DANIL 7:13 - Tanou Moonsoi Timugon

¹³ Ralalom ru pinaintalang raki' paat rondom raginio, nakito ku rondo' koson ra ulun. Minatong io linibungan ru gaun, am mininggaar Riso ondo' maayag ra mantilayun, am pinauma' Riso.

DANIL 7:13 ပူးပေါင်းရင်းမြစ်များ

MAZMUR 110:2

Intor ra Sion, kuasa' ru karajaan muno kalangkaan ru Tuhan. Mindagu Io, “Kuasaa' noyo pantula'-pantula' muno.”

MAZMUR 2:8

Kitaako' noyo, am ngaangai' bansa' pana pataakon Ku rirun, am titikop ru tana' ti saukon Ku ra longgom muno.

MAZMUR 47:5

Tambiliin No itakau ra intok ayanan, koson masauk ra longgom takau, ulun ra tagamin Nano.

JIRIMIA 49:19

Koson ra singa' miningkual intor ra kataunan gimbaan giu' ra kiing ru Sungoi Jordan am nagaloi ra padang ru sakot ondo' masansam, koon niayuk ra Aku matong am mangkinibit ra ulun ru Idom magiru' ra mamulali' intor ra pagun nilo. Kopongo raginio tingganai ondo' pilion Kuno mamarinta ra pagun no. Osoi kia ondo' mogondo' Raki'? Osoi kia baani gumula' Raki'? Panguasa' ra ati kia ondo' masaga' manggal Raki'?

YEHEZKIEL 1:26

Giu' ra tampak ru bakuran no poyo mokoondo' rondo' ondo' maimpal koson ra kurisi' turungan ondo' binaal intor ra batu nilam. Rondo' ondo' koson ra ulun manturung giu' ra rasawat ru kurisi' turungan no.

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

DANIL 7:12

Bibiag-bibiag ra bokon, binutus kuasa' no kaa' iniou maayag saboi ra orou ondo' inaru'.

DANIL 7:2

ondo' nakito ku paat ra rondom raginio: Nagangin ra mapuor intor ra ngaangai' intok am nampalamba' ra ralimbou ru raat.

DANIL 7:22

Ratong boo Io ondo' maayag ra sabuoi-buoi no am nangani' ra pamatasan ondo' manaung ra ulun ri Aki Kapuuno' Ondo' Masawat Kaga'. Nasaboi noyo orou ra ulun ri Aki Kapuuno' mangapu ra kuasa' koson mamarinta.

DANIL 7:9

Liliwa' ra aku magilong, kukula' kurisi' ru raja' pinaatang. Io ondo' maayag ra mantilayun nanturung giu' ra rasawat ru rondo' intor ra kurisi' ru raja' no. Bayang Nano mapulak koson ra salji, am abuk Nano mapulak koson bulu domba. Kurisi' ru raja' Nano mokoondo' ra luda' ondo' bibilak apui no,

DANIL 8:15

Tatanga' ra aku mirot koson mangarati' ra arati' ru pinaintalang no, pulusat ru sangulun minigor ra saang kuno.

MATIUS 13:41

Anak ru Ulun no manusub ra malaikat-malaikat Nano manimung intor ra Pamarintaan Nano ngaangai' ulun ondo' mangkinibit ra ulun makatula, am ngaangai' ulun ra bokon ondo' nambaal ra kalaatan.

MATIUS 24:30

Bagu no tatandu' ra Anak ru Ulun no makito ra limbowon am bagu no ulun ra tana' ti mantatangi', am makito nilo Anak ru Ulun matong ra gaun mabaya' ra ikang am katulayan Nano ra maayo.

MATIUS 25:31

“Paat ra Anak ru Ulun sumaguli' koson ra raja' mabaya' ra ngaangai' malaikat Nano, manturung Io ra takhta matulai Nano.

MATIUS 26:64

Taam i Jisus, “Rinagu mu noyo. Balain takamin: Intor raino makakito kau ra Anak ru Ulun no manturung ra pamiris ri Aki Kapuuno' Ondo' Maayo Kaga' Kuasa'. Makito min niayuk Io matong ralalom ru gaun giu' ra limbowon!”

