DANIL 7:1 - Tanou Moonsoi Timugon

¹ Paat ra sarandaman, ra bilor kasaa' ra pamarintaan ru Raja' Bilsyajar koson ra raja' ru Babilonia, naginupi aku am nakaalap rondo' pinaintalang. Tinulisan ku inupi no am gitio noyo

DANIL 7:1 ပူးပေါင်းရင်းမြစ်များ

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

KASAUKAN 46:2

Paat ra iorondom rondo' intalangan riso, indagu i Aki Kapuuno' riso, “Jakub, Jakub!” Taam io, “Iou, Tuhan.”

AYUP 4:13

Bolong kutu najajou am napularatan koson nakaupi ra malaat.

JISAYA 30:8

Sinusub aku ri Aki Kapuuno' koson mamatik ra kalaatan ru ulun ti ralalom rondo' buuk kitab, koson pangkaraan ra sabuoi-buoi no.

JISAYA 8:1

Tuhan minindagu raki', “Pangalap rondo' batu pamatikan ra maayo, am patuliso' ragu ragitio ra rasawat no maa' raginio maalap kabasa' ru moonong ulun: ‘Tokowo' ribaki', gaawo' mataki'’.

JIRIMIA 23:28

Nabi ondo' naginupi musiti' no mindagu, ‘Ginio inupi ayuk.’ Kaa' nabi ondo' nangapu ra tanou intor Raki' musiti' mampasaboi ra tanou no ra sotopot no. Atan kia rami no amon ru pinogondo' ra gandum!

JIRIMIA 27:7

Ngaangai' bansa' mangandoi ayuk ra Raja' Nibukadnijar, anak ungkuyon nano am akupu nano saboi ra paat ru pagun nano galama' maratu'. Paat raginio bansa' ru Babilonia mangandoi ayuk ra bansa'-bansa' ondo' maikang am raja'-raja' ondo' maayo.

JIRIMIA 36:32

Kopongo raginio alapo' ku rondo' naskhah rinulun ra bokon am pataako' ri Baruk, mamamatik kuno. Tinulisan no boo ngaangai' ondo' nambalaan kuli. Tinulisan no ngaangai' ondo' nakasuang giu' ra ralalom ru kitab rinulun ondo' kasaa', am niayuk tanou ra bokon koson raginio.

JIRIMIA 36:4

Ginio ra piniau ku i Baruk anak ri Niria, am pinabala' ngaangai' ragu ru Tuhan no riso, maa' raginio tulisin no ngaangai' no ra ralalom ru naskhah rinulun no.

YEHEZKIEL 1:1

Paat orou kalimo ra sila' kaapat ralalom ru bilor katalu ngoopor, aku Imam Yehezkiel anak ri Busi, soroi giu' ra kiing ru Sungoi Kibar ra Babilonia nababaya' ra ulun ru Jaudi ra pinatiran. Bulintok raginio limbowon naukab am nakaalap aku ra rondo' pinaintalang intor ri Aki Kapuuno'. (

YEHEZKIEL 40:2

Ralalom ru rondo' pinaintalang, nagibit i Aki Kapuuno' raki' ra pagun ru Israil am napaayan raki' ra rasawat ru gunung ondo' masawat. Giu' ra saang kuno, makito baloi-baloi masawat ondo' natilu ra rondo' bandar.

DANIL 1:17

Nangani' i Aki Kapuuno' ra apat ngaulun ungkuyon mamulok no ra napandayan am katandaan ralalom kasusasteraan am falsafah. Rinuangan poyo, nangani' Io ri Danil ra mapandai koson mambala' ra arati' ru pinaintalang am inupi.

DANIL 2:1

Paat ra bilor karuo pamarintaan nano, Raja' Nibukadnijar naginupi. Magalabo kaga' raja' intor ra inupi nano saboi kalo mokororot.

