Raja'-raja' ondo' sala' ka papag nano malit riso koson ra raja', kaa' kalo maikang ilo koson riso.

DANIL 4:31

Kaa' kalo poyo nakai' raja' mindagu, korongog bolos mindagu intor ra limbowon, “Raja' Nibukadnijar, rongogo' ragu-ragu ragitio! Raino kakuasaan muno koson ra raja' alapon intor rirun.

DANIL 5:20

Kaa' sabap ra nasauk io ra malilimbau, bambalingatan am malaat, pinatuun io intor ra kurisi' nanturungan am natatakan ra katulayan nano.

DANIL 7:2

ondo' nakito ku paat ra rondom raginio: Nagangin ra mapuor intor ra ngaangai' intok am nampalamba' ra ralimbou ru raat.

DANIL 7:6

Tatanga' aku magilong, sanginan poyo bibiag siminalula'. Baal nano koson ra ampunguon, kaa' bakulung nano mokoondo' apat kawo koson ra kawo ru susuit. Bibiag no mokoondo' apat ulu, am ilain makakuasa'.

DANIL 8:22

Apat sangau ondo' minujak nalupus sangau ondo' kasaa' no napandak, arati' no pamarintaan ru Junani matayar ra apat pamarintaan ondo' kalo maikang koson ra pamarintaan ondo' kasaa' no.

DANIL 8:5

Tatanga' aku magilong, sanginan kambing gawayan nagisimbul intor ra kalasaan am nansail ra tana' ra maribok kaga' saboi kalayam nano kalo boo nokosonor ra tana'. Kambing gawayan no mokoondo' rondo' sangau ondo' minujak ra lolot ru ruo mato nano.

DANIL 8:7

Nakito ku kambing gawayan namulunsar ra domba gawayan ra masangit kaga' saboi nanangau ra karuo-ruo sangau ru domba gawayan no am pinandak no. Domba gawayan no kalo makagula' migampin ra inan, am karatu' boo ra tana' am kikinjangi'. Kolondo' osoi pana makapamayag riso.

MATIUS 24:31

Bujung maayo samputin kosongowon am manusub Io ra malaikat-malaikat Nano mongoi ra ngaangai' pamagunan ru tana' ti, am manimung ilo ra ulun pinili' intor ra titikop ru tana' ti.”

MARKUS 13:27

Anak ru Ulun manusub ra malaikat-malaikat mongoi ra ngaangai' pamagunan ru tana' am manimung ilo ra ngaangai' ulun pinili' ri Aki Kapuuno'.”

SAGULION 31:20

Magibit Aku risilo ra tana' ondo' langkaya' am malabung no koson ondo' binantu' Ku noyo ra kinamatuaan nilo. Giu' no makaalap ilo ra akanon ondo' pakuan nilo am matasu' kaayagan. Kaa' tumalikur ilo intor Raki' am sumamba ra tuhan-tuhan ra bokon. Mangimpai ilo Raki' am lumungkang ra nabantuan Kuno.

PINAINTALANG 7:1

Kopongo raginio, kakito ku apat malaikat minigor ra kaapat pisuk ra tana' ti. Ginuut nilo kaapat angin no koson kalo boo mansiob ra lantur, raat kapoam ra puun tataun.