DANIL 7:5 - Tanou Moonsoi Timugon

⁵ Bibiag karuo no baal nano koson ra baawang am minigor ra rasawat ru kalayam ra bakulung nano. Bibiag no tatanga' mongokot ra talu bungul ru tiagang. Korongog boo bolos ondo' mindagu, “Akan no ra kual maya' ra suang ru kasagaan muno!”

DANIL 7:5 ပူးပေါင်းရင်းမြစ်များ

2 RAJA'-RAJA' 2:24

Likar i Ilisa, ponontong ra lalaing-lalaing no, am pagulas risilo ralalom inggalan ru Tuhan. Kopongo raginio ruo ngainan baawang ruandu' miningkual intor ra kataunan am bibinsango' inan ru apat ngoopor am ruo ngaulun intor ra lalaing-lalaing no.

AMSAL 17:12

Moonsoi poyo maguma' ra ina' ru baawang ondo' natatakan ra anak nano, ka maguma' ra ulun sasambungon ondo' masalok mambaal ra sambung nano.

JISAYA 56:9

Nanusub Tuhan ra bansa'-bansa' suai matong koson ra bibiag masigo ondo' mansaam ra ulun Nano.

DANIL 11:2

Ngaangai' ondo' raguon kuti motopot.” Kon ru malaikat no, “Talu ngaulun raja' poyo mamarinta ra Pirsia, sumunu' raja' kaapat ondo' langkaya' poyo intor ra ngaangai' no. Paat ra rasawat ru kuasa' am kalangkayaan nano, manggal io ra pamarintaan ru Junani.

DANIL 2:39

Mopongo pamarintaan muno mapupusan, sumalula' rondo' pamarintaan ondo' kalo maayo koson ra pamarintaan muno. Mopongo raginio sumalula' pamarintaan ra katalu, ondo' tatandu' no tambaga', ondo' mamarinta ra titikop ru tana'.

DANIL 5:28

Tayaron arati' no pamarintaan muno matatayar am pataakin ra ulun ru Midia am Pirsia.”

DANIL 7:4

Kasaa' no baal nano koson ra singa', kaa' mokoondo' ra kawo koson ra kawo ru susuit kanui. Tatanga' aku magilong, kawo nano nautus intor riso. Bibiag no nakayang intor ra tana', am pinabigor ra kalayam nano koson ra ulun, am inanian ra utok ru ulun.

DANIL 7:6

Tatanga' aku magilong, sanginan poyo bibiag siminalula'. Baal nano koson ra ampunguon, kaa' bakulung nano mokoondo' apat kawo koson ra kawo ru susuit. Bibiag no mokoondo' apat ulu, am ilain makakuasa'.

GOSIA 13:8

Bulunsaron Takamin koson ra baawang ondo' natatakan ra anak. Bibinsangon Takamin. Koson ra singa' saamon Takamin ra giu' no, am koson ra bibiag masigo bibinsangon Takamin.

PINAINTALANG 13:2

Bibiag masigo ondo' nakito kuno, baal nano koson ra rimau am kalayam nano koson ra kalayam ru baawang am kabang nano koson ra kabang ru singa'. Tambuakal ni nangani' ra ikang nano galama' ra bibiag masigo no am takhta nano am kuasa' ra maayo.