DANIL 8:4 - Tanou Moonsoi Timugon

⁴ Nakakito aku ra domba gawayan no nanangau ra tampilon kalasaan, ralayo am rabugus. Kolondo' bibiag ondo' makainga' riso, kapoam makapagiru intor ra kuasa' nano. Domba gawayan no mambaal maya' ra kasagaan ru guang am giminaai lumimbau.

DANIL 8:4 ပူးပေါင်းရင်းမြစ်များ

1 RAJA'-RAJA' 22:11

I Jidikia anak ri Kinaana, sangulun intor ra nabi no, nambaal ra kukula' sangau ru basi' am indagu ra Raja' Agab, “Koon raginio ragu ru Tuhan, ‘Sangau-sangau basi' ti noyo makapangala kou ra ulun ru Siria saboi maala ilo kalingon.’ ”

AYUP 10:7

Nakapandai Kou ra kolondo' sala kuno, am kolondo' osoi pana makapamayag raki' intor Rirun.

MAZMUR 44:5

Okou noyo Raja' kuno am i Aki Kapuuno' kuno; inanian Mu ulun Muno ra kamanangan.

MAZMUR 50:22

Rongogo' min, akau ondo' mampalilian Raki', amon ru kalo, pusoon Takamin; am kolondo' sangulun pana makapamayag ramuyun no.

MAZMUR 7:2

Iou Tuhan, i Aki Kapuuno' kuno, sumindung aku Rirun; bayago' am palabuso' aku no intor ra ngaangai' ulun ondo' mangasu raki' no.

YEHEZKIEL 34:21

Sangawon min am anjungon min domba ondo' marualan saboi maanjung ilo intor ra sampanon ru domba.

DANIL 11:16

Pamakuan ru panguasa' ru Siria risilo maya' ra kasagaan ru guang ra kolondo' manggal. Mayan io ra tana' ondo' moonsoi am manguasa' ra ngaangai' no.

DANIL 11:36

“Raja' ru Siria mambaal maya' ra kasagaan ru guang. Nabaya' ra kalimbawan, karaan ru raja' ra maayo io poyo intor ra dewa ru ati pana, am poyo makakuasa' poyo intor ri Aki Kapuuno' Ondo' Masawat Kaga'. Nambaal raja' no raginio saboi ra paat ri Aki Kapuuno' mangukum riso. Baalon ri Aki Kapuuno' totopot koson ra inatangan Nano.

DANIL 5:19

Nasauk io ra maayo kaga' saboi ulun intor ra ngaangai' bansa', bansa' boborok am ragu malaa' am monontol riso. Mamatoi io kapoam mompoloso ra sasangulun maayag sumugut ra kasagaan nano. Painsawaton kapoam paingganaan no osoi ayuk sumugut ra kasagaan nano.

DANIL 5:30

Paat rondom raginio niayuk Raja' Bilsyajar, raja' ru Babilonia pinatoi.

DANIL 7:5

Bibiag karuo no baal nano koson ra baawang am minigor ra rasawat ru kalayam ra bakulung nano. Bibiag no tatanga' mongokot ra talu bungul ru tiagang. Korongog boo bolos ondo' mindagu, “Akan no ra kual maya' ra suang ru kasagaan muno!”

DANIL 8:7

Nakito ku kambing gawayan namulunsar ra domba gawayan ra masangit kaga' saboi nanangau ra karuo-ruo sangau ru domba gawayan no am pinandak no. Domba gawayan no kalo makagula' migampin ra inan, am karatu' boo ra tana' am kikinjangi'. Kolondo' osoi pana makapamayag riso.

MIKA 5:8

Kalaan ru Israil pantula' nilo am mamuso risilo ngaangai'.

SAGULION 33:17

Mokoondo' i Jusup ra kaikangan ru sapi' gawayan, am sangau ru sapi' gawayan ru kataunan. Sangau nano papag ri Manasi ondo' riribu, am papag ri Ipraim ondo' kaaparan ribu. Ra ngaangai' ulun ti nanangau io ra bansa'-bansa', am napagiru' risilo saboi ra pompor ru tana' ti.”