DANIL 6:18 - Tanou Moonsoi Timugon

¹⁸ Kabang ru luang batu pana tinauban boo ra rondo' batu maayo, am sinaapan ru raja' batu no ra meterai nano galama' am meterai ru ulun-ulun mangaatang nano, maa' raginio kolondo' sangulun pana makapamayag ri Danil.

DANIL 6:18 ပူးပေါင်းရင်းမြစ်များ

2 SAMUIL 19:24

Kopongo raginio, i Mipibosit, akupu ru Raja' Saul minongoi uma' ra raja'. Kalo igondo' io nambagu' ra kalayam, kapoam nangaur ra jangut, kapoam nampupu' ra konoon intor ra raja' nangiruan ra Jirusalim saboi ra raja' siminaguli' ra matanda'.

1 RAJA'-RAJA' 21:27

Kopongo i Ilia minindagu, rilako' ru Raja' Agab bayang nano. Inalus no bayang nano am sulungi' konoon karung koson tatandu' ru pansagulian guang. Nampali Raja' Agab, am pombolong io ra mambayang ra konoon karung. Mugar Raja' Agab mongoi ra giu' giti ra bulos malaut am mangiluk guang.

ESTER 6:1

Paat rondom raginio niayuk raja' kalo mokororot. Ginio ra, kitaako' ru raja' maa' raginio tinulisan rasmi ru pamarintaan alapon am nanusub raja' ra ulun mambasa' raginio.

AYUP 21:12

Anak nilo marimbai am mansasayau, sumbayaan ra bolos ru tamburing, suling am jitor.

MAZMUR 137:2

Ra puun ru gandarusa ra pagun no patairon takau jitor takano.

MAZMUR 77:4

Bulintok ra aku makakara' ri Aki Kapuuno', mampalaa aku; bulintok ra aku mongoror, kolondo' boo patiguang ku.

MAMPATANOU 2:8

Nanimung aku ra mas am pirok intor ra raja'-raja' ralalom ru pagun-pagun ondo' kinuasa' kuno. Ulun maririmbai ungkuyon am ruandu' marimbai koson mapakaansuk ra guang kutu ralalom ru rimbai-rimbai nilo, am mokoondo' aku ra masuang kaga' ruandu' ondo' kalaayin kuno.

SULABOI 3:53

Namatir ilo raki' ra naayag ayuk poyo ra ralalom ru luang ondo' malandom, am tinauban luang no ra batu.

DANIL 10:3

Buoi ru ginio, kalo nangakan aku ra akanon maamis kapoam kual; kalo nanginum aku ra wain kapoam nansurai ra abuk.

DANIL 2:1

Paat ra bilor karuo pamarintaan nano, Raja' Nibukadnijar naginupi. Magalabo kaga' raja' intor ra inupi nano saboi kalo mokororot.

DANIL 6:19

Kopongo raginio saguli' raja' ra istana, kaa' rondom raginio kalo nokororot io. Kalo nangakan io am kalo masaga' simoyoon.

PINAINTALANG 18:22

Bolos ru jitor, rimbai, tulali am bujung kalo boo rongogon ra intok no. Kolondo' boo sangulun mangandoi ra giu' no am bolos ru batu kinsaran pana kalo boo rongogon.