DANIL 7:25 - Tanou Moonsoi Timugon

²⁵ Manggal io ri Aki Kapuuno' Ondo' Masawat Kaga' am mangimbolo' ra ulun ri Aki Kapuuno'. Mangkinam io mangulau ra ukum am pangiantakan ru ugama nilo am ulun ri Aki Kapuuno' kuasaan no buoi talu ngambilor am maintanga'.

DANIL 7:25 ပူးပေါင်းရင်းမြစ်များ

JISAYA 37:23

Osoi kia inulas am inasaban muno? Paliso muno lumimbau Raki', i Aki Kapuuno' ru Israil, i Aki Kapuuno' ondo' matulai.

DANIL 11:28

Raja' ru Siria muli' mabaya' ra ngaangai' kuliamos tinakou nano. Namatas io koson mamuso ra ugama ru ulun ri Aki Kapuuno'. Mambaal io maya' ra kasagaan ru guang nano, am muli' ra pagun nano.

DANIL 12:7

Kakato' ru malaikat no karuo-ruo kalindu' nano ra tampilon ru limbowon, am pagibot ra ralalom inggalan ri Aki Kapuuno' ondo' mantilayun. Nokorongog aku ra io mindagu, “Talu ngambilor am maintanga'! Mopongo pangimbalaan ra ulun ri Aki Kapuuno' pupusin, am kasaukan-kasaukan ondo' makaimuag no pana pupusin.”

DANIL 2:21

Io no manguasa' ra bulintok am jam; Io mampasauk am mopolonggo' ra raja'; Io no mangani' ra kapintaran am pangaratian.

DANIL 3:26

Inggaari' boo ru Raja' Nibukadnijar kulobon ru rapuan no am indagu, “Sadrak! Misak! Abidnigo! Ulipon-ulipon ri Aki Kapuuno' Ondo' Masawat Kaga', ingkual no!” Ilo pana miningkual ra mataki'.

DANIL 4:17

Ginio noyo kapatasan ru malaikat-malaikat ondo' mapintar am pagilalain. Ginio ra, ulun ra ati ayuk makapandai ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano, am poyo ra ulun ondo' totopot kalo maatang.’

DANIL 4:2

Rongogo' tanou kuti intor ra kaimuagan-kaimuagan ondo' pinabala' raki' ri Aki Kapuuno' Ondo' Masawat Kaga'!

DANIL 4:25

Pagiruon kou intor ra ulun manampagun, am mayan simpung ra bibiag masigo. Buoi tulu' ngambilor okou mangakan ra sakot koson ra sapi', mombolong giu' ra tana' malimparang saboi basaan ru bolobou. Makapandai kou boo ra i Aki Kapuuno' Ondo' Masawat Kaga' mokoondo' ra kuasa' ra ngaangai' pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano.

DANIL 4:32

Pagiruon kou intor ra ulun manampagun, am mayan giu' ra tatanga' ru bibiag masigo. Mangakan kou ra sakot koson ra sapi' buoi tulu' ngambilor. Makapandai kou boo ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano.”

DANIL 7:18

Kaa' ulun ri Aki Kapuuno' Ondo' Masawat Kaga' mangapu ra kuasa' koson mamarinta ra sabubuoi no.”

DANIL 7:20

Masaga' aku makapandai intor ra mopor sangau ra ulu nano, am intor ra sangau boborok ondo' minujak ra pupus, ondo' nangkinibit ra nabubul talu sangau ra bokon. Sangau boborok no mokoondo' ra mato am kabang ondo' mindagu ra lumimbau. Sangau boborok no makalalaa' poyo intor ra sangau-sangau ra bokon.

DANIL 7:8

Liliwa' ra aku magilong ra sangau-sangau no, nakito ku poyo rondo' sangau ondo' boborok siminalula' ra gino ngai' no. Sangau no nanginggi' ra talu sangau ondo' soroi ra giu' no. Sangau boborok no mokoondo' ra mato koson ra mato ru ulun, am kabang ondo' mindagu ra lumimbau.

DANIL 8:11

Sangau boborok no baani kaga' manggal ra Panglima ru saujor-saujor ru suruga', nopolonggo' ra taak simbalui orou-orou ondo' pataakon ra Panglima no, am nampajamol ra Baloi ru Tuhan.

