DANIL 8:23 - Tanou Moonsoi Timugon

²³ Paat ra karatuan ru kaapat-apat pamarintaan no mamaar noyo saboi musiti' ukumin, am kalaatan ra giu' no liminanja', sumalula' boo sangulun raja' ondo' bambalingatan, malaat am mamparuung.

DANIL 8:23 ပူးပေါင်းရင်းမြစ်များ

KASAUKAN 15:16

Masuku' papag kaapat muno, sumaguli' ilo ragiti sabap kalo paugaron Ku ulun ru Amori ra ilo kalo poyo lumaat kaga' saboi ilo ukumin.”

AMSAL 1:6

Baal raginio maratian nilo ondo' nakasibuni arati' no ralalom ru amsal am aration nilo ragu-ragu ru ulun mapintar am niayuk sundait ondo' pasalulaan nilo.

YEHEZKIEL 38:16

am mamulunsar ra Israil, ulun Kuno, koson ra bagiu' mapuor am rasam maawas lumumpa' ra tana' ti. Paat raginio, manusub Aku rirun koson mamulunsar ra pagun Kuno. Ra binaal Kuno pinabala' galing rirun, makapandai boo bansa'-bansa' ra Aku ti matulai.

YEHEZKIEL 38:8

Kopongo kukula' ngambilor, Susubon Ku io mamulunsar ra Israil, pagun ondo' tinirong noyo saguli' kalupus nalunsai sabap ra pangayawan. Pagun no lair noyo nokoloso nasauk ra kolondo' tutuu' am masiluk, am saguli' boo ulun ru Israil intor ra pagun-pagun ra bokon ra kagunungan ru pagun nilo. Raino ilo ngaangai' naayag ra kaansayan.

DANIL 10:14

Raino matong aku koson mambaal rirun makarati' ra baal ondo' masauk ra bansa' muno. Pinaintalang no intor ra baal ru orou matong.”

DANIL 11:21

Rayuso' ru malaikat no nambala', “Raja' ru Siria ondo' sumunu' no iono ulun ondo' malaat. Kalo maaya' masauk ra raja', kaa' matong io ra mamulali' am mampagaau ra kuasa' ra namparuung.

DANIL 11:24

Mamulunsar io ra rondo' wilayah ondo' langkaya' am malabung ra kalo mangani' ra pampakaraan am mambaal ra baal-baal ondo' kalo igondo' binaal ru kinamatuaan nano. Ra maamaya'-maamaya' nano boo tayarin no ra kuliamos ginaau am kalangkayaan ondo' noowot no ralalom ru pangayawan. Nambaal io ra inatangan koson mamulunsar ra bandar-bandar ondo' mokoondo' ra kubu, kaa' mataki' maampus jam no.

DANIL 7:11

Liliwa' ra aku magilong, lakat aku poyo mokorongog ra bolos ru sangau boborok no mindagu ra lumimbau. Tatanga' ra aku magilong, bibiag kaapat no pinatoi, am baangkai nano pinatiran ra ralalom ru apui saboi napuso.

DANIL 7:20

Masaga' aku makapandai intor ra mopor sangau ra ulu nano, am intor ra sangau boborok ondo' minujak ra pupus, ondo' nangkinibit ra nabubul talu sangau ra bokon. Sangau boborok no mokoondo' ra mato am kabang ondo' mindagu ra lumimbau. Sangau boborok no makalalaa' poyo intor ra sangau-sangau ra bokon.

DANIL 7:25

Manggal io ri Aki Kapuuno' Ondo' Masawat Kaga' am mangimbolo' ra ulun ri Aki Kapuuno'. Mangkinam io mangulau ra ukum am pangiantakan ru ugama nilo am ulun ri Aki Kapuuno' kuasaan no buoi talu ngambilor am maintanga'.

DANIL 7:8

Liliwa' ra aku magilong ra sangau-sangau no, nakito ku poyo rondo' sangau ondo' boborok siminalula' ra gino ngai' no. Sangau no nanginggi' ra talu sangau ondo' soroi ra giu' no. Sangau boborok no mokoondo' ra mato koson ra mato ru ulun, am kabang ondo' mindagu ra lumimbau.

DANIL 8:22

Apat sangau ondo' minujak nalupus sangau ondo' kasaa' no napandak, arati' no pamarintaan ru Junani matayar ra apat pamarintaan ondo' kalo maikang koson ra pamarintaan ondo' kasaa' no.

DANIL 8:24

Masauk io ra maikang kaga', kaa' sala' ka sabap no ra kuasa' nano galama'. Mangkinibit io ra kapusaan ondo' makalalaa', am makasugut ralalom ru pirot baalon nano. Mamuso io ra ulun ondo' maikang kaga', am ulun ri Aki Kapuuno' niayuk.

DANIL 8:25

Sabap ra ruung nano, makasugut io ralalom ru pamparuungan nano. Lumimbau io ra inan nano, am mamuso ra masuang ulun ra kalo mangani' ra pampakaraan. Io no poyo ondo' baani manggal ra Raja' Ondo' Maayo Kaga'. Kaa' pusoon io ra sala' ka ra kuasa' ru ulun.

UNTABAN 24:24

Matong ulun-ulun mapajunjung no intor ra Siprus am napagaau ra Asyur am Gibir. Kaa' pupus no ilo pana mapuso ra sabuoi-buoi no.”

MATIUS 23:32

Baalo' am pongoono' min atan ondo' kinamatuaan mini nanalimpuun pambaal.

SAGULION 28:50

Malaat ilo am kalo makaasi' ra osoi pana, iou ra ulun matutuo am ra lalaing-lalaing.

1 TISALONIKA 2:16

Am mulu' poyo ilo mongompong ramon mambala' ra bansa' ondo' sala' ka Jaudi ra tanou ondo' mampakaayag risilo. Koson boo raginio gumaai poyo tula nilai saboi maukop suang no am raino matiu' ilo boo ra sangit am ukum ri Aki Kapuuno'.

1 TIMOTIUS 4:1

Mindagu Ambiluo ri Aki Kapuuno' ra totopot paat orou ra tauli, mokoondo' ulun tumalikur intor ra pangintapatan ri Jisus Kristus; sumugut ilo ra ambiluo ondo' mampakalayau am maya' ra pangilaan ru riwato.

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.