DANIL 6:28 - Tanou Moonsoi Timugon

²⁸ Io mangindangan am mamayag; mambaal ra kaimuagan-kaimuagan, ra tana' ti am poyo giu' ra suruga'. Io namayag ri Danil intor ra sinaam ru singa'.”

DANIL 6:28 ပူးပေါင်းရင်းမြစ်များ

2 TUNUNG RU BANSA' ISRAIL 36:22

Paat ra bilor kasaa' ra pamarintaan ru Raja' Koris, raja' Pirsia, inintopot ru Tuhan ragu Nano ondo' pinasaboi ru Nabi Jirimia. Namuir Tuhan ra guang ru Raja' Koris maa' raginio mangingkual ra susuban tinulisan koson basaan giu' ra titikop ru pamarintaan nano. Bolos ru surat no koon ragitio,

2 TUNUNG RU BANSA' ISRAIL 36:23

“Gitio noyo ragu ru Raja' Koris, raja' ru Pirsia. Tuhan, i Aki Kapuuno' panguasa' giu' ra suruga', nampasauk raki' ra raja' ru titikop ru tana' ti. Nangani' Io raki' ra kandoi koson mambaal rondo' baloi Riso giu' ra Jirusalim, giu' ra wilayah ru Jiuda. Ginio ra, akau ngaangai' ondo' nasauk ra ulun ri Aki Kapuuno' musiti' sumaguli' ra giu'. Gama' ru Tuhan, i Aki Kapuuno' min mabaya' ramuyun.”

MAZMUR 77:15

Okou noyo i Aki Kapuuno' ondo' nambaal ra kaimuagan; pinaintalang Mu kuasa' Muno ra bansa'-bansa'.

JISAYA 44:28

Mindagu Aku ri Koris, ‘Okou noyo mamarinta ra bala Raki'; am mamatas sumugut ra kasagaan Kuno: okou noyo manaak ra panusuban koson mambaal saguli' ra Jirusalim, am koson mapatanom ra lugu' ru Baloi Kuno.’ ”

JIRIMIA 32:20

Paat ra galing i nambaal Kou ra kaimuagan am baal-baal ra makaimuag giu' ra Misir, am saboi raino pana lakat kou poyo mambaal raginilo, ra gino ngai' ru Israil am niayuk ra gino ngai' ru bansa' ra bokon. Koon raginio noyo Okou nauligan kaga' ra ati ayuk intok.

DANIL 1:21

Narayus i Danil nangandoi giu' ra istana no saboi ra Raja' Koris intor ra Pirsia, tumalimpuun mamarinta.

DANIL 10:1

Paat ra bilor katalu ra pamarintaan ru Raja' Koris koson ra raja' Pirsia, rondo' tanou ondo' pinasaboi ri Danil ondo' niayuk piawon ri Biltsajar. Tanou raginio motopot kaa' mapagon kaga' maratian. Tanou raginio pinabala' ri Danil ralalom rondo' pinaintalang.

DANIL 3:29

“Raino rongogo' raguon kutu: Osoi ayuk intor ra bansa', bansa' boborok kapoam ragu ra atan ayuk ondo' magasab ri Aki Kapuuno' ri Sadrak, Misak am niayuk i Abidnigo, puputulon, am baloi nano gabaan am saukon ra tuntur ru nalunsai. Kolondo' dewa ondo' makapambaal ra ondo' binaal ri Aki Kapuuno' nilo.”

DANIL 5:28

Tayaron arati' no pamarintaan muno matatayar am pataakin ra ulun ru Midia am Pirsia.”