DANIL 7:6 - Tanou Moonsoi Timugon

⁶ Tatanga' aku magilong, sanginan poyo bibiag siminalula'. Baal nano koson ra ampunguon, kaa' bakulung nano mokoondo' apat kawo koson ra kawo ru susuit. Bibiag no mokoondo' apat ulu, am ilain makakuasa'.

DANIL 7:6 ပူးပေါင်းရင်းမြစ်များ

YEHEZKIEL 17:3

maa' raginio makapandai ilo ra atan ondo' paraguon Kuno, Tuhan Raja' risilo: Mokoondo' sanginan susuit kanui maayo kaga' ondo' moonsoi bulu am mapila' kawo ondo' nabilar. Kanui no nansiab ra Kagunungan Libanon, am namandak ra untu ru sampuun tataun sidar,

DANIL 10:20

Kono poyo, “Nakapandai kou kia kua ratong aku rirun? Aku minatong koson mambala' ra suang ru Kitab Motopot rirun. Raino musiti' aku muli' am manggal ra malaikat manindung ru Pirsia. Mopongo raginio malaikat manindung ru Junani poyo sumalula', am kolondo' osoi pana mangindangan raki' ondo' ak am i Maikol, malaikat manindung ru Israil.

DANIL 2:39

Mopongo pamarintaan muno mapupusan, sumalula' rondo' pamarintaan ondo' kalo maayo koson ra pamarintaan muno. Mopongo raginio sumalula' pamarintaan ra katalu, ondo' tatandu' no tambaga', ondo' mamarinta ra titikop ru tana'.

DANIL 7:4

Kasaa' no baal nano koson ra singa', kaa' mokoondo' ra kawo koson ra kawo ru susuit kanui. Tatanga' aku magilong, kawo nano nautus intor riso. Bibiag no nakayang intor ra tana', am pinabigor ra kalayam nano koson ra ulun, am inanian ra utok ru ulun.

DANIL 7:5

Bibiag karuo no baal nano koson ra baawang am minigor ra rasawat ru kalayam ra bakulung nano. Bibiag no tatanga' mongokot ra talu bungul ru tiagang. Korongog boo bolos ondo' mindagu, “Akan no ra kual maya' ra suang ru kasagaan muno!”

GOSIA 13:7

Ginio ra bulunsaron Takamin koson ra singa'. Koson ra ampunguon mangkuliman Aku koson mamulunsar ramuyun giu' ra ralan.

PINAINTALANG 13:2

Bibiag masigo ondo' nakito kuno, baal nano koson ra rimau am kalayam nano koson ra kalayam ru baawang am kabang nano koson ra kabang ru singa'. Tambuakal ni nangani' ra ikang nano galama' ra bibiag masigo no am takhta nano am kuasa' ra maayo.