DANIL 8:27 - Tanou Moonsoi Timugon

²⁷ Malawo aku am narualan buoi kukula' ngoorou. Kopongo raginio sukal aku am saguli' nambaal ra kandoi ondo' pinataak ru raja'. Magalabo aku mangkara' ra pinaintalang no am kalo makarati' raginio.

DANIL 8:27 ပူးပေါင်းရင်းမြစ်များ

DANIL 10:16

Malaikat ondo' baal nano koson ra ulun no pana nampatutui boo ra kalindu' nano am nangambong ra bibil kuno. Indagu aku riso, “Tuan, pinaintalang ti nampalawo kaga' raki', saboi kalo lumonggo'-longgo' aku monontol.

DANIL 10:8

Tinatang aku sangulun, am magilong ra pinaintalang ondo' makaimuag no. Kalo boo maikang aku, am bulos kuno mabula' kaga'.

DANIL 4:19

I Danil, ondo' niayuk ininggalanan ri Biltsajar, nakatigog kaga' koson sangkinolor saboi kalo nakaindagu. Kaa' indagu raja', “Okou Biltsajar, pai' pagalabo sabap ra inupi no am arati' no.” Taam i Biltsajar, “Okou raja' kuno, sotopot no malansan aku ra inupi no am niayuk arati' no intor ra pantula' muno, am sala' ka intor rirun.

DANIL 5:14

Nokorongog aku ra nokoowot kou ra kuasa' intor ra ambiluo ru dewa-dewa ondo' mapasau, am mokoondo' kou ra kapandayan, mapandai am niayuk mapintar.

DANIL 7:28

Ginio noyo tunung ru inupi no. Malaa' aku kaga' saboi bulos kuno mabula' am binulian ku ngaangai' baal raginio ralalom ru guang kuno.

DANIL 8:17

Mininggaar i Gabriil raki' am bigor ra sapapa' kuni. Malaa' aku kaga' saboi liminaub aku. Kon ri Gabriil raki', “Okou ulun mapandai matoi, aratio' noyo arati' nano. Pinaintalang no intor ra orou pupus no.”

DANIL 8:2

Ralalom ru pinaintalang no, pulali' ku nakaliman ra inan ku giu' ra wilayah Ilam, giu' ra Susan, pusor bandar Pirsia. Minigor aku mamaar ra Sungoi Ulai.

DANIL 8:7

Nakito ku kambing gawayan namulunsar ra domba gawayan ra masangit kaga' saboi nanangau ra karuo-ruo sangau ru domba gawayan no am pinandak no. Domba gawayan no kalo makagula' migampin ra inan, am karatu' boo ra tana' am kikinjangi'. Kolondo' osoi pana makapamayag riso.

ABAKUK 3:16

Norongog Ku ngaangai' no am monontol aku; bibil kuno monontol sabap ra malaa' aku. Inan kuno malawo kalo maikang, kalayam kuno nakasaru paat ra mugar. Maginaa aku ra guang mororo' paat raginio Okou mangukum ra ulun ondo' mamulunsar ritakau.

1 SAMUIL 3:15

Kopongo raginio luya' i Samuil ra intok nambalangan nano saboi ra iosusuab. Kopongo raginio sukal io am nangukab ra kulobon-kulobon ra baloi ru Tuhan. Malaa' io mambala' ri Ili intor ra napakitanan no,