DANIL 8:13 - Tanou Moonsoi Timugon

¹³ Kopongo raginio nokorongog aku rondo' malaikat nangkuot ra malaikat ra bokon, “Kula' kia buoi ru baal ondo' nakito ralalom pinaintalang no mugar? Kula' kia buoi ru tula maayo malit ra taak simbalui orou-orou no? Kula' kia buoi ru saujor-saujor ru suruga' am Baloi ru Tuhan kikinjangin?”

DANIL 8:13 ပူးပေါင်းရင်းမြစ်များ

MAZMUR 74:10

Saboi sanggilan, iou Aki Kapuuno', pantula' maino magasab Rirun? Sabuoi-buoi no kia ilo magasab Rirun?

MAZMUR 74:9

Nabi-nabi am baal-baal makaimuag kalo boo makito, am kolondo' sangulun pana makapandai sanggilan pupus ru babaal ragitio.

MAZMUR 79:5

Iou Tuhan, kula' buoi Muno sumangit ramon? Sangit Muno sumolob kia koson ra apui?

JISAYA 28:18

Nabantuan mino ra kapatayan am nangiawan mino ra pagun ru ulun minatoi linugut sagulio'. Kalaan kau bulintok karaat lumumpa' ramuyun.

JISAYA 6:11

Mangkuot aku, “Kula' buoi ru kasaukan koson ragitio, iou Tuhan?” Taam Io, “Saboi bandar-bandar mapuut, magagai am kolondo' namagun, baloi-baloi kalo boo ayanin, tana' naliung-liung am niayuk mapua'.

JISAYA 63:18

Akai ulun Muno ra mapasau ininggalaran ru pantula' mai sangkinolor. Manginjang-nginjang ilo ra Baloi Muno,

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

JIRIMIA 12:10

Masuang panguasa' ra bansa' bokon nampapaluyak ra umo ru anggur Kuno; pinanjak-panjak nilo umo Kuno. Kinulau nilo pagun Kutu ondo' moonsoi nasauk ra tana' kaagisan.

DANIL 11:31

Kukula' ngaulun saujor ru raja' mampajamol ra Baloi ru Tuhan. Langgain nilo taak simbalui orou-orou, am manirong ra ‘Karaat Ondo' Moporos’ no.

DANIL 12:11

“Intor poyo ra taak simbalui orou-orou no linanggaan, iono intor ra ‘Karaat Ondo' Moporos’ no, 1,290 ngoorou mansail.

DANIL 12:8

Nokorongog aku ra ragu-ragu nano, kaa' kalo maratian ku. Ginio ra nangkuot aku, “Tuan, kaa' ati kulaan boo ra pupus nano ra tauli no?”

DANIL 4:10

“Tatanga' ra aku nombolong, nakakito aku rondo' puun tataun ondo' makalu giu' ra tatanga' ru tana' ti.

DANIL 4:13

“Tatanga' ra aku mangkara' ra pinaintalang no, nakito ku rondo' malaikat timinuun intor ra suruga'. Nakatampos am pagilalain ru malaikat no.

DANIL 4:23

Tatanga' ra okou magilong, rondo' malaikat tumuun intor ra suruga' am mindagu, ‘Tagaro' puun tataun no am pusoo', kaa' polosoon tuor nano ra tana'. Bongkoso' tuor no ra rantai basi' am tambaga', am patatango' tuor no mabaya' ra sakot giu' ra padang. Polosoo' ulun no matiu' ru bolobou, am polosoo' io mayan ra giu' masimpung ra bibiag buoi tulu' ngambilor.’

DANIL 7:16

Inggaar aku ra sangulun intor ra ondo' minigor ra giu' no am nakiarati' riso ra pinaintalang no. Io pana nambala' ra arati' nano.

DANIL 7:23

Gitio noyo arati' ondo' pinataak raki': “Bibiag kaapat no iono pamarintaan kaapat ondo' sumalula' ra tana' ti am nansala' ra pamarintaan ra bokon. Pamarintaan no manutuk ra titikop ru tana' am niayuk kikinjangin no.

DANIL 9:27

Mambaal raja' no ra nabantuan ondo' mapiot ra masuang ulun buoi tulu' ngambilor. Malintanga' paat no, langgain ru raja' ngaangai' taak simbalui am pataakon. Rondo' ondo' sabiton ra ‘Karaat Ondo' Moporos’ pabantaan boo giu' ra Baloi ru Tuhan, am magulayun ra giu' no saboi ra ulun ondo' napabanta' no makatuum ra kapusaan ondo' inaru' noyo ri Aki Kapuuno' riso.”

JAKARIA 1:19

Nangkuot aku ra malaikat ondo' minindagu raki', “Atan kia arati' ru sangau-sangau no?” Timinaam io, “Sangau-sangau no tatandu' ru kuasa' pamarintaan ru tana' ti ondo' nampatutuliar ra mamagun ru Jiuda, Israil am Jirusalim.”

