DANIL 7:15 - Tanou Moonsoi Timugon

¹⁵ Pinaintalang no makalalaa' raki' am magalabo aku kaga'.

DANIL 7:15 ပူးပေါင်းရင်းမြစ်များ

KASAUKAN 41:8

Suabon raginio magalabo guang ru raja' no. Ginio ra piawo' no ngaangai' ulun mapandai kaga' ra sihir am makakapandayan mangilong ru pagun ru Misir no. Tunungo' no risilo inupi nano, kaa' kolondo' sangulun pana risilo makapambala' ra arati' ru inupi ru raja' no.

JIRIMIA 17:16

Kaa' iou Tuhan, kalo igondo' aku nampajajal Rirun koson mamparatong ra karaat risilo. Aku kalo niayuk nompogogot ra kapaganan lumampa' risilo. Nakapandai Kou ra baal raginio, iou Tuhan. Nakapandai Kou ra atan ondo' raguon kuno.

DANIL 10:16

Malaikat ondo' baal nano koson ra ulun no pana nampatutui boo ra kalindu' nano am nangambong ra bibil kuno. Indagu aku riso, “Tuan, pinaintalang ti nampalawo kaga' raki', saboi kalo lumonggo'-longgo' aku monontol.

DANIL 2:1

Paat ra bilor karuo pamarintaan nano, Raja' Nibukadnijar naginupi. Magalabo kaga' raja' intor ra inupi nano saboi kalo mokororot.

DANIL 2:3

indagu raja' risilo, “Naginupi aku, am magalabo aku sabap ra masaga' aku makapandai ra arati' ru inupi no.”

DANIL 4:19

I Danil, ondo' niayuk ininggalanan ri Biltsajar, nakatigog kaga' koson sangkinolor saboi kalo nakaindagu. Kaa' indagu raja', “Okou Biltsajar, pai' pagalabo sabap ra inupi no am arati' no.” Taam i Biltsajar, “Okou raja' kuno, sotopot no malansan aku ra inupi no am niayuk arati' no intor ra pantula' muno, am sala' ka intor rirun.

DANIL 4:5

Kaa' paat ra sangarawan ra aku tatanga' nombolong, naginupi aku am nakaalap ra pinaintalang ondo' makalalaa'.

DANIL 7:1

Paat ra sarandaman, ra bilor kasaa' ra pamarintaan ru Raja' Bilsyajar koson ra raja' ru Babilonia, naginupi aku am nakaalap rondo' pinaintalang. Tinulisan ku inupi no am gitio noyo

DANIL 7:28

Ginio noyo tunung ru inupi no. Malaa' aku kaga' saboi bulos kuno mabula' am binulian ku ngaangai' baal raginio ralalom ru guang kuno.

DANIL 8:2

Ralalom ru pinaintalang no, pulali' ku nakaliman ra inan ku giu' ra wilayah Ilam, giu' ra Susan, pusor bandar Pirsia. Minigor aku mamaar ra Sungoi Ulai.

DANIL 8:27

Malawo aku am narualan buoi kukula' ngoorou. Kopongo raginio sukal aku am saguli' nambaal ra kandoi ondo' pinataak ru raja'. Magalabo aku mangkara' ra pinaintalang no am kalo makarati' raginio.

ABAKUK 3:16

Norongog Ku ngaangai' no am monontol aku; bibil kuno monontol sabap ra malaa' aku. Inan kuno malawo kalo maikang, kalayam kuno nakasaru paat ra mugar. Maginaa aku ra guang mororo' paat raginio Okou mangukum ra ulun ondo' mamulunsar ritakau.

2 PITRUS 1:14

Sabap ra nakapandai aku ra kalo boo mabuoi am matoi aku no, sumugut ra atan ondo' pinabala' raki' ri Jisus Kristus, Tuhan takau.