DANIL 8:12 - Tanou Moonsoi Timugon

¹² Giu' no ulun mambaal ra tula am kalo boo mampataak ra taak simbalui orou-orou ondo' musiti' baalon. Baal ondo' motopot intor ri Aki Kapuuno' inimpayan. Sangau boborok no nakasugut ralalom ngaangai' pirot binaal nano.

DANIL 8:12 ပူးပေါင်းရင်းမြစ်များ

JIRIMIA 12:1

“Iou Tuhan, amon ru pabalaan ku baal kutu Rirun, maaru' matutunan toojo ra Okou noyo ondo' motopot. Kaa' musiti' aku mangkuot Rirun intor ra katimpakan. Kua kia ra ulun malaat langkaya'? Kua kia ra ulun ondo' kalo mabanis guang makabanang?

JISAYA 59:14

Ukum ra matimpok pinatiran, am katimpakan pinainggalur. Kabanisan ru guang kalo lioon ra intok nasuangan, kaansayan paingkiingon.

PINAINTALANG 13:7

Iowon io mantula' ra ulun ri Aki Kapuuno' am niayuk mangala risilo. Am inanian io ra kuasa' mamarinta ra ngaangai' papag, ragu, bansa' am pagun.

DANIL 11:28

Raja' ru Siria muli' mabaya' ra ngaangai' kuliamos tinakou nano. Namatas io koson mamuso ra ugama ru ulun ri Aki Kapuuno'. Mambaal io maya' ra kasagaan ru guang nano, am muli' ra pagun nano.

DANIL 8:4

Nakakito aku ra domba gawayan no nanangau ra tampilon kalasaan, ralayo am rabugus. Kolondo' bibiag ondo' makainga' riso, kapoam makapagiru intor ra kuasa' nano. Domba gawayan no mambaal maya' ra kasagaan ru guang am giminaai lumimbau.

MAZMUR 119:142

Katimpakan Muno mantilayun ra sabuoi-buoi no, am Ukum Muno motopot.

MAZMUR 119:43

Indangano' aku masalok mindagu ra motopot, sabap ra malansan aku ra namalantasan Muno.

AYUP 12:6

Ulun mantakou am ulun malaat maayag ra kolondo' mompololob, kabalu' pana kaikangan nilo galama' nasauk ra dewa nilo.

1 SAMUIL 23:9

Pokorongog i Daut ra malaat ginuang ru Raja' Saul koson mamulunsar riso, indagu io ra Imam Abiatar, “Ibito' efod no ragiti.”

MAZMUR 28:5

Kalo lioon nilo binaal ru Tuhan no, am niayuk ondo' sinauk Nano; ginio ra Tuhan no mangukum risilo am mamuso risilo ra sabuoi-buoi no.

DANIL 7:21

Tatanga' ra aku magilong, sangau boborok no nampapatoi ra ulun ri Aki Kapuuno' am nangala risilo.