DANIL 7:27 - Tanou Moonsoi Timugon

²⁷ Kuasa' am kinaayo ru ngaangai' pamarintaan ra tana' ti pataakin ra ulun ri Aki Kapuuno' Ondo' Masawat Kaga'. Kuasa' nilo koson mamarinta kolondo' pupus, am ngaangai' panguasa' ra tana' ti mangandoi ayuk risilo am niayuk gumagaya' risilo.”

DANIL 7:27 ပူးပေါင်းရင်းမြစ်များ

MAZMUR 145:13

Pamarintaan Muno mantilayun, am Okou noyo raja' ra sabuoi-buoi no. Tuhan mampagagaya' ra ulun Nano am manugut ra bantu' Nano; makaasi' Io ra atan ayuk pana baalon Nano.

MAZMUR 22:27

Ulun balabag mangkan am maasug; ilo ondo' matong ra Tuhan mongompor Riso. Gama' lumangkaya' ilo ra sabubuoi no!

MAZMUR 72:11

Ngaangai' raja' migulatur samba ra saang nano, am ngaangai' bansa' sumauk ra ulipon nano.

MAZMUR 86:9

Ngaangai' ru bansa' ra inangun Muno rumatong, iou Tuhan, mongoi ilo samba Rirun am mongompor ra katulayan Muno.

JISAYA 14:2

Masuang bansa' mangindangan ra ulun ru Israil muli' ra tana' ondo' pinataak ru Tuhan risilo. Giu' no bansa'-bansa' masauk ra ulipon ru Israil. Ilo ondo' galing i nangala ra Israil, kalaan ilo boo ru Israil. Ulun ru Israil mamarinta ra bansa'-bansa' ondo' nakaili' nangimbolo' risilo.

JISAYA 54:3

Rumuang langka' muno mongoi ra pamiris am kait, namagun muno mayan ra tana' ru bansa'-bansa' am mayan ra bandar-bandar ondo' ragino ti masiluk kaga'.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

DANIL 4:34

Indagu raja', “Pakasail tulu' ngambilor no magilong aku ra limbowon. Pulali' ru pangkaraan kuno nakaliman saguli'. Nongompor aku ri Aki Kapuuno' Ondo' Masawat Kaga' liliwa' mangurumat am mampatulai Riso ondo' naayag ra sabuoi-buoi no. “Mamarinta i Aki Kapuuno' ra sabuoi-buoi no, pamarintaan Nano kolondo' pupus.

DANIL 6:26

Kopongo raginio nanulis Raja' Darius ra surat posoboyon ra ulun intor ra ngaangai' bansa', bansa' boborok am ragu ra tana' ti: “Kaansayan!

DANIL 7:14

Inanian io ra urumat am kuasa' koson ra raja', saboi ulun-ulun intor ra ngaangai' bansa', bansa' boborok am ragu mangandoi ayuk riso. Kuasa' nano mantilayun, am pamarintaan nano kolondo' pupus.

DANIL 7:18

Kaa' ulun ri Aki Kapuuno' Ondo' Masawat Kaga' mangapu ra kuasa' koson mamarinta ra sabubuoi no.”

DANIL 7:22

Ratong boo Io ondo' maayag ra sabuoi-buoi no am nangani' ra pamatasan ondo' manaung ra ulun ri Aki Kapuuno' Ondo' Masawat Kaga'. Nasaboi noyo orou ra ulun ri Aki Kapuuno' mangapu ra kuasa' koson mamarinta.

OBAJA 1:21

Ulun ru Jirusalim ondo' nakasugut mamulunsar ra Idom am kuasaan no ginio. Tuhan galama' mamarinta koson ra raja'.”

JAKARIA 14:9

Tuhan pana masauk boo ra raja' ru titikop ru tana' ti. Moonong ulun sumamba Riso koson ri Aki Kapuuno' am makaulig Riso ra nogondo' inggalan.

LUKAS 1:33

Mantilayun Io mamarinta ra papag ri Jakub am pamarintaan Nano kolondo' pupus.”

JUANIS 12:34

Taam ru ulun masuang Riso, “Sumugut ra Ukum ri Musa, Mamamayag ondo' sinusub ri Aki Kapuuno' i maayag ra mantilayun. Ati kulaan mindagu Kou ra Anak ru Ulun musiti' painsawaton intor ra tana' ti? Osoi Anak ru Ulun no?”

1 KORINTUS 15:24

Mopongo raginio, masauk pamupusan ru tana' ti. Paat raginio i Kristus mamuso ra ngaangai' ondo' maningganai, ondo' manguasa' am ondo' mamarinta ra tana' ti; am kuasa' Nano galama' koson ra raja' pataakon No ri Aki Kapuuno', Ama' takau.

PINAINTALANG 11:1

Anii' aku boo ra rondo' tataun tutuku' maawar am binalaan, “Ongoyo' noyo tukuo' tayar ru Baloi ri Aki Kapuuno' am altar no. Untobo' kula' suang ru ulun ondo' sumambayang ra giu' no.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”

PINAINTALANG 19:16

Sukub Nano am ra paa Nano tinulisan ra inggalan koson ragitio, “Raja' ru ngaangai' raja' am Tuhan ru ngaangai' tuan”.

PINAINTALANG 20:4

Kakito ku boo kurisi'-kurisi' turungan ru raja', am ulun-ulun ondo' nanturung inanian ra kuasa' mangukum. Nakito ku niayuk ambiluo ru ulun-ulun ondo' iningguluan sabap ra nangani' ilo ra kaintutunan intor i Jisus am nampatanou ra pambalaan ri Aki Kapuuno'. Ulun-ulun no kalo siminamba ra bibiag masigo kapoam sinungkalalaing no am kalo igondo' tinatanduan ra saap ru bibiag masigo no ra rabas am kalindu' nilono. Ilo naayag saguli' am namarinta ilo koson ra raja' mababaya' ri Kristus buoi saribu ngambilor.

PINAINTALANG 22:5

Kolondo' boo kalandaman ra giu' no. Pilasut am mato ru orou kalo boo makapakuan ilo, sabap ra i Aki Kapuuno', Tuhan galama', sumauk ra sinda nilo, am mamarinta ilo koson ra raja' ra sabuoi-buoi no.