DANIL 6:4 - Tanou Moonsoi Timugon

⁴ Makito boo ra kandoi ri Danil moonsoi poyo intor ra ulun magalung kapoam gabenor ra bokon no. Sabap ra maturasik kaga' i Danil, moogot raja' mampasauk riso ra panguasa' ru titikop pamarintaan.

DANIL 6:4 ပူးပေါင်းရင်းမြစ်များ

KASAUKAN 41:38

Indagu boo raja' no risilo, “Kalo lair makauyum takau ra ulun ra bokon ondo' moonsoi poyo intor ri Jusup ti, sabap ra io ti inalungan ru Ambiluo ri Aki Kapuuno'.”

KASAUKAN 43:18

Tatanga' ilo mumpos ra baloi no, mangalaa' ilo am mampaguang ilo, “Inibit takau ragiti sabap ra ruit ra pinasaguli' ralalom ru karung takali ra kasaa' itakau minatong ragiti. Rokopon nilo pulalii' itakau, alapon nilo kaladai takano am saukon takau ra ulipon nano.”

AMSAL 29:27

Ulun moonsoi masisang ra ulun malaat; ulun malaat pana masisang ra ulun moonsoi.

MAMPATANOU 4:4

Nakapandai aku niayuk ra ulun gumogot toojo mangandoi; sabap ra ilo mangusolon amon makakito ra sambalayan nilo. Kaa ginio ngai' kolondo' onong. Paliso raginio koson ra ulun ondo' mangilou ra angin.

JIRIMIA 18:18

Kon boo ru ulun, “Ibok no paguguum takau manggal ri Jirimia sabap itakau galama' mokoondo' ra imam ondo' makapangani' ra pangilaan, ulun mapintar makapangani' ra bilin, am nabi ondo' makapampasaboi ra tanou ri Aki Kapuuno' masalok soroi. Ibok no ibito' takau panguwan ri Jirimia, am lumonggo' mangkirongog ra ragu-ragu nano!”

JIRIMIA 18:23

Kaa' Okou, iou Tuhan, nakapandai ra ngaangai' ondo' inatang nilo koson mamatoi raki'. Pai' noyo iruo' kasalaan nilo am pai' noyo ampuno' tula nilo. Polosoo' noyo ra ilo maala. Guguang ayuk baalon risilo paat ra Okou sumangit.”

JIRIMIA 20:10

Mokorongog aku ra ulun mongkonos ra ati ayuk, “Kalaanan gumaai-gaai! Ibok pabalaa' takau riso ondo' makakuasa'!” Niayuk poyo ngaangai' rangan moonsoi kuno maginaa ra karatuan kuno. Konilo, “Maaru' lair ra pamparuungan, makapangala takau riso, maa' raginio itakau makapansuli' riso.”

JIRIMIA 29:7

Pangandoi no koson ra kalangkayaan ru bandar intok namatiran Kuno ramuyun. Pakiasi' kano Raki' koson ra kaatangan ru bandar raginio, sabap amon ru bandar no langkaya', akau pana langkaya'.

DANIL 3:8

Bulintok raginio noyo kukula' ngaulun Babilonia nangalap ra kaluagan koson maguyum ra kasalaan ru ulun ru Jaudi.

DANIL 5:12

Mokoondo' io ra kapintaran intor ra bokon. Mapintar io am mapandai mambala' ra arati' ru inupi, tumaam ra sunggait, am niayuk mambala' ra ondo' noopot. Inggalan ru ulun no i Danil, kaa' raja' nanginggalan riso i Biltsajar. Piawo' io. Mambala' io ra arati' ru tulisan no rirun.”

DANIL 6:22

Taam i Danil, “Kaayag kono raja' ra sabuoi-buoi no!

MATIUS 26:4

Ilo ti mangatang ra pamparakapan ri Jisus ra mamatoi Riso ra sinokon ayuk.

MATIUS 27:18

Napandayan noyo ru gabenor ti ra mangusolon panguasa'-panguasa' ru ulun ru Jaudi am ginio sabap ra nampataak ilo ri Jisus riso.

