DANIL 8:5 - Tanou Moonsoi Timugon

⁵ Tatanga' aku magilong, sanginan kambing gawayan nagisimbul intor ra kalasaan am nansail ra tana' ra maribok kaga' saboi kalayam nano kalo boo nokosonor ra tana'. Kambing gawayan no mokoondo' rondo' sangau ondo' minujak ra lolot ru ruo mato nano.

DANIL 8:5 ပူးပေါင်းရင်းမြစ်များ

DANIL 11:3

“Sangulun raja' ondo' maikang sumalula'. Mamarinta io ra rondo' pamarintaan ondo' maayo am mambaal ra kasagaan ru guang nano.

DANIL 2:32

Ulu nano binaal intor ra mas kopoyo; kubab am longon nano binaal intor ra pirok; awak am tabing nano intor ra tambaga';

DANIL 2:39

Mopongo pamarintaan muno mapupusan, sumalula' rondo' pamarintaan ondo' kalo maayo koson ra pamarintaan muno. Mopongo raginio sumalula' pamarintaan ra katalu, ondo' tatandu' no tambaga', ondo' mamarinta ra titikop ru tana'.

DANIL 7:6

Tatanga' aku magilong, sanginan poyo bibiag siminalula'. Baal nano koson ra ampunguon, kaa' bakulung nano mokoondo' apat kawo koson ra kawo ru susuit. Bibiag no mokoondo' apat ulu, am ilain makakuasa'.

DANIL 8:21

Kambing gawayan no tatandu' ru pamarintaan Junani, am sangau ondo' minujak nangkilolot ra ruo mato nano tatandu' ru raja' ondo' kasaa'.

DANIL 8:6

Kambing gawayan no minongoi ra domba gawayan ondo' nakito ku minigor giu' ra igig ru sungoi no, am pamulunsar ra domba gawayan no ra ngaangai' ru ikang nano.

DANIL 8:8

Kambing gawayan no giminaai limbau, kaa' pakasaboi kambing gawayan no ra rasawat toojo ru kakuasaan nano, sangau nano napandak. Koson ra palit nano, salula' poyo apat sangau ondo' nakaujak am manulu' ra intok ondo' nansasala'.