JAKARIA 14:5

Magiru' kau mansail ra limayak ondo' nampalapak ra bulur no. Magiru' kau koson ra kinamatuaan min ragili paat nasauk tana' mogonggon bulintok ra pamarintaan ri Ujia, raja' ru Jiuda. Tuhan, i Aki Kapuuno' kuno matong mababaya' ra ngaangai' malaikat Nano.

MATIUS 11:27

“Pinataakan ri Ama' ngaangai' Raki'. I Ama' ayuk sangulun nakaulig ra Anak, am Anak ayuk sangulun makaulig ra Ama' am poyo ulun ondo' kasagaan ru Anak ayuk makaulig ri Ama'.

MATIUS 24:15

“Makakito kau ra Karaat Makalalaa', ondo' rinagu ri nabi Danil, migor ra Baloi Tuhan. (Pangkaraan ra mambabasa': Aratio' min atan pambalaan ragitio!)

MARKUS 13:14

Tungguli' poyo ri Jisus ragu Nali, “Makakito kau ra ‘Sauk Malaat’ migor ra intok panginggalaran no. (Ngaangai' mambabasa' pakarati' kano ragitio!) Paat raginio, ulun ondo' soroi ra Judia musiti' magiru' ra kabuluran.

LUKAS 10:22

Pinataakan ri Ama' ngaangai' Raki'. I Ama' ayuk rondo' makaulig ra Anak am Anak ayuk rondo' makaulig ra Ama'. Am osoi ayuk kasagaan ru Anak no mambala' am mampaulig ra Ama' Nano.”

LUKAS 21:20

“Amon ru makito min bandar Jirusalim limpuin ru saujor, matutunan min boo ra lunsayon io ra maagu no.

LUKAS 21:24

Mokoondo' ulun potoyon ra ilang, am mokoondo' poyo ibiton am uliponon ra ati ayuk pagun ra bokon; am bandar Jirusalim kikinjangin ru bansa' ondo' kalo makaulig ri Aki Kapuuno' saboi paat ra inaru' no risilo maukop.”

JUANIS 1:18

Kolondo' sangulun pana nakakito ri Aki Kapuuno'. Kaa' Anak Langkuir ri Ama' ayuk, ondo' mogondo' Riso am rondo' guang Riso, Io nampaintalang ri Aki Kapuuno'.

SAGULION 33:2

Minatong Tuhan intor ra Gunung Sinai; Siminila' io koson ra mato ru orou giu' ra rasawat ru Idom, am intor ra Gunung Paran simininda Io ra ulun Nano. Riribu malaikat mabaya' Riso; ra kalindu' pamiris Nano mokoondo' ra apui ondo' bibilak.

1 TISALONIKA 3:13

Maa' raginio mampaikang Io ramuyun, saboi guang mino mapasau am kolondo' sala ra pagilangan ri Aki Kapuuno', Ama' takau, paat ra ratangan ru Tuhan takau, i Jisus, mabaya' ra ngaangai' ulun Nano.

IBRANI 10:29

Mumpara' boo bagat paukumin ra ulun ondo' magasab ra Anak ri Aki Kapuuno' am mangkara' ra kolondo' noyo onong ru raraa' nabantuan ri Aki Kapuuno' ondo' mangampun ra tula nano, am magasab poyo ra Ambiluo ri Aki Kapuuno' ondo' mangasi' riso.

1 PITRUS 1:12

Pinaintalang noyo ra nabi-nabi ra atan ondo' kinandoi nilai i, sala' ka kaatangan nilo galama' ayuk, kaa' sotopot no akau. Am ondo' pinabala' nilo ragili, mogondo' niayuk ra atan ondo' pinabala' toojo ramuyun ra raino ti ru ilo ondo' mampasaboi ra Tanou Moonsoi intor ri Jisus Kristus. Kandoi nilo ragitio mansail ra kuasa' ru Ambiluo ri Aki Kapuuno' ondo' inataran intor ra suruga'. Am malaikat-malaikat pana mompogogot niayuk toojo mintutun ra baal-baal ragitio.

JUDAS 1:14

I Ginok, papag ri Adam ra katulu', ondo' ra galing i noyo nanala' raginio intor risilo, kono, “Ilai' noyo, makito Tuhan matong mabaya' ra kukula' ngaribu malaikat Nano.

PINAINTALANG 11:2

Kaa' pai' tukuo' liliut ru Baloi Tuhan no, sabap ra tayar raginio tinaakan noyo ra ulun-ulun sala' ka Jaudi. Kikinjangin nilo Bandar Mapasau no buoi apat ngoopor am ruo ngambulan.

PINAINTALANG 6:10

Giminolok ilo ra mapuor, “O Tuhan Maayo Kaga' Kuasa', mapasau am motopot! Kula' poyo buoi no bagu akimin Mu ulun ru tana' ti am mangukum risilo sabap ra namatoi ramon?”

TINGGANAI RU BANSA' 13:18

Pangkuot malaikat ru Tuhan no, “Kua masaga' kou makapandai ra inggalan kuno? Inggalan kuno inggalan ondo' makaimuag.”