LUKAS 20:20

Ginio ra naginaa ilo ra kaluagan moonsoi. Susubo' nilo kukula' ngaulun sumalu ra ulun ondo' mangintopot kunu' Riso mongoi pangkuot koson makaalap ilo ra panguwan mamparakop Riso. Koson raginio mataakan nilo i Jisus ra kuasa' ru gabenor.

LUKAS 20:26

Kolondo' natuum nilo ra panguwan ri Jisus giu' ra saang ru ulun masuang no. Nongkoror ilo am nangimuag ra pinataam Nali.

LUKAS 22:2

Tingganai imam Jaudi am mangingila' ra Ukum ri Musa no maguyum ra kaluagan mamatoi ri Jisus ra kalo mapandayan ru ulun, sabap ra nalaa' ilo ra ulun masuang.

JUANIS 19:4

Igondo' poyo miningkual i Pilatus am indagu ra ulun masuang no, “Ilai'! Paingkualon ku Io ramuyun, maa' raginio makapandai kau ra kolondo' rondo' pana sala natuum kuno ra ulun ti.”

2 KORINTUS 11:12

Atan ondo' baalon kuno raino, ginio ayuk rayuson kuno, maa' raginio “rasul” ra bokon no kolondo' boo sasaban lumimbau am mindagu rokoon ra mangandoi ilo koson ramon.

PILIPI 2:15

Intor raginio nampakito kau ra akau ti anak ri Aki Kapuuno' ondo' kolondo' sala kapoam tula am moonsoi kaayagan min ra tatanga' ru ulun-ulun malaat am makatula no. Am paat ra akau maayag koson raginio, mogondo' kau ra butitin suminda ra rondom ti,

1 TIMOTIUS 5:14

Ginio ra moonsoi niayuk ru napuor ra mangamulok no mangindalaki am maganak poyo, am mirot ayuk pampaugar ra kandoi nilo koson ra sangulun andu', maa' raginio ulun lumaat ritakau kolondo' boo kaluagan mampakalaat ra inggalan takau.

TITUS 2:8

Raguo' noyo pangilaan motopot ayuk ondo' kalo mauwan ru ulun, maa' raginio pantula' muno mangauyu' sabap ra kolondo' rondo' pana panguwan ritakau.

1 PITRUS 2:12

Kaayag kano ra moonsoi ra sasanggilan akau lumatok ra ulun ondo' kalo nakaulig ra Tuhan. Maa' raginio, paat ra ilo manguu' ramuyun ra akau ti ulun malaat, makamakito ilo ra sotopot no moonsoi ayuk baalon min i, suku' mokopongompor ilo ri Aki Kapuuno' paat ra orou pangukuman Nano ondo' matong.

1 PITRUS 3:16

Kaa' baalo' noyo gitio mabaya' ra guang minggana' am urumat. Musiti' bolos ru guang min mapasau, maa' raginio sasanggilan ayuk ra akau asabin, ulun magasab no galama' mauyu', sabap ra kaayagan moonsoi mino koson ra sangulun Kristian.

TINGGANAI RU BANSA' 14:4

Kalo nakapandai matuo ri Simson ra Tuhan nambaal ri Simson mambaal raginio, sabap ra tatanga' Tuhan maguyum ra kaluagan mamulunsar ra ulun ru Palistin. Paat raginio ulun ru Palistin nanguasa' ra ulun ru Israil.

1 SAMUIL 12:4

Taam ngaangai' ulun no, “Kalo, kalo igondo' kou pamparuung kapoam pangimbolo' ramon. Kalo igondo' kou pangalap ra atan pana longgom ru ulun.”

1 SAMUIL 18:14

am nakasugut io nambaal ra ngaangai' kandoi nano sabap ra Tuhan mabaya' riso.

1 SAMUIL 22:14

Taam i Agimilik, “Kaa' sala' ka i Daut no alia pagawai muno ondo' gumagaya' kaga'? Io anak mangiwan muno galama', tingganai magagalung rirun ayuk am urumaton kaga' ru ngaangai' ulun giu' ra istana.