DANIL 8:14

Nokorongog aku ra malaikat ra bokon tumaam, “Baal raginio masauk buoi 1,150 ngoorou, am buoi ru ginio taak simbalui ra susuab ti am taak simbalui ra mamai' ti kalo pataakon. Mopongo raginio Baloi ru Tuhan punaan.”

DANIL 8:9

Rondo' intor ra apat sangau no pulali' nampatuu' rondo' sangau ondo' boborok, am kuasa' ru sangau boborok no liminangka' minongoi ra tampilon rabugus, sirangon am tampilon ra tana' ondo' moonsoi.

DANIL 9:27

Mambaal raja' no ra nabantuan ondo' mapiot ra masuang ulun buoi tulu' ngambilor. Malintanga' paat no, langgain ru raja' ngaangai' taak simbalui am pataakon. Rondo' ondo' sabiton ra ‘Karaat Ondo' Moporos’ pabantaan boo giu' ra Baloi ru Tuhan, am magulayun ra giu' no saboi ra ulun ondo' napabanta' no makatuum ra kapusaan ondo' inaru' noyo ri Aki Kapuuno' riso.”

GOSIA 7:16

Marayus ilo maya' ra dewa ondo' kolondo' atan pana kuasa'. Koson ra busur ondo' nandikong, mailo ilo lansanin. Sabap ra tingganai-tingganai nilo mindagu ra malilimbau, potoyon ilo ra ilang, am ulun ru Misir makakurit risilo.”

2 TISALONIKA 2:3

Pai' min noyo polosoo' osoi ayuk mamparuung ramuyun ra atan ayuk pana sasaban. Sabap ra kalo poyo masuku' Orou ratangan ru Tuhan Jisus, maaru' gitio galing masauk: Masuang boo ulun tumula' ri Aki Kapuuno' am mintalang boo Ulun Malaat, io ondo' inaru' noyo pasubolon ra naraka.

2 TISALONIKA 2:4

Makimantula' am makiompor io ra ngaangai' ondo' rokoon tuhan kapoam atan ayuk ondo' sambaan ru ulun, saboi sumubol am manturung io ra Baloi Tuhan am migiangku ra io rokoon i Aki Kapuuno'.

2 TISALONIKA 2:8

bagu no Ulun Malaat ti mintalang. Kaa' paat ri Tuhan Jisus matong, potoyon No Ulun Malaat no ra sampuyon no ayuk am pusoon No io ra sinda ru ratangan Nano.

PINAINTALANG 12:14

Kaa' ruandu' no inanian ruo kawo ru kanui maayo, pansiab io boo mongoi ra intok inaru' i riso, giu' ra tana' kaagisan. Alungin io ra giu' no koson minggalur ra kalaatan ru tambuakal no buoi talu ngambilor maintanga'.

PINAINTALANG 12:6

Pagiru' ruandu' no ra tana' kaagisan, ioginio intok ondo' pinatampos noyo ri Aki Kapuuno' no riso. Giu' no alungin ruandu' no buoi 1,260 ngoorou.

PINAINTALANG 14:12

Ginio boo sabap ra ulun ri Aki Kapuuno' ondo' gumagaya' ra panusuban Nano am niayuk gumagaya' ri Jisus, musiti' ilo tumaan ra kaimbalaan.

PINAINTALANG 16:6

Nampasasar ilo noyo ra raraa' ru ulun ri Aki Kapuuno' am ra raraa' ru nabi-nabi; kaa' raino binaal Mu ilo manginum ra raraa' no. Matimpok ukum Muno risilo!”

PINAINTALANG 17:6

Kakito ku boo ruandu' no nagauk ra raraa' ru ulun ri Aki Kapuuno' am raraa' ru ulun ondo' pinatoi sabap ra giminagaya' ri Jisus. Paat nakito ku ruandu' no, nangimuag aku kakaga'.

PINAINTALANG 18:24

Bandar Babil no linunsai sabap ra mamagun no nampatoi ru nabi-nabi am ulun ri Aki Kapuuno' ra giu' no – ioginio nampatoi ilo ra ulun ra titikop ru tana' ti.