DANIL 2:26

Kopongo raginio pangkuot raja' ri Danil ondo' sabiton niayuk ri Biltsajar, “Makapambala' kou kia raki' ra inupi kuno am arati' no?”

DANIL 4:13

“Tatanga' ra aku mangkara' ra pinaintalang no, nakito ku rondo' malaikat timinuun intor ra suruga'. Nakatampos am pagilalain ru malaikat no.

DANIL 4:5

Kaa' paat ra sangarawan ra aku tatanga' nombolong, naginupi aku am nakaalap ra pinaintalang ondo' makalalaa'.

DANIL 5:1

Paat ra sangarawan, nampiau Raja' Bilsyajar ra saribu ngaulun ulun mangaatang nano mongoi ra bunsag ondo' maayo am nagiginum ilo wain.

DANIL 5:22

“Kaa' okou galama', anak ungkuyon nano, kalo minggana' inan, kabalu' pana makapandai kou ra ngaangai' baal raginio.

DANIL 5:30

Paat rondom raginio niayuk Raja' Bilsyajar, raja' ru Babilonia pinatoi.

DANIL 7:13

Ralalom ru pinaintalang raki' paat rondom raginio, nakito ku rondo' koson ra ulun. Minatong io linibungan ru gaun, am mininggaar Riso ondo' maayag ra mantilayun, am pinauma' Riso.

DANIL 7:15

Pinaintalang no makalalaa' raki' am magalabo aku kaga'.

DANIL 7:7

Tatanga' aku magilong, bibiag kaapat poyo siminalula'. Bibiag no maikang kaga', masangit am makalalaa'. Ripon basi' nano ondo' maayo, bibiag no manutuk ra ondo' akanon nano, am kikinjangin no. Nansuai ra bibiag-bibiag ra kalo poyo ginio, bibiag no mokoondo' mopor sangau.

DANIL 8:1

Paat bilor katalu ra pamarintaan ru Raja' Bilsyajar, nakakito aku ra pinaintalang karuo

JOIL 2:28

“Kopongo raginio pasasaron Ku Ambiluo Kuno ra ngaangai' ulun: anak ungkuyon am anak ruandu' min mampatanou ra tanou Kuno; ulun matutuo min maginupi, am ulun mamulok min makakito ra napakitanan.

AMOS 3:7

Tuhan Raja' kalo igondo' nambaal ra rondo' pana ra kalo nambala' galing ra inatangan Nano ra nabi-nabi, ulipon-ulipon Nano.

ABAKUK 2:2

Taam Tuhan raki', “Tulisi' ra makito toojo atan ondo' pabalaan Kuno rirun, maa' raginio matasu' basaan. Tulisi' ngaangai' no ra batu panulisan intor ra tana' labu'.

UNTABAN 12:6

indagu boo Tuhan, “Iningo' ragu Kutu. Paat ra mokoondo' nabi-nabi ra gino ngai' mino, minintalang Aku risilo am minindagu Aku risilo ralalom ru inupi.

ROMA 15:4

Ngaangai' ondo' tinulisan ra Buuk Kitab makapangila' ritakau, am pangilaan raginio mampaikang ra guang takau am mangani' ra guang mataan saboi makakalansanan takau ri Aki Kapuuno'.

2 KORINTUS 12:1

Kabalu' pana gitio kolondo' onong, kaa' lumimbau aku niayuk koson masaga' aku mambala' ra papaintalangan am papakitanan ondo' pinakito raki' ru Tuhan.

PINAINTALANG 1:19

Ginio nai ra tulisi' noyo baal ondo' makito muno, baal soroi ra raino ti am baal masauk ra maagu no.

PINAINTALANG 10:4

Pakataam ilo ayuk am tulisin ku, kaa' korongog ku rondo' bolos intor ra limbowon minindagu ra, “Sibunio' noyo atan ondo' rinagu ru tulu' timpalak ni, am pai' tulisi'.”