DANIL 6:26 - Tanou Moonsoi Timugon

²⁶ Kopongo raginio nanulis Raja' Darius ra surat posoboyon ra ulun intor ra ngaangai' bansa', bansa' boborok am ragu ra tana' ti: “Kaansayan!

DANIL 6:26 ပူးပေါင်းရင်းမြစ်များ

IJRA 1:3

Gama' ru i Aki Kapuuno' manindung ramuyun ngaangai' ondo' nasauk ra ulun Nano. Musiti' kau sumaguli' ra Jirusalim am mambaal saguli' ra Baloi ru Tuhan, i Aki Kapuuno' ru Israil, i Aki Kapuuno' ondo' sambaan giu' ra Jirusalim.

IJRA 7:21

“Manusub aku maa' raginio atan ayuk ondo' kinitaak ru Imam Ijra, ondo' mapandai kaga' ra Ukum ri Aki Kapuuno' panguasa' giu' ra suruga', musiti' pataakin ra mataki' ru ngaangai' pagawai kausinan giu' ra wilayah Iprat Kalasaan.

MAZMUR 119:120

Monontol aku malaa' Rirun, am malaa' aku ra nangatangan Muno.

MAZMUR 146:10

Tuhan noyo raja' ra sabuoi-buoi no. I Aki Kapuuno' muno, okou Sion, mamarinta ra sabuoi-buoi no. Omporo' noyo Tuhan!

MAZMUR 2:11

Pangandoi kano ra Tuhan ra guang matikop ra kaintapatan;

MAZMUR 29:10

Mamarinta Tuhan ra raat ondo' malandom; mamarinta Io koson ra raja' ra sabuoi-buoi no.

MAZMUR 42:2

Koson ra tambang moondom ra timug ru sungoi, koson niayuk ra salibuor kuno moondom Rirun, iou Aki Kapuuno'.

JISAYA 66:2

Aku galama' namangun ra tana' ti. Maansayan Aku ra ulun minggana' guang am tumalikur ra tula, ondo' malaa' am gumagaya' Raki'.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

JIRIMIA 10:10

Kaa' Okou, Tuhan, i Aki Kapuuno' ondo' motopot, Okou i Aki Kapuuno' ondo' maayag, raja' ondo' mantilayun. Paat ra Okou sumangit, monontol tana' ti, bansa'-bansa' kalo maikang manguma' ra sangit Muno. (

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

DANIL 3:29

“Raino rongogo' raguon kutu: Osoi ayuk intor ra bansa', bansa' boborok kapoam ragu ra atan ayuk ondo' magasab ri Aki Kapuuno' ri Sadrak, Misak am niayuk i Abidnigo, puputulon, am baloi nano gabaan am saukon ra tuntur ru nalunsai. Kolondo' dewa ondo' makapambaal ra ondo' binaal ri Aki Kapuuno' nilo.”

DANIL 4:3

“Mapara' kia gayo ru kaimuagan ondo' pinakito ri Aki Kapuuno'! Mapara' kia' gayo ru kaimuagan ondo' binaal Nano! I Aki Kapuuno' noyo raja' ra sabuoi-buoi no; mamarinta Io ra kolondo' pupus.

DANIL 4:34

Indagu raja', “Pakasail tulu' ngambilor no magilong aku ra limbowon. Pulali' ru pangkaraan kuno nakaliman saguli'. Nongompor aku ri Aki Kapuuno' Ondo' Masawat Kaga' liliwa' mangurumat am mampatulai Riso ondo' naayag ra sabuoi-buoi no. “Mamarinta i Aki Kapuuno' ra sabuoi-buoi no, pamarintaan Nano kolondo' pupus.

DANIL 6:20

Paat ra maar matawang, sukal raja' am agou-agou minongoi ra luang batu ru singa' no.

DANIL 7:14

Inanian io ra urumat am kuasa' koson ra raja', saboi ulun-ulun intor ra ngaangai' bansa', bansa' boborok am ragu mangandoi ayuk riso. Kuasa' nano mantilayun, am pamarintaan nano kolondo' pupus.

DANIL 7:27

Kuasa' am kinaayo ru ngaangai' pamarintaan ra tana' ti pataakin ra ulun ri Aki Kapuuno' Ondo' Masawat Kaga'. Kuasa' nilo koson mamarinta kolondo' pupus, am ngaangai' panguasa' ra tana' ti mangandoi ayuk risilo am niayuk gumagaya' risilo.”

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

MALIAKI 3:6

“Aku noyo Tuhan; kalo makulau Aku. Ginio ra akau, papag ri Jakub, kalo pusoon ra malingon.

MATIUS 6:13

Palabuso' akai no intor ra pangkinaman am ampini' no akai intor ra kuasa' ru kalaatan. [Sabap ra Okou no Raja' ondo' matulai am makakuasa' sabuoi-buoi no. Amin.]’

LUKAS 1:33

Mantilayun Io mamarinta ra papag ri Jakub am pamarintaan Nano kolondo' pupus.”

LUKAS 12:5

Tuluin takamin osoi kalaanin. Kalaa' kano ri Aki Kapuuno' sabap ra mopongo mamatoi, makakuasa' poyo mamatir ra ambiluo ru ulun ra naraka! Balain takamin toojo, kalaa' kano Riso!

RINALATAN 17:25

Mokoondo' Io no ngaangai' am kalo pana indanganon ru ulun. Kaa' Io ondo' nangani' ra ngaangai' ulun ra painawo am kaayagan am atan-atan ayuk.

ROMA 9:26

Giu' ra intok ondo' inindaguan ri Aki Kapuuno' risilo ‘Akau sala' ka ulun Kuno,’ giu' no niayuk sabiton ilo ra anak ri Aki Kapuuno' ondo' maayag.”

SAGULION 5:26

Igondo' kia ulun magulayun maayag malupus mokorongog ri Aki Kapuuno' ondo' maayag intor ra apui?

1 TISALONIKA 1:9

Sabap ra ilo galama' mantunung boo ra ati kulaan nangapuan min ramon paat ra akai minongoi ramuyun gili. Mantunung ilo ati kulaan timinalikur kau intor ra sumamba ra sinungkalalaing, am mangandoi boo ri Aki Kapuuno' ondo' maayag am motopot.

IBRANI 12:29

Sabap ri Aki Kapuuno' takau mangukum ra pantula' Nano mogondo' ra apui ondo' mangumpo.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 4:10

karuo ngoopor am apat ngaulun tingganai no lumaub ra saang ru Io ondo' nanturung ra takhta no am niayuk sumamba Riso ondo' maayag ra mantilayun. Papatiro' nilo boo karaun mas nilono ra saang ru takhta no am indagu,

PINAINTALANG 5:14

Kaapat-apat ilo ondo' maayag no timinaam, “Amin!” Tingganai-tingganai no igulatur am niayuk siminamba.

1 SAMUIL 17:26

Nangkuot i Daut ra saujor ondo' soroi ra mamaar riso, “Atan kia ondo' taakin ra ulun ondo' makapamatoi ra ulun ru Palistin no am mapalabus ra Israil intor ra pagasaban? Makakau' kaga' ulun ru Palistin no, ulun ondo' kalo makaulig ri Aki Kapuuno', manggal ra saujor ri Aki Kapuuno' ondo' naayag!”

1 SAMUIL 17:36

Namatoi aku noyo ra singa' am baawang, am ulun ru Palistin ondo' kalo nakaulig ri Aki Kapuuno' no, niayuk nogondo' pamakuan kuno koson ra bibiag raginio, sabap ra makakau' io manggal ra saujor ri Aki Kapuuno' ondo' naayag.