DANIL 6:25 - Tanou Moonsoi Timugon

²⁵ Kopongo raginio nanusub raja' maa' raginio ngaangai' ulun ondo' nanguu' ri Danil, patirin ra ralalom ru luang batu ru singa' no pabayaan ra anak andu' nilo. Kalo poyo naratu' ilo intor ra lonor ru luang batu no, singa'-singa' no nansaam noyo risilo am namandak-mandak ra bungul nilo.

DANIL 6:25 ပူးပေါင်းရင်းမြစ်များ

IJRA 4:17

Binalasan ru raja' surat no koon ragitio, “Posoboyon ra Gabenor Rigum, Mamamatik i Simsai, am rangan-rangan nilo ondo' minayan giu' ra Samaria am ra intok ru bokon giu' ra kalasaan ru Iprat. Kaansayan.

ESTER 3:12

Ginio ra paat ra orou koopor am talu ru sila' kasaa', nampiau i Gaman ra ngaangai' mamamatik ru raja'. Nanusub i Gaman risilo manulis ra surat sumugut ra ngaangai' ondo' sinusub nano. Surat no pana pinaalig boo ra ralalom ru ngaangai' ragu, am pinaralin ra ralalom ru ngaangai' tulisan ondo' pinakai ra ralalom ru pamarintaan. Surat no tinulisan ralalom inggalan ru Raja' Agaswiros am sinaapan ra saap nano. Kopongo raginio surat no inataran ra ngaangai' panguasa', gabenor am pagawai.

ESTER 7:10

Koon raginio noyo i Gaman tinair ra lugu' pampatairan ondo' binaal nano ra tayar ri Mordikai. Kopongo raginio bagu no sangit ru raja' no siminalui.

ESTER 8:9

Baal raginio nasauk paat ra orou karuo ngoopor am talu ra sila' katalu, iono sila' Siwan. Piniau ri Mordikai ngaangai' mamamatik ru raja' am nanusub risilo manulis ra surat ra ulun ru Jaudi, gabenor-gabenor, pagawai ru pamarintaan am tingganai giu' ra titikop ru 127 wilayah ru pamarintaan no, intor ra India saboi ra Itiopia. Surat-surat no tinulisan posoboyon ra moonong wilayah ralalom ragu am tulisan ru sigagama'. Io niayuk nangator ra surat ra ulun ru Jaudi ralalom ragu am tulisan ru Jaudi.

MAZMUR 7:15

Ilai' noyo ulun malaat mampaguang ra kalaatan; mangatang ilo ra mampajajou am mambaal ra pamparuungan.

MAZMUR 9:16

Bansa'-bansa' ondo' kalo makaulig Rirun maratu' ilo ra luang ondo' kinali nilo galama'; napataan ilo ra paninigot, kaa' ilo galama' siminulung.

AMSAL 11:8

Ulun ra kolondo' tula makainggalur ra kapaganan, kaa' ulun malaat mokoowot ra kapaganan.

DANIL 3:4

korongog boo sangulun susubon ru raja' nampatanou ra bolos matangil, “Akau ulun intor ra ngaangai' bansa', am ragu, rongogo' raguon ru raja' ti:

DANIL 4:1

Nangator Raja' Nibukadnijar ra papatanawan ragitio ra ulun intor ra ngaangai' bansa' am ragu ra titikop ru tana' ti: “Kaansayan!

SAGULION 19:19

musiti' io ukumin ondo' ukuman ondo' kuayan no ra ulun pinasala nano. Koson raginio akau mamuso ra kalaatan no.

1 PITRUS 1:2

Pinili' kau ri Aki Kapuuno', Ama' takau, sumugut ra pangatangan Nano, am pinasauk kau ru Ambiluo Nano ra ulun matulai, maa' raginio gumagaya' kau boo ri Jisus Kristus am maimpasawan kau ru raraa' Nano. Gama' ru ruangin poyo ri Aki Kapuuno' no barakat am pabansayan Nano ramuyun.

2 PITRUS 1:2

Gama' ru ruangin poyo ri Aki Kapuuno' barakat am pabansayan Nano ramuyun, sabap ra nakaulig kano Riso am niayuk i Jisus, Tuhan takau.

JUDAS 1:2

Gama' ru mauli' i Aki Kapuuno' manaak ramuyun ra asi', barakat am pabansayan Nano.