DANIL 7:20 - Tanou Moonsoi Timugon

²⁰ Masaga' aku makapandai intor ra mopor sangau ra ulu nano, am intor ra sangau boborok ondo' minujak ra pupus, ondo' nangkinibit ra nabubul talu sangau ra bokon. Sangau boborok no mokoondo' ra mato am kabang ondo' mindagu ra lumimbau. Sangau boborok no makalalaa' poyo intor ra sangau-sangau ra bokon.

DANIL 7:20 ပူးပေါင်းရင်းမြစ်များ

DANIL 7:11

Liliwa' ra aku magilong, lakat aku poyo mokorongog ra bolos ru sangau boborok no mindagu ra lumimbau. Tatanga' ra aku magilong, bibiag kaapat no pinatoi, am baangkai nano pinatiran ra ralalom ru apui saboi napuso.

DANIL 7:19

Aku pana masaga' boo makapandai intor ra bibiag ondo' kaapat no, ondo' kalo nogondo' ra bokon-bokon no; bibiag ondo' makalalaa' am manutuk ra ondo' akanon nano ra salindu tambaga' am ripon basi' nano, am kikinjangin no ondo' akanon nano.

DANIL 7:21

Tatanga' ra aku magilong, sangau boborok no nampapatoi ra ulun ri Aki Kapuuno' am nangala risilo.

DANIL 7:23

Gitio noyo arati' ondo' pinataak raki': “Bibiag kaapat no iono pamarintaan kaapat ondo' sumalula' ra tana' ti am nansala' ra pamarintaan ra bokon. Pamarintaan no manutuk ra titikop ru tana' am niayuk kikinjangin no.

DANIL 7:7

Tatanga' aku magilong, bibiag kaapat poyo siminalula'. Bibiag no maikang kaga', masangit am makalalaa'. Ripon basi' nano ondo' maayo, bibiag no manutuk ra ondo' akanon nano, am kikinjangin no. Nansuai ra bibiag-bibiag ra kalo poyo ginio, bibiag no mokoondo' mopor sangau.

DANIL 7:8

Liliwa' ra aku magilong ra sangau-sangau no, nakito ku poyo rondo' sangau ondo' boborok siminalula' ra gino ngai' no. Sangau no nanginggi' ra talu sangau ondo' soroi ra giu' no. Sangau boborok no mokoondo' ra mato koson ra mato ru ulun, am kabang ondo' mindagu ra lumimbau.

PINAINTALANG 12:3

Giu' boo ra limbowon no makito rondo' poyo tatandu' makaimuag. Mokoondo' sanginan tambuakal malia' ondo' maayo kaga', makaulu tulu' am makasangau mopor. Rorondo' ra ulu nano makakaraun.