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

MATIUS 8:20

Taam i Jisus, “Munin mokoondo' ra luang no galama' am susuit mokoondo' ra bunsut no galama', kaa' Anak ru Ulun kolondo' intok luyaan am tangusan.”

MARKUS 13:26

Paat raginio, makito Anak ru Ulun matong ralalom ru gaun mabaya' ra kuasa' am katulayan Nano.

LUKAS 21:27

Bagu no makito Anak ru Ulun matong ra gaun nabaya' ra kuasa' am katulayan maayo Nano.

LUKAS 21:36

Ilalai' am kasalok makiasi', maa' raginio makapantataan kau baal ragitio ra io masauk am paat ra akau paumaan ra Anak ru Ulun.”

LUKAS 24:27

Pambala' boo i Jisus risilo ra atan ondo' tinulisan intor Riso ralalom ru ngaangai' ru Buuk Kitab, tumalimpuun intor ra tayar ru kitab ri Musa am niayuk ngaangai' nabi.

JUANIS 12:34

Taam ru ulun masuang Riso, “Sumugut ra Ukum ri Musa, Mamamayag ondo' sinusub ri Aki Kapuuno' i maayag ra mantilayun. Ati kulaan mindagu Kou ra Anak ru Ulun musiti' painsawaton intor ra tana' ti? Osoi Anak ru Ulun no?”

JUANIS 3:13

Kolondo' sangulun pana nakaaloi ra suruga', suai Anak ru Ulun ayuk, ondo' timinuun intor ra suruga'.

JUANIS 5:27

Nangani' Io ra Anak ra kuasa' mangakim, sabap ra Io no Anak ru Ulun.

RINALATAN 7:56

Indagu io, “Ilai', nakito ku suruga' no naukab am Anak ru Ulun minigor ra tampilon pamiris ri Aki Kapuuno'!”

1 TISALONIKA 4:17

Itakau boo ondo' maayag ayuk poyo paat raginio kayangon maya' ra gaun mababaya' risilo, mongoi tuum ra Tuhan giu' ra limbowon. Itakau pana masimpung boo ra Tuhan ra sabuoi-buoi no

1 TIMOTIUS 6:16

Io no rorondo' ayuk mantilayun. Io maayag ra ralalom ru sinda ondo' kalo maalap kainggaari' ru ulun makatula. Kolondo' sangulun pana nakaili' nakakito Riso kapoam makakito Riso. Gama' ru urumaton am manguasa' Io ra sabuoi-buoi! Amin.

IBRANI 2:14

Sabap ra ilo ondo' sabiton ra pabukat, ioginio ulun, ilo mapandai matoi, ginio ra i Jisus pana nasauk ra ulun toojo mogondo' risilo. Binaal No ginio, maa' raginio mansail ra pinatayan Nano mamuso Io ra kuasa' ru Tingganai ru riwato ondo' makapampatoi ra ulun.

IBRANI 9:24

Ginio sabap ri Kristus kalo minumpos ra Intok Matulai binaal ru ulun ondo' tumilu ra Intok Matulai ra sotopot no. Kaa' minumpos Io ra suruga' am soroi Io ra giu' no raino koson makiindangan Io ri Aki Kapuuno' ritakau.

PINAINTALANG 1:13

Tatanga' no mokoondo' minigor koson ra ulun. Nambayang Io ra sukub maawar polos ra kalayam am kubab Nano inangkupan ra mas.

PINAINTALANG 1:18

Aku noyo kaayagan! Minatoi Aku noyo, kaa' ilai', maayag Aku ra mantilayun. Makakuasa' Aku ra kapatayan am intok ru ulun-ulun namagatoi.

PINAINTALANG 1:7

Ilai', matong Io intor ra limbowon! Ngaangai' ulun makakito Riso, am niayuk ilo ondo' nanura' Riso i. Ngaangai' bansa' ru tana' ti mantatangi' sabap ra ondo' binaal Riso i. Sotopot no ginio noyo! Amin.

PINAINTALANG 14:14

Aku pana nagilong am makakito ra gaun mapulak am mokoondo' ondo' nanturung rasawat ru gaun no makito koson ra ulun. Nangkaraun Io ra karaun mas am nampaguut Io ra tantab malarom.