DANIL 8:10 - Tanou Moonsoi Timugon

¹⁰ Sangau no nasauk ra maikang kaga' saboi nakabulunsar ra saujor-saujor ru suruga'. Kukula' ra gino ngai' saujor-saujor ru suruga' am bibiag-bibiag rinatuan no ra tana' ti, am kikinjangi' no.

DANIL 8:10 ပူးပေါင်းရင်းမြစ်များ

JISAYA 14:13

Gumogot kou magaloi ra limbowon am mapauli ra panturungan muno ra rasawat ru butitin-butitin ondo' masawat kaga'. Pangkaraan muno makaturung kou koson ra raja' ra rasawat ru gunung giu' ra ralayo, intok timungan ru dewa-dewa.

JIRIMIA 48:26

Indagu Tuhan, “Liminimbau Moab Raki', ginio ra gaukon io. Magiluluir Moab ra ralalom ru lua' nano galama', am kuritin boo ru ulun.

DANIL 11:28

Raja' ru Siria muli' mabaya' ra ngaangai' kuliamos tinakou nano. Namatas io koson mamuso ra ugama ru ulun ri Aki Kapuuno'. Mambaal io maya' ra kasagaan ru guang nano, am muli' ra pagun nano.

DANIL 11:30

Ulun ru Roma matong ra kapal-kapal ru raat am mamulunsar ra raja' ru Siria, am raja' pana malaa'. Raja' ru Siria pana muli' ra sumangit kaga', am mirot manutuk ra ugama ru ulun ri Aki Kapuuno'. Raja' ru Siria maya' ra bilin ru ulun ondo' nangiruan noyo ra ugama no.

DANIL 7:7

Tatanga' aku magilong, bibiag kaapat poyo siminalula'. Bibiag no maikang kaga', masangit am makalalaa'. Ripon basi' nano ondo' maayo, bibiag no manutuk ra ondo' akanon nano, am kikinjangin no. Nansuai ra bibiag-bibiag ra kalo poyo ginio, bibiag no mokoondo' mopor sangau.

DANIL 8:7

Nakito ku kambing gawayan namulunsar ra domba gawayan ra masangit kaga' saboi nanangau ra karuo-ruo sangau ru domba gawayan no am pinandak no. Domba gawayan no kalo makagula' migampin ra inan, am karatu' boo ra tana' am kikinjangi'. Kolondo' osoi pana makapamayag riso.

PINAINTALANG 12:4

Sampitalu ru butitin ra limbowon no angkuyuron ru iku' nano am papatiron no ra tana' ti. Tambuakal no minigor ra saang ru ruandu' ondo' matipaganak no koson maginaa monolon ra anak no ra io anakon.