DANIL 8:22 - Tanou Moonsoi Timugon

²² Apat sangau ondo' minujak nalupus sangau ondo' kasaa' no napandak, arati' no pamarintaan ru Junani matayar ra apat pamarintaan ondo' kalo maikang koson ra pamarintaan ondo' kasaa' no.

DANIL 8:22 ပူးပေါင်းရင်းမြစ်များ

DANIL 11:4

Kaa' paat ra rasawat ru kuasa' nano, pamarintaan nano maabak am matayar masauk apat. Raja'-raja' ondo' sala' ka papag nano malit riso koson ra raja', kaa' kalo maikang ilo koson riso.

DANIL 7:6

Tatanga' aku magilong, sanginan poyo bibiag siminalula'. Baal nano koson ra ampunguon, kaa' bakulung nano mokoondo' apat kawo koson ra kawo ru susuit. Bibiag no mokoondo' apat ulu, am ilain makakuasa'.

DANIL 7:7

Tatanga' aku magilong, bibiag kaapat poyo siminalula'. Bibiag no maikang kaga', masangit am makalalaa'. Ripon basi' nano ondo' maayo, bibiag no manutuk ra ondo' akanon nano, am kikinjangin no. Nansuai ra bibiag-bibiag ra kalo poyo ginio, bibiag no mokoondo' mopor sangau.

DANIL 8:21

Kambing gawayan no tatandu' ru pamarintaan Junani, am sangau ondo' minujak nangkilolot ra ruo mato nano tatandu' ru raja' ondo' kasaa'.

DANIL 8:23

Paat ra karatuan ru kaapat-apat pamarintaan no mamaar noyo saboi musiti' ukumin, am kalaatan ra giu' no liminanja', sumalula' boo sangulun raja' ondo' bambalingatan, malaat am mamparuung.

DANIL 8:3

Giu' ra igig ru sungoi no nakakito aku ra sanginan domba gawayan ondo' mokoondo' ruo sangau ondo' maawar: ondo' rondo' maawar poyo am baguon poyo intor ra bokon.

DANIL 8:8

Kambing gawayan no giminaai limbau, kaa' pakasaboi kambing gawayan no ra rasawat toojo ru kakuasaan nano, sangau nano napandak. Koson ra palit nano, salula' poyo apat sangau ondo' nakaujak am manulu' ra intok ondo' nansasala'.

JAKARIA 6:1

Nakakito Aku ra pinaintalang ra bokon. Raino ti nakakito aku ra apat kurita' kuda miningkual intor ra ruo gunung gangsa'.